Dawˬmehˬ 21:22 - Akha

²² “Tsawˇ haˬ tiˬ gʼaˬ na yaw haiˬ jeˬ mˇ-euˬ miˇ neh, aˬ cawˬ neh bi sehꞈ-awˇ, aˬ yawꞈ-euˬ gʼawˇ mawˇ kʼawˇ zeuˇ-ahˇ paꞈ gʼeu-awˇ bi jaˆ ngeh,

Dawˬmehˬ 21:22 ပူးပေါင်းရင်းမြစ်များ

Aˇ dahˬ 40:19

Smˬ nah laꞈ kʼoeˇ, sahˬ paˬ nawˬ-ahˇ pyehˬ doˆ-awˇ, nawˬ-euˬ uˬ duˬ toˆ tsehˆ-awˇ, nawˬ-euˬ gʼawˇ mawˇ-ahˇ aˇ bawˇ tiˬ bawˇ kʼoeˇ taˆ paꞈ gʼeu taˬ tehꞈ-a. Kʼoeˇ ngeh, aˇ jiˇ deuˬ oe-awˇ, nawˬ-euˬ shaˬ jiˇ-ahˇ toˆ dzaˬ tehꞈ-a.”

2 Saˬmeuˬlaˆ 21:10

Sawˇluˆ-euˬ ma nyiˇ pyeuꞈ-eu Aˬiˇyaˬ-euˬ aˬ buˇ Yiˇzaˬpaˬ gʼaˬ, tsawˇ shiˇ kʼoeˇ deuˬ ga-eu dawˬ peh kʼaˬ lo kʼoeˇ taˆ guˬ daˇ pehˇ zeuˇ saˬ paˇ neh sehˬ gʼawˆ gʼawˆ-awˇ, cehˇ yehˬ dahˬ beh ngeh yamˬ-ahˇ neh yehˇ gʼahˇ ahˇ le ngeh keuˆ ni loꞈ-euˬ meh. Shiˇ taˬ-euˬ tsawˇ haˬ kʼoeˇ deuˬ-ahˇ, nah gʼahˇ paw aˇ jiˇ maˬ ya bi dzaˬ-eu gʼaˇ duˬ maˬ ehˇ, uˬ ciꞈ paw haiˬ-eu jeˬ zaˬ deuˬ maˬ ya bi dzaˬ-eu gʼaˇ duˬ maˬ ehˇ, aˬ yawꞈ loꞈ piˇ-euˬ meh.

2 Saˬmeuˬlaˆ 21:6

Kʼoeˇ miˇ neh, aˬ yawꞈ-euˬ zaˬ deuˬ uˆ deuˬ laꞈ kʼoeˇ, kʼaˬ dzeˇ zaˬ shiꞈ gʼaˬ nga maꞈ-ahˇ a nehˬ laꞈ-awˬ. Sahˬpaˬ Miˬyehˇ neh tseˇ doˆ-euˬ sahˬ paˬ pyeuꞈ-eu Sawˇluˆ jawˇ-euˬ Giˇbyoˬ meuˬ-ahˇ, Sahˬpaˬ Miˬyehˇ mehˬ shi aˬ yawꞈ maꞈ-ahˇ nga maꞈ paꞈ gʼeu sehꞈ ma.” Sahˬ paˬ ehˇ-eu, “Aˬ yawꞈ maꞈ-ahˇ naw maꞈ-euˬ aˬ laꞈ laꞈ kʼoeˇ ngaˇ a nehˬ-eu ma.”

2 Saˬmeuˬlaˆ 21:9

Giˇbyoˬ meuˬ-ahˇ jawˇ-eu tsawˇ haˬ deuˬ-euˬ aˬ laꞈ laꞈ kʼoeˇ Daˬbiˇ neh a nehˬ-awˇ, aˬ ha shiꞈ gʼaˬ-ahˇ Sahˬpaˬ Miˬyehˇ-euˬ mehˬ shi gawˬ jawˬ kʼoeˇ taˆ aˬ yawꞈ maꞈ paꞈ gʼeu nehˬ-awˇ, shiꞈ gʼaˬ luꞈ tiˬ poˆ tehꞈ-ehˇ shiˇ-euˬ meh. Aˬ yawꞈ maꞈ shiˇ-euˬ aˇ yamˬ kʼoeˇ yamˬ-aˬ, lawˬ loeˇ keuˆ dahˬ beh le-eu yamˬ meh.

