Dawˬmehˬ 22:28 - Akha

²⁸ “Tsawˇ haˬ tiˬ gʼaˬ na, ngehˬ cawˬ taˬ-euˬ maˬ jaˆ-eu zaˬ miˬ aˬ buˇ tiˬ gʼaˬ-ahˇ dawꞈ-awˇ yehˬ bawˬ sehˇ lu-ehˇ jahˇ luꞈ gaˇ aˬ cawˬ neh bi nyehꞈ-euˬ ehˇ-awˬ.

Dawˬmehˬ 22:28 ပူးပေါင်းရင်းမြစ်များ

Maꞈtehˬ 1:18

Yeˬsuˇ Ka li dehꞈ le-euˬ gaˇ kawˆ-aˬ, heu loꞈ-ehˇ meh. Aˬ yawꞈ-euˬ aˬ ma Maˬliˇ-aˬ, Yoˇsehˆ-ahˇ dahˬ dzaˬ-iˇ-eu gʼaˇ duˬ ngehˬ cawˬ tsehˆ taˬ-euˬ meh. Ehˇ kʼawꞈ, Maˬliˇ-aˬ, aˬ yawꞈ nyaꞈ oeˇ mˇ maˬ baˇ mi naˆ-ehˇ, Muiˬ-eu shawˇ-eu Yaw sahˇ Miˬyehˇ baˬ da neh zaˬ tsehˆ leˇ-euˬ gaˇ kawˆ, yawˬ haˇ yawˬ ha ya siˬ-euˬ meh.

Dawˬmehˬ 22:27

Kʼaˬ dzeˇ zaˬ kʼoeˇ gʼaˬ bawˇ tsahˬ-ahˇ aˬ yawꞈ-ahˇ yehˬ bawˬ sehˇ lu-ehˇ jahˇ-euˬ miˇ neh, caw ba le-awˬ lehˇ aˬ yawꞈ guˇ kʼawꞈ, caw ba nehˬ-eu gʼaˬ maˬ jawˇ-a.

Dawˬmehˬ 22:29

Tsawˇ haˬ kʼoeˇ gʼaˬ zaˬ miˬ aˬ buˇ-euˬ aˬ da-ahˇ zaˬ miˬ laˬ poeˬ pyuˇ maˇ byaˆ ngaˬ tseˇ byaˆ ya biꞈ-awˇ, zaˬ miˬ aˬ buˇ kʼoeˇ gʼaˬ-ahˇ ya sheuˬ meh. Aˬ jeˬ miˇ neh ehˇ naˇ, zaˬ miˬ aˬ buˇ kʼoeˇ gʼaˬ-ahˇ aˬ yawꞈ yehˬ bawˬ sehˇ lu-ehˇ jahˇ nehˬ-euˬ meh. Zaˬ miˬ aˬ buˇ kʼoeˇ gʼaˬ-ahˇ maˬ shiˇ tiˬ ziˇ aˬ yawꞈ maˬ gʼawˬ-iˇ ni ya dahˬ dzaˬ meh.