Dawˬmehˬ 21:5 - Akha

⁵ Leˬbiˇ tsawˇ haˬ piˇ ma deuˬ kʼawꞈ kʼoeˇ gaˇ ya iˇ meh. Aˬ jeˬ miˇ neh ehˇ naˇ, tsawˇ haˬ-ahˇ diˬ-eu sehꞈ-eu gaˇ kʼaˇ taꞈ leˇ-eu gaˇ kawˆ yawˬ jeˬ na luꞈ-ahˇ, aˬ yawꞈ maꞈ yaˇ kʼaˬ ya daˇ nehˬ meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ bi mˇ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ dawˬ bi ngehˬ gʼeh-eu gʼaˇ duˬ maˬ ehˇ, aˬ yawꞈ maꞈ-ahˇ aˬ yawꞈ neh tseˇ doˆ taˬ-euˬ meh.

Dawˬmehˬ 21:5 ပူးပေါင်းရင်းမြစ်များ

1 Laˬsaˬbaˬ 23:13

Aˬ li aˬ yuiꞈ yuiꞈ saˬ gʼaˬ pyeuꞈ-eu Aˬmaˬlamˬ-aˬ, Aˬloˬ hawˇ-eu Moˇseˬ-euˬ aˬ da meh. (Aˬloˬ hawˇ-eu aˬ yawꞈ-euˬ zaˬ deuꞈ uˆ deuˬ-aˬ, mˬ maˬ maˬ byaˆ zaˇ ziˇ muiˬ-eu shawˇ-eu keu ka deuˬ-ahˇ haw-eu pyaˆ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ gaˇ yaw saw jeˬ doꞈ damˬ-eu gʼaˇ duˬ maˬ ehˇ, tseˇ doˆ taˬ-euˬ tsawˇ haˬ deuˬ pyeuꞈ-eu meh.

2 Laˬsaˬbaˬ 19:10

Meuˬ nui deuˬ-ahˇ jawˇ luꞈ-eu naw maꞈ-euˬ miˇ kʼahˬ zaˬ deuˬ, tsawˇ haˬ sehꞈ-euˬ maˬ ehˇ, miˇ kʼahˬ zahˇ sahˇ kʼoꞈ-ahˇ mˇ bahˬ-euˬ maˬ ehˇ, zahˇ dawˬ kʼoꞈ dawˬ-ahˇ mˇ bahˬ-euˬ maˬ ehˇ, kʼoeˇ loꞈ-ehˇ gʼeh-eu gaˇ kawˆ doˆ laˇ-awˇ naw maꞈ jawˇ gaˇ laˇ keuˆ ngeh, aˬ yawꞈ maꞈ-ahˇ yaˇ kʼaˬ daˇ nehˬ-eu aˇ yamˬ laꞈ kʼoeˇ Sahˬpaˬ Miˬyehˇ-ahˇ maˬ ya mˇ bahˬ-eu gʼaˇ duˬ, aˬ joˆ-ehˇ ya ngehˬ ya tmˇ-awˇ, aˬ joˆ-ehˇ ya dehꞈ-eu gaˇ kawˆ deuˬ, aˬ yawꞈ maꞈ-ahˇ yaw muiˬ paˬ-ehˇ mehˬ nehˬ tsoˆ nehˬ-awˬ. Naw maꞈ kʼoeˇ loꞈ-ehˇ maˬ mehˬ maˬ tsoˆ nehˬ naˇ, naw maꞈ hawˇ-eu naw maꞈ-euˬ miˇ kʼahˬ zaˬ kʼoeˇ deuˬ kʼoeˇ taˆ, Sahˬpaˬ Miˬyehˇ nui ma pehˇ-eu jeˬ keuˆ le tehꞈ-a. Ehˇ kʼawꞈ, kʼoeˇ loꞈ-ehˇ mehˬ nehˬ tsoˆ nehˬ naˇ, naw maꞈ iˬ baˇ maˬ ahˇ-a.

Yeˬsaˬgeˬlaˇ 42:13

Tsawˇ haˬ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Nymˇ heu nyiˬ nymˇ luꞈ muiˬ-eu shawˇ-eu meh. Sahˬpaˬ Miˬyehˇ-euˬ mehˬ shi le uˇ-eu piˇ ma deuˬ nymˇ kʼoeˇ nyiˬ nymˇ laꞈ kʼoeˇ muiˬ dui shawˇ dui dui-eu lawˇ dzaˇ dzaˬ-eu meh. Aˇ lawˆ kʼoeˇ deuˬ muiˬ-eu shawˇ-eu miˇ neh, muiˬ dui shawˇ dui dui-eu lawˇ-eu jeˬ pyeuꞈ-eu, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ, kʼoeˇ loꞈ-ehˇ gʼeh-eu deuˬ-ahˇ, piˇ ma deuˬ kʼoeˇ gaˇ taˬ-euˬ meh.

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

Uˬ duˬ 9:22

Lawˇ-eu shehˇ-eu jeˬ dawˬ tawˆ luꞈ-ahˇ Aˬloˬ mˇ gʼaˬ ngeh, Iˇsaˬleˬlaˆ tsawˇ haˬ deuˬ kʼoeˇ taˆ aˬ yawꞈ aˬ laꞈ cawˬ ja-awˇ, dawˬ ngehˬ gʼeh nehˬ-euˬ meh.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Dawˬmehˬ 10:8

Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.

Dawˬmehˬ 18:5

Mˬ maˬ maˬ byaˆ zaˇ ziˇ aˬ yawꞈ gʼaˇ duˬ piˇ ma bi geuꞈ-eu lehˇ, naw maꞈ-euˬ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Leˬbiˇ tsawˇ jeuˬ-ahˇ aˬ yawꞈ tseˇ doˆ-euˬ meh.

Dawˬmehˬ 19:17

nyiˬ gʼaˬ luꞈ uˬ duˬ tahˬ-eu jawˇ duˬ-ahˇ ya le-awˇ, kʼoeˇ gaˇ gaˇ mˇ luꞈ-eu piˇ ma deuˬ hawˇ-eu yaˇ kʼaˬ daˇ-eu deuˬ neh ya bi daˇ tsehˆ meh.

Dawˬmehˬ 21:4

Kʼoeˇ naˇ, tiˬ jawˇ-iˬ maˬ tsiˇ leˇ ni yoeˇ luꞈ-eu lawˇ gawˆ dawˬ peh jaˆ-eu tiˬ poˆ-iˬ maˬ mˇ dzaˬ haw-euˬ miˇ tsaˬ tiˬ tsahˇ-ahˇ, aˬ yuiꞈ aˬ tsu kʼoeˇ deuˬ mawˇ neˇ mawˇ kʼaˇ kʼoeˇ mawˇ tsahˇ gʼeh-awˇ, kawˬ lahˇ ya ngawˬ kʼehꞈ meh.