Dawˬmehˬ 20:11 - Akha

¹¹ Aˬ yawꞈ maꞈ nawˬ-euˬ laꞈ oꞈ awꞈ-eu laꞈ kʼoeˇ, meuˬ lahˇ kʼehˬ pah nehˬ laꞈ naˇ, dawˬ tawˆ luꞈ nawˬ-euˬ zaˬ kʼaˆ bi geuꞈ-eu laꞈ kʼoeˇ myawˬ kʼaˆ bi mˇ-awˬ.

Dawˬmehˬ 20:11 ပူးပေါင်းရင်းမြစ်များ

1 Sahˬpaˬ 5:1

Duˇlu sahˬ paˬ Hiˇlamˬ-aˬ, Daˬbiˇ nehˬ-ehˇ maˬ tsehˆ leˇ ni cawˬ cawˬ taꞈ-euˬ miˇ neh, Daˬbiˇ-euˬ jawˇ duˬ-ahˇ Sawˇlaˬmoˬ sahˬ paˬ keuˆ leˇ-euˬ gaˇ kawˆ ya gaˬ ngeh, cawˬ cawˬ taꞈ-eu gʼaˇ duˬ tsawˇ haˬ pyehˬ gʼeh-euˬ meh.

2 Sahˬpaˬ 6:22

Eˇliˇshehˇ ehˇ-eu, “Aˬ yawꞈ maꞈ-ahˇ taˬ sehꞈ. Guiˇ deuˆ gaˇ nyehꞈ mi-euˬ yehˇ deuˬ-ahˇ kʼawꞈ, nawˇ maˬ sehꞈ ni taˬ nehˬ-euˬ maˬ ngeuˇ loˇ. Aˬ yawꞈ maꞈ-ahˇ dzaˬ dzaˬ dawˇ dawˇ liˬ nehˬ-awˇ, aˬ yawꞈ maꞈ-euˬ sahˬ paˬ jawˇ gaˇ pyehˬ kʼoꞈ gʼeh-awˬ.”

Jaceuq 120:7

Ngaˇ tsaˬ leˇ tsahˇ leˇ-eu jeˬ ja ngeh, guiˇ deuˆ-eu gaˇ kawˆ aˬ yawꞈ maꞈ ja-eu meh.

Luˇkaꞈ 19:14

Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’

Dawˬmehˬ 20:10

“Meuˬ tiˬ meuˬ-ahˇ nawˇ guiˇ deuˆ ngeh, kʼoeˇ gaˇ jawˇ-eu tsawˇ haˬ deuˬ-ahˇ guiˇ maˬ deuˆ mi naˆ-ehˇ, nawˬ-euˬ laꞈ oꞈ awꞈ ma loˇ lehˇ jeˬ huˬ guˇ naˇ haˬ-awˬ.

Dawˬmehˬ 20:12

Ehˇ kʼawꞈ, meuˬ kʼoeˇ meuˬ-ahˇ jawˇ-eu tsawˇ haˬ deuˬ nawˬ-euˬ laꞈ oꞈ maˬ awꞈ-ehˇ, guiˇ deuˆ-eu lehˇ lehˬ hmˬ naˇ, nawˬ-euˬ guiˇ maꞈ neh meuˬ kʼoeˇ meuˬ-ahˇ jawˬ lahˇ-awˬ.

Yawˇshuˆ 16:10

Ehˇ kʼawꞈ, Geˬzeuˬ meuˬ laꞈ kʼoeˇ jawˇ-eu Kaˬnaˬ tsawˇ haˬ deuˬ-ahˇ aˬ yawꞈ maꞈ maˬ teh doˆ-a. Kʼoeˇ miˇ neh, iˬ nah keuˆ ni Kaˬnaˬ tsawˇ haˬ deuˬ Eˇpaˬleˬ tsawˇ haˬ deuˬ nehˬ-ehˇ jawˇ luꞈ-eu meh. Ehˇ kʼawꞈ, Kaˬnaˬ tsawˇ haˬ kʼoeˇ deuˬ-ahˇ zaˬ kʼaˆ bi geuꞈ-euˬ meh.

Yawˇshuˆ 9:27

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-awˇ, Iˇsaˬleˬlaˆ tsawˇ haˬ deuˬ gʼaˇ duˬ hawˇ-eu Sahˬpaˬ Miˬyehˇ-euˬ lawˇ duˬ gʼaˇ duˬ, miˬ dzaˬ bi kʼehꞈ-awˇ, iˇ cuꞈ bi kʼawꞈ-euˬ meh. Iˬ nah keuˆ ni, Sahˬpaˬ Miˬyehˇ neh tseˇ doˆ-euˬ jawˇ duˬ-ahˇ, gaˇ kʼoeˇ deuˬ aˬ yawꞈ maꞈ mˇ luꞈ-eu meh.

Yawˇshuˆ 9:8

Yawˇshuˆ-ahˇ aˬ yawꞈ maꞈ ehˇ-eu, “Nga maꞈ nawˬ-euˬ zaˬ kʼaˆ pyeuꞈ-eu ma.” Yawˇshuˆ ehˇ-eu, “Naw maꞈ aˬ jeˬ tsawˇ haˬte. Aˬ gaˇ neh oe teˬ.”

Yawˇshuˆ 9:9

Kʼoeˇ ngeh, aˬ yawꞈ maꞈ aˬ yawꞈ-ahˇ heu loꞈ-ehˇ dzawˇ nehˬ-euˬ meh. “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ kawˆ nga maꞈ ya gaˬ-euˬ miˇ neh, gaˇ mahˇ kaˬ-eu miˇ kʼahˬ-ahˇ neh nga maꞈ oe-euˬ ma. Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ kawˆ yawˬ jeˬ na luꞈ nga maꞈ ya gaˬ-euˬ ma.

Yaˇ kʼaˬ daˇ 1:28

Iˇsaˬleˬlaˆ tsawˇ haˬ deuˬ gʼaˬ kʼaˆ dzehˬ laˇ ngeh kʼawꞈ, Kaˬnaˬ tsawˇ haˬ deuˬ-ahˇ maˬ teh doˆ jiˇ nehˬ ni, aˬ yawꞈ maꞈ gʼaˇ duˬ gaˇ bi mˇ-euˬ meh.