Aˬ yawꞈ maꞈ neh gawˬ ziꞈ taˬ-euˬ haw muiˬ dui dui-eu meuˬ deuˬ-ahˇ naw maꞈ ya deuˆ gʼaˬ tehꞈ-a. Aˬ yawꞈ maꞈ-euˬ aˇ siˬ aˇ bawˇ deuˬ-ahˇ naw maꞈ tuˇ dzeh-awˇ, aˬ yawꞈ maꞈ-euˬ lah duˬ deuˬ-ahˇ naw maꞈ ya duˬ dzm tehꞈ-a. Miˇ tsaˬ miˇ muiˬ muiˬ dui dui-eu aˬ yawꞈ maꞈ-euˬ deh yaˇ deuˬ-ahˇ kʼaˬ lo ngawˬ tsoeˬ-eu laꞈ kʼoeˇ, naw maꞈ ya laˆ cawˆ tehꞈ-a.”
Dawˬmehˬ 20:19 - Akha19 “Meuˬ tiˬ meuˬ na-ahˇ nawˇ guiˇ deuˆ luꞈ ngeh, aˇ yamˬ gʼawˬ myahˇ ni jawˬ lahˇ taˬ-awˇ ya jawˇ kʼawꞈ, kʼoeˇ gaˇ bawˇ-eu aˇ siˬ aˇ bawˇ deuˬ maˬ ya tuˇ dzeh-a. Aˇ siˬ kʼoeˇ nawˇ pyaˆ dzaˬ nya meh. Ehˇ kʼawꞈ, aˇ bawˇ maˬ ya tuˇ dzeh-a. Aˇ bawˇ kʼoeˇ deuˬ nawˬ-ahˇ muiˇ-eu maˬ ngeuˇ-a. အခန်းကိုကြည့်ပါ။ |
Dawˬmehˬ 20:19
11 ပူးပေါင်းရင်းမြစ်များ
Meuˬ deuˬ-ahˇ aˬ yawꞈ maꞈ laˆ cawˆ nehˬ jiˇ-awˇ, deh yaˇ kʼaˇ muiˬ-eu kʼaˬ lo lo gahˬ pyeuꞈ jiˇ ni, tiˬ gʼaˬ-euˬ kʼaˬ lo tiˬ siˬ yawˬ gʼaˬ na luꞈ biˬ ahˇ-euˬ meh. Iˇ cuꞈ lah duˬ deuˬ-ahˇ aˬ yawꞈ maꞈ duˬ tsoeˬ-awˇ, aˇ siˬ aˇ bawˇ deuˬ tuˇ dzeh-euˬ meh. Aˇ saˬ saˬ laˇ ngeh, sahˬ paˬ jawˇ-eu meuˬ pyeuꞈ-eu Kiˇlaˆheˬyehˆ meuˬ tiˬ meuˬ tehꞈ-ehˇ maˬ cawˆ-iˇni dzeˇ-eu meh. Caˬ oeˬ pi luꞈ-eu deuˬ meuˬ kʼoeˇ meuˬ-ahˇ loꞈ jawˬ-awˇ guiˇ deuˆ-euˬ meh.
Gaˇ ma gaˇ dzeˇ dehꞈ-eu siˬ guˬ aˇ bawˇ tiˬ bawˇ mawˇ-awˇ haw-iˇ ngeh, aˇ siˬ maˬ siˬ ni aˇ paꞈ tehꞈ-ehˇ mehˇ luꞈ gaˇ ya mawˇ-euˬ meh. “Aˬ kaˇ naˇ, nawˇ aˇ siˬ tiˬ jawˇ-iˬ maˬ paˇ siˬ le-aˇ” lehˇ, siˬ guˬ aˇ bawˇ kʼoeˇ bawˇ-ahˇ Yeˬsuˇ ehˇ nehˬ ngeh, aˇ bawˇ kʼoeˇ tiˬ poˆ tehꞈ-ehˇ nyoeˬ-iˇ koˆ-iˇ-euˬ meh.
ကြော်ငြာတွေ