2 Saˬmeuˬlaˆ 4:12

Daˬbiˇ aˬ yawꞈ-euˬ yehˇ deuˬ-ahˇ dawˬ biꞈ-awˇ, Leˬkaˆ hawˇ-eu Baˬnahˬ aˬ nyaꞈ nmˇ-ahˇ bi sehꞈ-euˬ meh. Aˬ yawꞈ maꞈ aꞈ yawꞈ nyaꞈ nmˇ-euˬ aˬ kuiˇ aˬ laꞈ toˆ tsehˆ-awˇ, Heˬbyoˬ lah lah dzeˇ paꞈ gʼeu taˬ-euˬ meh. Iˇshaˬbawˇshehˆ-euˬ uˬ duˬ-ahˇ aˬ yawꞈ maꞈ yuˇ-awˇ, Heˬbyoˬ meuˬ-ahˇ jaˆ-eu Aˬbaˬnaˬ-euˬ lmˬ bymˇ-ahˇ baꞈ pahˬ-euˬ meh.

Bawˇtsahˬ 25:4

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-euˬ ehˇ dawˬ naˇ haˬ-eu laꞈ kʼoeˇ, Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ kuˇ uiˬ-awˇ, nah gʼahˇnah gaˆ-ahˇ sehꞈ jiˇ nehˬ-awˬ. Kʼoeˇ loꞈ-ehˇ jahˇ naˇ, Iˇsaˬleˬlaˆ tsawˇ haˬ deuˬ-ahˇ ngaˇ nui ma maˬ paˇ pehˇ ma.”

Maꞈtehˬ 26:66

Naw maꞈ-ahˇ aˬ joˆ-ehˇ noeˬ-eu nya.” Aˬ yawꞈ maꞈ ehˇ-eu, “Aˬ yawꞈ lehˬ dui dui-awˇ, shiˇ-eu geuˇ meh.”

Maˬkuˆ 14:64

Aˬ yawꞈ Miˬyehˇ-ahˇ yehˬ bawˬ sehˇ lu-ehˇ ehˇ-eu naw maꞈ gaˬ jiˇ-euˬ meh. Naw maꞈ aˬ joˆ-ehˇ noeˬ-eu nya.” Kʼoeˇ ngeh, aˬ yawꞈ bahˬ-eu miˇ neh, aˬ yawꞈ-ahˇ sehꞈ-eu gʼaˇ duˬ dawˬ tawˆ luꞈ nui ma tsaˬ-euˬ meh.

Luˇkaꞈ 23:33

Uˬ duˬ kʼmˬ lehˇ kuˇ-eu jawˇ duˬ-ahˇ le keuˆ ngeh, Yeˬsuˇ-ahˇ laꞈ yaꞈ kʼoeˇ taˆ taꞈ tehˬ-euˬ meh. Yaw haiˬ jeˬ mˇ bahˬ-euˬ tsawˇ haˬ kʼoeˇ nyiˬ gʼaˬ-ahˇ kʼawꞈ, aˬ yawꞈ-euˬ aˇ maˇ paw tiˬ gʼaˬ, aˇ caˇ paw tiˬ gʼaˬ lehˇ, laꞈ yaꞈ kʼoeˇ taˆ taꞈ tehˬ-euˬ meh.

Gʼaˬkʼehˇ 23:29

Aˬ yawꞈ-ahˇ sehꞈ paˬ-ehˇ maˬ ehˇ, tawˬ-ahˇ dawˆ paˬ-ehˇ maˬ ehˇ, aˬ yawꞈ neh mˇ-euˬ yaw lehˬ tiˬ jeˬ-iˬ ngaˇ maˬ mawˇ-aˬ. Aˬ yawꞈ-ahˇ iˬ baˇ taˬ-eu gaˇ kawˆ-aˬ, aˬ yawꞈ maꞈ-euˬ zahˇ dawˬ kʼoꞈ dawˬ-ahˇ taꞈ leˇ-eu gaˇ kawˆ tehꞈ meh.

