Dawˬmehˬ 20:8 - Akha

⁸ “Kʼoeˇ naˇ, guiˇ maꞈ-ahˇ uˆ lahˇ-eu yaw huiˬ geuꞈ-eu deuˬ heu loꞈ-ehˇ paˇ ya ehˇ meh. ‘Guˆ nya-eu tsawˇ haˬ keuˬ te loˇ. Keuˬ naˇ, gʼoꞈ-iˇ-awˬ. Maˬ ngeuˇ naˇ, aˬ yawꞈ baˬ da neh nui deuˬ gʼaˬ baˬ laˇ tehꞈ-a’ lehˇ paˇ ya ehˇ meh.

Dawˬmehˬ 20:8 ပူးပေါင်းရင်းမြစ်များ

Doˆ-iˇ 15:15

Eˬdoˬ tsawˇ jeuˬ aˬ yuiꞈ aˬ tsu deuˬ tsawˬ guˆ-iˇ-euˬ meh. Mawˇ baˆ tsawˇ haˬ baoˬ ahˇ-eu deuˬ yaw dzuˬ dzuˬ meh. Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ guˆ-eu nui ma ahˇ laˇ-euˬ meh.

Dawqdaq 24:10

Shaˬ zahˬ puˬ le ngeh nui ma nyiˇ naˇ, nawˇ nui ma baˬ-eu tsawˇ haˬ meh. -25-

Bawˇtsahˬ 13:31

Ehˇ kʼawꞈ, Gaˬlehˆ nehˬ-ehˇ le-euˬ tsawˇ haˬ deuˬ ehˇ-eu, “Maˬ ngeuˇ-a. Aˬ yawꞈ maꞈ-ahˇ aˬ dui guiˇ maˬ deuˆ gʼaˬ nya-a. Kʼoeˇ gaˇ jawˇ-eu tsawˇ haˬ kʼoeˇ deuˬ, aˬ dui naˆ maˬ tseˇ gʼaˬ kʼaˆ dzehˬ-eu meh.”

Bawˇtsahˬ 32:9

Eˇshaˬkawˇlaˆ deh kʼawꞈ-ahˇ keuˆ ni aˬ yawꞈ maꞈ le keuˆ-awˇ, miˇ kʼahˬ kʼoeˇ kʼahˬ-ahˇ haw mawˇ yaꞈ-euˬ meh. Ehˇ kʼawꞈ, aˬ yawꞈ maꞈ gʼoꞈ keuˆ le ngeh, Sahˬpaˬ Miˬyehˇ neh biꞈ-euˬ miˇ kʼahˬ-ahˇ Iˇsaˬleˬlaˆ tsawˇ haˬ deuˬ maˬ le uˇ peuˬ ni aˬ yawꞈ maꞈ jahˇ-euˬ meh.

Luˇkaꞈ 9:62

Yeˬsuˇ aˬ yawꞈ-ahˇ ehˇ nehˬ-eu, “Nyoˬ tsehˬ laꞈ yoeˬ-ahˇ tuˆ tehˬ-awˇ nahˇ gʼoꞈ gʼoꞈ haw-eu tsawˇ haˬ-aˬ, Miˬyehˇ Miˇkʼahˬ-ahˇ maˬ geuˇ-a.”

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”

Dawˬmehˬ 1:28

Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.

Dawˬmehˬ 20:9

Guiˇ guiˇ maꞈ kʼoeˇ taˆ uˆ lahˇ-eu yaw huiˬ geuꞈ-eu deuˬ guiˇ guiˇ maꞈ-ahˇ dawˬ ngehˬ nehˬ gʼaˬ naˇ, aˬ yawꞈ muˇ yawꞈ kʼoeˇ taˆ uˆ lahˇ-eu yaw huiˬ deuˬ ya tseˇ doˆ meh.

Dawˬmehˬ 23:9

“Nawˇ guiˇ deuˆ-eu laꞈ kʼoeˇ taˆ tsoˆ-awˇ jawˇ ngeh, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ maˬ ya pyeuꞈ laˇ ni, yawˬ haˇ yawˬ ha ya yahˇ meh.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 3:16

Nawˇ-aˬ, yaw tsehꞈ maˬ tsehꞈ, yaw lahˇ maˬ lahˇ-ehˇ, yaw lmˇ lmˇ-ehˇ tehꞈ-ehˇ gʼeh-eu miˇ neh, ngaˬ-euˬ kʼaˬ meh laꞈ kʼoeˇ neh nawˬ-ahˇ meh dzeh ma.

Yaˇ kʼaˬ daˇ 7:3

‘Kʼaˇ guˆ-eu tsawˇ haˬ deuˬ gʼoꞈ-iˇ-awˬ. Nga maꞈ heu gaˇ Giˇlaˆ gawˬ jawˬ-ahˇ jawˇ yaꞈ ma’ lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.” Kʼoeˇ ngeh, nyiˬ muiˇ gʼaˬ gʼoꞈ-iˇ-awˇ, tiˬ muiˇ gʼaˬ jawˇ yaꞈ-euˬ meh.