Dawˬmehˬ 21:16 - Akha

¹⁶ Tsawˇ haˬ kʼoeˇ gʼaˬ aˬ yawꞈ-euˬ zaˬ deuˬ-ahˇ jeˬ biˇ biˇ nehˬ ngeh, myaˆ pyawˬ huiˬ nyiˇ tseˇ-eu laꞈ kʼoeˇ, aˬ yawꞈ gaˬ dzehˬ-eu miˬ zaˬ gʼaˬ-euˬ aˬ li-ahˇ, aˬ li aˬ yuiꞈ gʼaˬ-ahˇ oꞈ-eu jeˬ biˇ maˬ ya biꞈ-a.

Dawˬmehˬ 21:16 ပူးပေါင်းရင်းမြစ်များ

Aˇ dahˬ 25:31

“Nawˬ-ahˇ oꞈ-eu aˬ li aˬ yuiꞈ gʼaˬ-euˬ aˇ yaˬ biꞈ laꞈ naˇ bi dzaˬ ma” lehˇ Yaˬkoˆ ehˇ-eu meh.

1 Laˬsaˬbaˬ 26:10

Meˬlaˬliˇ aˇ jeuˬ Hawˇsaˬ-aˬ, aˬ li oeˬ li jawˇ-eu meh. Aˬ li kʼoeˇ deuˬ-aˬ, (aˬ li aˬ yuiꞈ yuiꞈ saˬ gʼaˬ maˬ ngeuˇ kʼawꞈ aˬ da gʼaˬ neh aˬ yuiꞈ ka nehˬ-euˬ) Shiˇmaˬliˇ,

1 Laˬsaˬbaˬ 5:2

Ehˇ kʼawꞈ, Yuˇdaˆ tsawˇ jeuˬ-aˬ, aˬ cawˬ naˆ maˬ tseˇ gʼaˬ kʼaˆ dzehˬ-eu tsawˇ jeuˬ pyeuꞈ laˇ-awˇ, Iˇsaˬleˬlaˆ tsawˇ jeuˬ dawˬ tawˆ luꞈ kʼoeˇ taˆ uˆ lahˇ-euˬ meh.)

2 Laˬsaˬbaˬ 21:3

Aˬ yawꞈ maꞈ-euˬ aˬ da aˬ yawꞈ maꞈ-ahˇ myaˬ dui dui-eu shuiˇ, pyuˇ hawˇ-eu aˇ poeˬ kʼaˆ-eu myawˬ gahˬ deuˬ biˇ nehˬ-awˇ, aˬ yawꞈ gʼaˬ yawꞈ-ahˇ Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni tsoˆ taˬ-eu meuˬ tiˬ meuˬ bi dzaˬ-euˬ meh. Ehˇ kʼawꞈ, Yeˬhawˇlamˬ gʼaˬ aˬ yuiꞈ yuiꞈ saˬ pyeuꞈ-eu miˇ neh, Yeˬhawˇshaˬpaˇ neh aˬ yawꞈ-ahˇ sahˬ paˬ ka nehˬ-euˬ meh.

Lormav 8:29

Miˬyehˇ-euˬ Zaˬmaˇ-aˬ, mehˇ nmˇ gʼawˬ mya ni laꞈ kʼoeˇ aˬ yuiꞈ yuiꞈ saˬ gʼaˬ loꞈ-ehˇ pyeuꞈ laˇ-awˇ, Miˬyehˇ neh tseˇ doˆ gʼaˬ-euˬ tsawˇ haˬ deuˬ Zaˬmaˇ-ahˇ duˇ laˇ ni Miˬyehˇ neh sheuˬ ceuˆ doˆ taˬ-euˬ meh.

Dawˬmehˬ 21:15

“Tsawˇ haˬ tiˬ gʼaˬ miˬ zaˬ nyiˬ gʼaˬ sheuˬ-awˇ, nyiˬ gʼaˬ luꞈ aˬ li jawˇ le-euˬ ehˇ-awˬ. Ehˇ kʼawꞈ, dehꞈ beh beh le-euˬ aˬ li aˬ yuiꞈ gʼaˬ-aˬ, aˬ yawꞈ nui ma tsaˬ dzehˬ-eu ma-euˬ aˬ li maˬ ngeuˇ-eu ehˇ-awˬ.

Dawˬmehˬ 21:17

Aˬ li aˬ yuiꞈ gʼaˬ-aˬ, aˬ yawꞈ gaˬ dzehˬ-eu ma-euˬ zaˬ maˬ ngeuˇ kʼawꞈ, jeˬ biˇ biˇ nehˬ ngeh, nui deuˬ myaˆ maˬ tseˇ nyiˬ bymˇ ya biꞈ dzehˬ meh. Tsawˇ haˬ aˬ geu gʼaˬ maˬ kaˬ, yawˬ ha-euˬ aˬ li aˬ yuiꞈ gʼaˬ-ahˇ aˬ yuiꞈ gʼaˬ-euˬ jawˇ duˬ-ahˇ taˬ-awˇ, aˬ yawꞈ za geuˇ-eu jeˬ biˇ, zahˇ sahˇ kʼoꞈ kʼaˇ jaˆ-eu loꞈ-ehˇ ya biꞈ meh.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.