Gʼaˬkʼehˇ 25:11

Zahˇ dawˬ kʼoꞈ dawˬ-ahˇ ngaˇ puiˬ-awˇ shiˇ paˬ-ehˇ gʼeh-eu yaw lehˬ tiˬ jeˬ na mˇ taˬ-euˬ jaˆ naˇ kʼawꞈ, maˬ bi shiˇ ni bi dzeuˇ-iˇ laꞈ lehˇ ngaˇ maˬ ehˇ. Ehˇ kʼawꞈ, aˬ yawꞈ maꞈ ngaˬ-euˬ yaw lehˬ poˆ-eu teu maˬ tsaˬ naˇ, tsawˇ haˬ tiˬ gʼaˬ-iˬ aˬ yawꞈ maꞈ-euˬ aˬ laꞈ laꞈ kʼoeˇ ngaˬ-ahˇ maˬ a nehˬ nya-aˇ. Sahˬ paˬ Gehˇsaˬ neh yaˇ kʼaˬ bi daˇ laꞈ lehˇ ngaˇ shaˇ-eu ma.”

Gʼaˬkʼehˇ 25:25

Ehˇ kʼawꞈ, aˬ yawꞈ bi shiˇ-eu gʼaˇ duˬ yaˇ kʼaˬ daˇ nehˬ paˬ-ehˇ, aˬ yawꞈ neh mˇ bahˬ taˬ-euˬ tiˬ jeˬ-iˬ ngaˇ maˬ poˆ doˆ nya-eu uˬ taꞈ, Huiˬ dui dui-eu Sahˬ paˬ Gehˇsaˬ neh yaˇ kʼaˬ bi daˇ nehˬ laꞈ lehˇ aˬ yawꞈ ngaˬ-ahˇ shaˇ-eu miˇ neh, aˬ yawꞈ-ahˇ bi sheuˬ ha leˇ-eu lehˇ ngaˇ noeˬ tsehˆ gʼaˬ-euˬ ma.

Gʼaˬkʼehˇ 26:31

Aˬ yawꞈ maꞈ gʼoꞈ doˆ le-awˇ tiˬ gʼaˬ tiˇ gʼaˬ ehˇ-eu, “Tsawˇ haˬ heu gʼaˬ-ahˇ sehꞈ paˬ-ehˇ, maˬ ngeuˇ naˇ tawˬ-ahˇ dawˆ paˬ-ehˇ mˇ lehˬ taˬ-euˬ tiˬ jeˬ-iˬ maˬ jaˆ law hawˇ ngaˬ laˬ.”

Dawˬmehˬ 19:6

Kʼoeˇ loꞈ-ehˇ gʼeh-eu meuˬ tiˬ meuˬ tehꞈ-ehˇ bi jaˆ naˇ, aˇ dzehˬ-ehˇ kaˬ-eu jawˇ duˬ tiˬ tsahˇ na-ahˇ lehˬ laˇ ca laˇ ngeh, shiˇ-euˬ gʼaˬ-euˬ aˬ yuiꞈ aˬ nyiˇ laꞈ kʼoeˇ laꞈ poˆ ya poˆ-eu gʼaˬ aˬ yawꞈ-ahˇ teh miˇ-awˇ, nui ma aˬ huˬ huˬ-awˇ, iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ sehꞈ tehꞈ-a. Aˬ jeˬ miˇ neh ehˇ naˇ, tsawˇ haˬ kʼoeˇ gʼaˬ-aˬ, aˬ cawˬ nehˬ-ehˇ nui ma laˆ naˇ taˬ-euˬ maˬ jaˆ gaˇ, maˬ yehꞈ maˬ caˇ-ehˇ laˆ tahˬ-awˇ bi shiˇ-euˬ jeˬ pyeuꞈ-eu meh.

