Dawˬmehˬ 21:8 - Akha

⁸ Sahˬpaˬ Miˬyehˇ-oˇ, Iˇjiˇtuˆ miˇ kʼahˬ laꞈ kʼoeˇ neh nawˬ neh ka kʼoꞈ doˆ laꞈ-euˬ nawˬ-euˬ tsawˇ haˬ deuˬ-ahˇ iˬ baˇ pyehˬ nehˬ laꞈ-awˬ. Nga maꞈ-ahˇ iˬ baˇ pyehˬ nehˬ laꞈ-awˇ, maˬ lehˬ maˬ ca-eu tsawˇ haˬ heu gʼaˬ-ahˇ sehꞈ-euˬ iˬ baˇ heu nga maꞈ kʼoeˇ taˆ taˬ bi keuˆ le nehˬ laꞈ’ lehˇ ya ehˇ meh.

Dawˬmehˬ 21:8 ပူးပေါင်းရင်းမြစ်များ

2 Saˬmeuˬlaˆ 3:28

Gaˇ kawˆ kʼoeˇ Daˬbiˇ ya gaˬ ngeh, heu loꞈ-ehˇ ehˇ-eu meh. “Aˬbaˬnaˬ-ahˇ sehꞈ-euˬ iˬ baˇ heu, ngaˇ hawˇ-eu ngaˬ-euˬ miˇ kʼahˬ zaˬ deuˬ kʼoeˇ taˆ maˬ jaˆ-eu gaˇ kawˆ, Sahˬpaˬ Miˬyehˇ siˬ duˬ meh.

1 Sahˬpaˬ 2:31

Sawˇlaˬmoˬ ehˇ-eu, “Yoˇbaˬ neh kʼaˇ ehˇ-euˬ loꞈ-ehˇ jahˇ-awˇ, aˬ yawꞈ-ahˇ sehꞈ-awˇ baꞈ pahˬ nehˬ-awˬ. Kʼoeˇ loꞈ-ehˇ jahˇ naˇ, ngaˬ-euˬ kʼoeˇ taˆ maˬ ehˇ, Daˬbiˇ-euˬ zaˬ deuˬ uˆ deuˬ kʼoeˇ taˆ maˬ ehˇ, iˬ baˇ maˬ ahˇ-eu tsawˇ haˬ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ maˬ keuˆ le ni, ya buˬ ya law-iˇ tehꞈ-a.

2 Sahˬpaˬ 24:4

Kʼaˆ tiˬ paˆ ni, iˬ baˇ maˬ ahˇ-eu tsawˇ haˬ deuˬ-ahˇ aˬ yawꞈ sehꞈ-euˬ baˬ da neh, kʼoeˇ loꞈ-ehˇ bi pyeuꞈ laˇ-euˬ meh. Kʼoeˇ loꞈ-ehˇ mˇ-euˬ baˬ da neh, Maˬnaˇseˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ coeˇ-a.

Jaceuq 19:12

Yawˬha yaw lehˬ siˬduˬnya-eu, tsawˇhaˬtiˬgʼaˬ-iˬ maˬjawˇ-a. Ngaˇmaˬmawˇ-euˬngaˬ-euˬiˬbaˇ, SahˬpaˬMiˬyehˇtsiˬshawˇnehˬlaꞈ.

Yeˬlaˬmiˇ 26:15

Ehˇ kʼawꞈ, heu loꞈ-ehˇ siˬ duˬ taˬ paˬ-ehˇ gʼeh tehꞈ-a. Naw maꞈ ngaˬ-ahˇ sehꞈ naˇ, maˬ lehˬ maˬ ca-eu tsawˇ haˬ-ahˇ sehꞈ-euˬ iˬ baˇ naw maꞈ ya pi tehꞈ-a. Aˬ jeˬ miˇ neh ehˇ naˇ, ngaˬ-ahˇ kʼehˇ gʼeh leꞈ-awˇ, naw maꞈ-ahˇ bi mehˬ bi tsoˆ le-euˬ gʼaˬ-aˬ, Sahˬpaˬ Miˬyehˇ meh.”

Yeˬsaˬgeˬlaˇ 23:3

Aˬ yawꞈ nyaꞈ zaˬ guˬ guˬ ngeh, miˬ shuiꞈ maˬ shuiꞈ ni, meh maˬ laˇ geuꞈ-euˬ meh.

Yawˇnaˆ 1:14

Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ-awˇ, “Sahˬpaˬ Miˬyehˇ-oˇ, tsawˇ haˬ heu gʼaˬ-ahˇ bi shiˇ-euˬ baˬ da neh nga maꞈ-ahˇ kʼehˬ-awˇ taˬ sehꞈ nehˬ laꞈ lehˇ nawˬ-ahˇ nga maꞈ shaˇ-eu ma. Sahˬpaˬ Miˬyehˇ-oˇ, heu loꞈ-ehˇ pyeuꞈ laˇ ni dawˬ tawˆ luꞈ nawˬ neh jahˇ-euˬ meh” lehˇ shaˇ-euˬ meh.

Maꞈtehˬ 23:35

Aˇ saˬ saˬ laˇ ngeh jawˇ, maˬ bahˬ maˬ muˆ-eu tsawˇ haˬ deuˬ-ahˇ sehꞈ-euˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a. Iˬ baˇ maˬ ahˇ-eu Aˬbeˬlaˆ-ahˇ sehꞈ-euˬ gaˇ neh aˇ dahˬ beh-awˇ, Uˬ duˬ tahˬ nymˇ nymˇ ma hawˇ-eu lawˇ duˬ yaw kaˬ-ahˇ naw maꞈ neh sehꞈ-euˬ Beˬleˬkiˇ-euˬ aˬ li Zaˬkaˬliˇ-ahˇ keuˆ ni, naw maꞈ neh kʼaˇ sehꞈ-euˬ maˬ bahˬ maˬ muˆ-eu tsawˇ haˬ deuˬ-euˬ shiˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a.

Dawˬmehˬ 21:7

Kʼoeˇ ngeh, aˬ yawꞈ maꞈ heu loꞈ-ehˇ ya ehˇ meh. ‘Tsawˇ haˬ heu gʼaˬ-ahˇ nga maꞈ sehꞈ-euˬ maˬ ngeuˇ. Aˬ suˇ gʼaˬ neh sehꞈ-euˬ kʼawꞈ nga maꞈ maˬ siˬ.