Dawˬmehˬ 22:24 - Akha

²⁴ Kʼoeˇ loꞈ-ehˇ pyeuꞈ laˇ naˇ, aˬ yawꞈ nyaꞈ nyiˬ gʼaˬ luꞈ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh ya biˬ sehꞈ meh. Zaˬ miˬ aˬ buˇ kʼoeˇ gʼaˬ ya shiˇ-eu tsaˬ meh. Aˬ jeˬ miˇ neh ehˇ naˇ, aˬ cawˬ-ahˇ guˇ gaˬ nya-eu meuˬ laꞈ kʼoeˇ kʼoeˇ loꞈ-ehˇ pyeuꞈ laˇ-euˬ kʼawꞈ, caw ba le-awˬ lehˇ aˬ yawꞈ maˬ guˇ-a. Kʼaˬ dzeˇ zaˬ kʼoeˇ gʼaˬ ya shiˇ-eu kʼawꞈ tsaˬ meh. Aˬ jeˬ miˇ neh ehˇ naˇ, aˬ cawˬ-ahˇ ngehˬ cawˬ tsehˆ taˬ-euˬ zaˬ miˬ aˬ buˇ nehˬ-ehˇ aˬ yawꞈ yuꞈ taꞈ-euˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya doˆ laˇ ni, naw maꞈ kʼoeˇ loꞈ-ehˇ ya mˇ meh.

Dawˬmehˬ 22:24 ပူးပေါင်းရင်းမြစ်များ

Aˇ dahˬ 29:21

Kʼoeˇ naˇ, “Aˇ yamˬ byah laˇ gʼaˬ-euˬ miˇ neh, nawˬ buˇ nga nyaꞈ-ahˇ oeˇ mˇ baˇ nehˬ laꞈ-awˬ” lehˇ, Laˬbaˬ-ahˇ Yaˬkoˆ ehˇ nehˬ-euˬ meh.

Yawˇbaˆ 31:11

Kʼoeˇ loꞈ-ehˇ gʼeh-eu haiˬ-eu jeˬ mˇ taˬ-euˬ jaˆ naˇ, shiˇ gaˇ keuˆ ni kʼehˬ nehˬ-eu tsaˬ tehꞈ-a.

Yeˬsaˬgeˬlaˇ 16:38

Aˬ cawˬ aˬ da nehˬ-ehˇ bahˬ-euˬ jeˬ hawˇ-eu meh maˬ laˇ geuꞈ-euˬ jeˬ aˇ poeˬ, ngaˇ nawˬ-ahˇ yaˇ kʼaˬ daˇ-awˇ, ngaˇ nui ma pehˇ dui dui-eu laꞈ kʼoeˇ, shiˇ gaˇ keuˆ ni nawˬ-ahˇ ngaˇ kʼehˬ ma.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Maꞈtehˬ 1:20

Kʼoeˇ loꞈ-ehˇ shaˇ noeˬ luꞈ-eu aˇ yamˬ-ahˇ, aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, heu loꞈ-ehˇ ehˇ-eu meh. “Daˬbiˇ-euˬ aˬ li Yoˇsehˆ-oˇ, Maˬliˇ-ahˇ sheuˬ-eu gaˇ kawˆ taˬ noeˬ shaˬ. Aˬ yawꞈ zaˬ tsehˆ leˇ-euˬ-aˬ, Muiˬ-eu shawˇ-eu Yaw sahˇ Miˬyehˇ baˬ da neh meh.

Maꞈtehˬ 1:24

Kʼoeˇ naˇ, Yoˇsehˆ uˬ noeˬ noeˬ laˇ-awˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ neh aˬ yawꞈ-ahˇ ehˇ nehˬ-euˬ loꞈ-ehˇ, Maˬliˇ-ahˇ sheuˬ dahˬ dzaˬ-euˬ meh.

1 Gawˇliˬtu 5:13

Laꞈ nyiˇ paw-euˬ tsawˇ haˬ deuˬ-ahˇ Miˬyehˇ yaˇ kʼaˬ daˇ tehꞈ-a. Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Haiˬ-eu tsawˇ haˬ deuˬ-ahˇ naw maꞈ laꞈ kʼoeˇ maˬ bi jawˇ ni teh doˆ-awˬ.”