Dawˬmehˬ 22:26

Zaˬ miˬ aˬ buˇ kʼoeˇ gʼaˬ-ahˇ tiˬ jeˬ-iˬ maˬ ya jahˇ-a. Aˬ jeˬ miˇ neh ehˇ naˇ, ya shiˇ gaˇ keuˆ ni aˬ yawꞈ neh mˇ lehˬ taˬ-euˬ jeˬ maˬ jaˆ-a. Gaˇ kawˆ heu hmˬ-aˬ, tsawˇ haˬ tiˬ gʼaˬ neh yawˬ gʼaˬ yawˬ-ahˇ dawꞈ-awˇ sehꞈ-euˬ gaˇ kawˆ-ahˇ duˇ-eu meh.

Yawˇshuˆ 10:26

Kʼoeˇ naˇ, sahˬ paˬ kʼoeˇ deuˬ-ahˇ Yawˇshuˆ sehꞈ-awˇ, aˇ bawˇ ngaˬ bawˇ-ahˇ paꞈ gʼeu-awˇ, uˬ ciꞈ paw keuˆ ni bi ga gʼeu-euˬ meh.

Yawˇshuˆ 10:27

Nahˇ ma ga ahˇ ngeh, Yawˇshuˆ dawˬ biꞈ-awˇ, shiˇ taˬ-euˬ sahˬ paˬ kʼoeˇ deuˬ-euˬ gʼawˇ mawˇ bi baꞈ ka-awˇ, aˬ yawꞈ maꞈ neh dzuˇ zaꞈ-euˬ lo kʼahˬ-ahˇ bi biˬ ahˇ-iˇ-euˬ meh. Huiˬ-eu kʼaˬ lo deuˬ neh lo kʼahˬ-ahˇ ngawˬ tsoeˬ-awˇ, iˬ nah keuˆ ni kʼoeˇ loꞈ-ehˇ bi jaˆ-euˬ meh.

Yawˇshuˆ 8:29

Aˬiˇ sahˬ paˬ-ahˇ, aˇ bawˇ tiˬ bawˇ-ahˇ aˬ yawꞈ paꞈ gʼeu sehꞈ nehˬ-awˇ, uˬ ciꞈ paw keuˆ ni kʼoeˇ loꞈ-ehˇ bi jaˆ-euˬ meh. Nahˇ ma ga ahˇ ngeh, “Shiˇ-euˬ sahˬ paˬ kʼoeˇ gʼaˬ-euˬ gʼawˇ mawˇ yuˇ gʼeh-awˬ” lehˇ Yawˇshuˆ dawˬ biꞈ-awˇ, meuˬ lahˇ laˇ gʼoˆ dawˬ peh baꞈ dzeh-awˇ bi jaˆ-euˬ meh. Kʼoeˇ-euˬ kʼoeˇ taˆ kʼaˬ lo lo bymˇ bymˇ ma aˬ yawꞈ maꞈ baꞈ bymˇ-awˇ, kʼaˬ lo lo bymˇ kʼoeˇ, iˬ nah keuˆ ni kʼoeˇ gaˇ jaˆ luꞈ-eu meh.

1 Saˬmeuˬlaˆ 26:16

Nawˇ nawˬ-euˬ gaˇ-ahˇ yaw muiˬ paˬ-ehˇ maˬ mˇ nga. Sahˬpaˬ Miˬyehˇ neh dzoeˬ dzaˬ biꞈ nehˬ taˬ-euˬ naw maꞈ-euˬ sahˬ paˬ-ahˇ yaw muiˬ paˬ-ehˇ maˬ loꞈ piˇ-eu miˇ neh, naw maꞈ yawˬ gʼaˬ na luꞈ shiˇ-eu geuˇ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ ehˇ tsehˆ peuˬ ma. Sahˬ paˬ-euˬ gahˬ aˬ gaˇ iˇ ta. Sahˬ paˬ-euˬ uˬ duˬ dawˬ peh ciˬ taˬ-euˬ iˇ puˬ kʼoeˇ siˬ aˬ gaˇ jaˆ taˬ.”