Dawˬmehˬ 20:10 - Akha

¹⁰ “Meuˬ tiˬ meuˬ-ahˇ nawˇ guiˇ deuˆ ngeh, kʼoeˇ gaˇ jawˇ-eu tsawˇ haˬ deuˬ-ahˇ guiˇ maˬ deuˆ mi naˆ-ehˇ, nawˬ-euˬ laꞈ oꞈ awꞈ ma loˇ lehˇ jeˬ huˬ guˇ naˇ haˬ-awˬ.

Dawˬmehˬ 20:10 ပူးပေါင်းရင်းမြစ်များ

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

Zaˬkaˬliˇ 9:10

Sahˬpaˬ Miˬyehˇ ehˇ-eu, “Iˇsaˬleˬlaˆ-euˬ guiˇ laˆ lawˬ, Yeˬluˇsaˬlehˬ-euˬ guiˇ dziˬ mahˬ, dawˬ tawˆ luꞈ ngaˇ yuˇ byoˆ jiˇ-awˇ, Guiˇ deuˆ gaˇ geuꞈ-eu kaˆ myaˬ deuˬ, dawˬ tawˆ luꞈ ngaˇ laˆ cawˆ jiˇ ma. Naw maꞈ-ahˇ uˆ lahˇ-eu sahˬ paˬ, miˇ kʼahˬ tsawˇ jeuˬ-ahˇ tsaˬ leˇ-awˇ, laˆ shaˆ nyiˬ dzeˇ uˆ lahˇ gʼmˇ-awˇ, Uˇpaˬlaˇ lawˇ baˬ-ahˇ neh naˇ, mˬ dzeˇ miˇ dzeˇ dzoeˬ keuˆ tehꞈ-a.”

Gʼaˬkʼehˇ 10:36

Dawˬ tawˆ kʼoeˇ taˆ sahˬ paˬ pyeuꞈ-eu Yeˬsuˇ Ka li baˬ da neh nui saˇ oꞈ-eu jeˬ za-eu gaˇ kawˆ Laˬ kʼaˬ cehˇ-eu Guiˬ lahˬ dawˬ heu-ahˇ, Iˇsaˬleˬlaˆ tsawˇ haˬ deuˬ jawˇ gaˇ bi mehˬ-iˇ-euˬ naw maꞈ siˬ nya meh.

2 Gawˇliˬtu 5:18

Heu deuˬ dawˬ tawˆ luꞈ Miˬyehˇ neh mˇ-euˬ jeˬ pyeuꞈ-eu meh. Ka li-ahˇ gʼoe-eu laꞈ kʼoeˇ aˬ dui aˬ yawꞈ-ahˇ tsaˬ leˇ tsahˇ leˇ nya ni aˬ yawꞈ mˇ-awˇ, aˬ cawˬ aˬ yawꞈ-ahˇ tsaˬ leˇ tsahˇ leˇ ni mˇ-eu gʼaˇ duˬ aˬ dui-ahˇ aˬ yawꞈ gaˇ biꞈ nehˬ laꞈ-euˬ meh.

Eˇpeˇsu 2:17

Ka li oe-awˇ Miˬyehˇ-ahˇ gaˇ mahˇ kaˬ-eu naw maꞈ-ahˇ maˬ ehˇ, Miˬyehˇ-ahˇ peh-eu Yuˇdaˆ tsawˇ haˬ deuˬ-ahˇ maˬ ehˇ, tsaˬ leˇ dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ mehˬ le-euˬ meh.

Dawˬmehˬ 2:26

“Kʼoeˇ naˇ, Geˬdiˇmoˇ bawˇ tsahˬ bawˇ dahˇ-ahˇ neh ngaˬ neh tsawˇ haˬ pyehˬ gʼeh-awˇ, Heˬshaˬboˬ meuˬ-ahˇ jawˇ-eu sahˬ paˬ Siˇhoˬ-ahˇ heu loꞈ-ehˇ bi tsaꞈ gaˬ iˇ-euˬ ma.

Dawˬmehˬ 20:11

Aˬ yawꞈ maꞈ nawˬ-euˬ laꞈ oꞈ awꞈ-eu laꞈ kʼoeˇ, meuˬ lahˇ kʼehˬ pah nehˬ laꞈ naˇ, dawˬ tawˆ luꞈ nawˬ-euˬ zaˬ kʼaˆ bi geuꞈ-eu laꞈ kʼoeˇ myawˬ kʼaˆ bi mˇ-awˬ.

Dawˬmehˬ 20:9

Guiˇ guiˇ maꞈ kʼoeˇ taˆ uˆ lahˇ-eu yaw huiˬ geuꞈ-eu deuˬ guiˇ guiˇ maꞈ-ahˇ dawˬ ngehˬ nehˬ gʼaˬ naˇ, aˬ yawꞈ muˇ yawꞈ kʼoeˇ taˆ uˆ lahˇ-eu yaw huiˬ deuˬ ya tseˇ doˆ meh.

Yaˇ kʼaˬ daˇ 11:12

Kʼoeˇ naˇ, Aˬmoˬ sahˬ paˬ jawˇ gaˇ Yeˬpaˬtaˆ tsawˇ haˬ pyehˬ gʼeh-awˇ, “Nawˇ nga maꞈ-ahˇ aˬ jeˬ miˇ neh ya ceh laˇ ta. Aˬ jeˬ miˇ neh nga maꞈ-euˬ miˇ kʼahˬ-ahˇ uˇ laˇ te” lehˇ bi tsaꞈ gaˬ-iˇ-euˬ meh.

Yaˇ kʼaˬ daˇ 21:13

Kʼoeˇ naˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Leˬmoˬ lo guˇ-ahˇ jawˇ luꞈ-eu Beˬyaˬmiˬ tsawˇ haˬ deuˬ-ahˇ, Guiˇ maˬ paˇ deuˆ ma lehˇ bi ehˇ gaˬ-iˇ-euˬ meh.