Dawˬmehˬ 21:14 - Akha

¹⁴ Aˬ yawꞈ-ahˇ nawˇ maˬ paˇ sheuˬ mawꞈ-ehˇ pyeuꞈ laˇ ngeh, aˬ yawꞈ-ahˇ pyehˬ nehˬ-awˇ, kʼaˇ iˇ mawꞈ gaˇ bi iˇ-awˬ. Aˬ yawꞈ-ahˇ nawˇ bahˬ-euˬ miˇ neh, zaˬ kʼaˆ loꞈ-ehˇ sawˇ nehˬ-awˇ maˬ ya ahˬ dzaˬ-a.

Dawˬmehˬ 21:14 ပူးပေါင်းရင်းမြစ်များ

Aˇ dahˬ 34:2

Miˇ kʼahˬ kʼoeˇ kʼahˬ-ahˇ uˆ lahˇ luꞈ-eu, Hiˇbiˇ tsawˇ jeuˬ Haˬmawˬ-euˬ aˬ li Sheˬkmˬ lehˇ myahˇ-eu gʼaˬ Diˇnaˆ-ahˇ ya mawˇ ngeh, dawꞈ-awˇ yehˬ bawˬ sehˇ lu-ehˇ jahˇ nehˬ-euˬ meh.

Dawˬmehˬ 21:15

“Tsawˇ haˬ tiˬ gʼaˬ miˬ zaˬ nyiˬ gʼaˬ sheuˬ-awˇ, nyiˬ gʼaˬ luꞈ aˬ li jawˇ le-euˬ ehˇ-awˬ. Ehˇ kʼawꞈ, dehꞈ beh beh le-euˬ aˬ li aˬ yuiꞈ gʼaˬ-aˬ, aˬ yawꞈ nui ma tsaˬ dzehˬ-eu ma-euˬ aˬ li maˬ ngeuˇ-eu ehˇ-awˬ.

Dawˬmehˬ 22:19

Kʼaˬ dzeˇ zaˬ kʼoeˇ gʼaˬ-ahˇ pyuˇ maˇ byaˆ tiˬ yaˇ byaˆ aˬ yawꞈ maꞈ guiˇ oꞈ tiꞈ-awˇ, zaˬ miˬ aˬ buˇ kʼoeˇ gʼaˬ-euˬ aˬ da-ahˇ ya biꞈ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ zaˬ miˬ zaˬ tiˬ gʼaˬ kʼoeˇ taˆ shaꞈ dawˇ-eu jeˬ keuˆ le ni aˬ yawꞈ jahˇ-euˬ meh. Kʼoeˇ uˬ taꞈ, zaˬ miˬ zaˬ kʼoeˇ gʼaˬ-ahˇ aˬ yawꞈ paˇ ya sheuˬ kʼoꞈ-awˇ, maˬ shiˇ tiˬ ziˇ maˬ ya gʼawˬ-iˇ-a.

Dawˬmehˬ 22:24

Kʼoeˇ loꞈ-ehˇ pyeuꞈ laˇ naˇ, aˬ yawꞈ nyaꞈ nyiˬ gʼaˬ luꞈ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh ya biˬ sehꞈ meh. Zaˬ miˬ aˬ buˇ kʼoeˇ gʼaˬ ya shiˇ-eu tsaˬ meh. Aˬ jeˬ miˇ neh ehˇ naˇ, aˬ cawˬ-ahˇ guˇ gaˬ nya-eu meuˬ laꞈ kʼoeˇ kʼoeˇ loꞈ-ehˇ pyeuꞈ laˇ-euˬ kʼawꞈ, caw ba le-awˬ lehˇ aˬ yawꞈ maˬ guˇ-a. Kʼaˬ dzeˇ zaˬ kʼoeˇ gʼaˬ ya shiˇ-eu kʼawꞈ tsaˬ meh. Aˬ jeˬ miˇ neh ehˇ naˇ, aˬ cawˬ-ahˇ ngehˬ cawˬ tsehˆ taˬ-euˬ zaˬ miˬ aˬ buˇ nehˬ-ehˇ aˬ yawꞈ yuꞈ taꞈ-euˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya doˆ laˇ ni, naw maꞈ kʼoeˇ loꞈ-ehˇ ya mˇ meh.

Dawˬmehˬ 22:29

Tsawˇ haˬ kʼoeˇ gʼaˬ zaˬ miˬ aˬ buˇ-euˬ aˬ da-ahˇ zaˬ miˬ laˬ poeˬ pyuˇ maˇ byaˆ ngaˬ tseˇ byaˆ ya biꞈ-awˇ, zaˬ miˬ aˬ buˇ kʼoeˇ gʼaˬ-ahˇ ya sheuˬ meh. Aˬ jeˬ miˇ neh ehˇ naˇ, zaˬ miˬ aˬ buˇ kʼoeˇ gʼaˬ-ahˇ aˬ yawꞈ yehˬ bawˬ sehˇ lu-ehˇ jahˇ nehˬ-euˬ meh. Zaˬ miˬ aˬ buˇ kʼoeˇ gʼaˬ-ahˇ maˬ shiˇ tiˬ ziˇ aˬ yawꞈ maˬ gʼawˬ-iˇ ni ya dahˬ dzaˬ meh.

Yaˇ kʼaˬ daˇ 19:24

Aˬ yawꞈ-euˬ ma nyiˇ hawˇ-eu ngaˬ buˇ miˬ daꞈ daꞈ shuiꞈ tiˬ gʼaˬ jawˇ ma. Aˬ yawꞈ nyaꞈ-ahˇ naw maꞈ jawˇ gaˇ nymˬ-mˇ ngaˇ sheuˬ doˆ nehˬ leꞈ ma. Naw maꞈ kʼaˇ gʼeh mawꞈ-eu jeˬ aˬ yawꞈ nyaꞈ-ahˇ gʼeh nehˬ-awˬ. Ehˇ kʼawꞈ, kʼoeˇ loꞈ-ehˇ gʼeh-eu yaw haiˬ jeˬ mˇ-eu gʼaˇ duˬ, tsawˇ haˬ heu gʼaˬ-ahˇ maˇ diˇ-aˬ taˬ toeˬ ciˆ nehˬ laꞈ lehˇ naw maꞈ-ahˇ shaˇ-eu ma.”