1 Gawˇliˬtu 5:2

Ehˇ kʼawꞈ naw maꞈ nui ma paˇ huiˬ-eu la. Noeˬ shaˬ dui dui paˬ-ehˇ gʼeh-awˇ, kʼoeˇ loꞈ-ehˇ mˇ-euˬ tsawˇ haˬ-ahˇ Ka li zaˬ aˇ muˇ laꞈ kʼoeˇ neh teh doˆ-eu tsaˬ meh.

Dawˬmehˬ 13:5

Ehˇ kʼawꞈ, naw maꞈ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ nehˬ laꞈ-euˬ Sahˬpaˬ Miˬyehˇ-ahˇ puiˬ kaˇ-euˇ lehˇ, naw maꞈ-ahˇ kʼaˇ ehˇ-eu yuꞈ maˆ dawˬ tsuiꞈ yuˇ doˆ-eu tsawˇ haˬ -ahˇ maˬ ehˇ, Miˬyehˇ gʼaˇ duˬ ngehˬ dah-eu tsawˇ haˬ-ahˇ maˬ ehˇ, sehꞈ-awˬ. Kʼoeˇ loꞈ-ehˇ gʼeh-eu tsawˇ haˬ-aˬ, maˬ muiˬ maˬ jaˬ-eu tsawˇ haˬ pyeuꞈ-awˇ, Sahˬpaˬ Miˬyehˇ neh naw maꞈ-ahˇ bi cah-euˬ gaˇ ma-ahˇ maˬ cah ni, naw maꞈ-ahˇ sheuˬ doˆ gʼeh-eu lehˇ leh jeh-eu meh. Maˬ muiˬ maˬ jaˬ-eu jeˬ laꞈ kʼoeˇ naw maꞈ ya buˬ-iˇ ni, kʼoeˇ loꞈ-ehˇ gʼeh-eu tsawˇ haˬ-ahˇ sehꞈ dzeh-awˬ.

Dawˬmehˬ 17:7

Tsawˇ kaˬ geuꞈ-eu deuˬ neh aˬ yawꞈ-ahˇ kʼaˬ lo biˬ dawꞈ dawꞈ gʼaˬ miˇ tsa, nui deuˬ ya biˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ byoˆ-iˇ ni, naw maꞈ kʼoeˇ loꞈ-ehˇ jahˇ-awˬ.

Dawˬmehˬ 21:14

Aˬ yawꞈ-ahˇ nawˇ maˬ paˇ sheuˬ mawꞈ-ehˇ pyeuꞈ laˇ ngeh, aˬ yawꞈ-ahˇ pyehˬ nehˬ-awˇ, kʼaˇ iˇ mawꞈ gaˇ bi iˇ-awˬ. Aˬ yawꞈ-ahˇ nawˇ bahˬ-euˬ miˇ neh, zaˬ kʼaˆ loꞈ-ehˇ sawˇ nehˬ-awˇ maˬ ya ahˬ dzaˬ-a.

Dawˬmehˬ 22:23

“Tsawˇ haˬ tiˬ gʼaˬ aˬ cawˬ-ahˇ ngehˬ cawˬ tsehˆ taˬ-euˬ zaˬ miˬ aˬ buˇ tiˬ gʼaˬ nehˬ-ehˇ meuˬ laꞈ kʼoeˇ yuꞈ taꞈ luꞈ gaˇ bi nyehꞈ-euˬ ehˇ-awˬ.

Dawˬmehˬ 22:25

“Tsawˇ haˬ tiˬ gʼaˬ na, aˬ cawˬ-ahˇ ngehˬ cawˬ tsehˆ taˬ-euˬ zaˬ miˬ aˬ buˇ tiˬ gʼaˬ-ahˇ, bawˇ tsahˬ-ahˇ tahˬ puˬ-awˇ, dawꞈ-awˇ yehˬ bawˬ sehˇ lu-ehˇ gʼeh nehˬ-euˬ ehˇ-awˬ. Kʼoeˇ loꞈ-ehˇ pyeuꞈ laˇ naˇ, kʼaˬ dzeˇ zaˬ gʼaˬ-ahˇ tehꞈ-ehˇ ya sehꞈ meh.