Dawˬmehˬ 2:36 - Akha

³⁶ Aˬnoˬ lawˇ baˬ gawˆ mehˇ paw, deh kʼawꞈ mehˬ dzaˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ gʼahˇ ceh jaˆ-eu meuˬ hawˇ-eu Giˇlaˆ meuˬ-ahˇ doˆ ni, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi deuˆ gʼaˬ laꞈ-euˬ meh. Aˬ dui maꞈ maˬ deuˆ uˇ gʼeh nya-eu meuˬ meuˬ lahˇ tiˬ lahˇ-iˬ maˬ jaˆ-aˬ.

Dawˬmehˬ 2:36 ပူးပေါင်းရင်းမြစ်များ

2 Saˬmeuˬlaˆ 24:5

Aˬ yawꞈ maꞈ Yawˇdaˬ lawˇ baˬ tsehˆ doˆ-awˇ, Gaˆ miˇ kʼahˬ laꞈ kʼoeˇ, Aˬyawˬ meuˬ-euˬ laꞈ oˆ paw naˬ-euˬ meh. Kʼoeˇ gaˇ neh naˇ, laꞈ taˆ paw pyawˬ-ahˇ jaˆ-eu Yaˬzeuˬ meuˬ-ahˇ le-euˬ meh.

2 Sahˬpaˬ 10:33

Luˇbeˬ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ jawˇ-eu, Yawˇdaˬ lawˇ baˬ nahˇ ma doˆ kʼehˬ paw dzeˇ baˬ-ahˇ jaˆ-eu Giˇlaˆ miˇ kʼahˬ hawˇ-eu Baˬshaˬ gahˬ kaˬ ahˇ leˇ-ehˇ, laꞈ oˆ paw Aˬnoˬ lawˇ baˬ lawˇ dzeˇ jaˆ-eu Aˬyawˬ meuˬ-ahˇ keuˆ ni, aˬ yawꞈ neh deuˆ geuꞈ-euˬ meh.

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Doˆ-iˇ 23:31

Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.

Iˇsaˬyaˇ 17:2

Suˇliˆ miˇ kʼahˬ laꞈ kʼoeˇ jaˆ-eu meuˬ deuˬ-aˬ, meuˬ coeˬ coeˬ-iˇ jiˇ-eu miˇ neh, yawˇ hawˇ-eu mawˇ neˇ gaˆ kʼahˬ pyeuꞈ-iˇ-awˇ, teh doˆ-eu gʼaˬ maˬ jawˇ ni gaˆ tehꞈ-a.

Yeˬlaˬmiˇ 48:19

Aˬyawˬ meuˬ-ahˇ jawˇ-eu tsawˇ haˬ deuˬ-oˇ, gaˇ ma gaˇ dzeˇ loꞈ-awˇ, cehˆ byoˆ luꞈ-eu tsawˇ haˬ deuˬ-ahˇ, gaˇ kawˆ naˇ haˬ duˬ-awˬ.

Bawˇtsahˬ 32:34

Gaˆ tsawˇ jeuˬ neh tsoˆ muiˬ geuꞈ-euˬ meuˬ deuˬ-aˬ, Diˇboˬ meuˬ, Aˬtaˬyoˆ meuˬ, Aˬyawˬ meuˬ,

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Dawˬmehˬ 3:12

“Miˇ kʼahˬ kʼoeˇ kʼahˬ aˬ dui za gʼaˬ ngeh, Aˬyawˬ meuˬ-euˬ laꞈ taˆ paw pyawˬ-ahˇ Aˬnoˬ lawˇ baˬ dawˬ peh jaˆ-eu gahˬ kaˬ hawˇ-eu, Giˇlaˆ gawˬ jawˬ gawˬ duˇ gahˬ kaˬ hawˇ-eu kʼoeˇ gaˇ jaˆ-eu meuˬ deuˬ ahˇ leˇ-ehˇ, Luˇbeˬ tsawˇ jeuˬ hawˇ-eu Gaˆ tsawˇ jeuˬ-ahˇ ngaˇ biꞈ-euˬ ma.

Dawˬmehˬ 4:48

Miˇ kʼahˬ kʼoeˇ kʼahˬ-aˬ, Aˬnoˬ deh kʼawꞈ-euˬ mehˬ dzaˬ-ahˇ jaˆ-eu Aˬyawˬ meuˬ-ahˇ neh Siˬyahˬ lehˇ kuˇ-eu Heˬlaˬmoˬ gawˬ jawˬ-ahˇ doˆ ni meh.

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

Yawˇshuˆ 12:2

Tiˬ gʼaˬ-aˬ, Heˬshaˬboˬ meuˬ-ahˇ jawˇ-awˇ uˆ lahˇ-euˬ Aˬmawˇliˆ sahˬ paˬ Siˇhoˬ meh. Aˬ yawꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ hawˇ-eu deh kʼawꞈ-euˬ gʼahˇ ceh jaˆ-eu meuˬ-ahˇ neh, Aˬmoˬ miˇ kʼahˬ-euˬ miˇ kaˬ pyeuꞈ-eu Jaˬboˆ lawˇ baˬ-ahˇ keuˆ ni meh. Kʼoeˇ-aˬ, Giˇlaˆ miˇ kʼahˬ tiˬ paˆ ehˇ gʼaˬ ni pyeuꞈ-eu meh.

Yawˇshuˆ 13:16

Aˬ yawꞈ maꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ kʼoeˇ kʼawꞈ-euˬ gʼahˇ ceh jaˆ-eu meuˬ hawˇ-eu, Meˬdiˇbaˬ meuˬ jawˬ lawˬ jawˇ lawˇ-ehˇ, yaw goˇ-ahˇ jaˆ-eu deh saˇ dawˬ tawˆ luꞈ meh.

Yawˇshuˆ 13:9

Aˬnoˬ deh kʼawꞈ-euˬ uˬ gʼmˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ kʼoeˇ kʼawꞈ-euˬ gʼahˇ ceh jaˆ-eu meuˬ hawˇ-eu, Meˬdeˬbaˬ meuˬ-ahˇ neh Diˇboˬ meuˬ-ahˇ keuˆ ni, yaw goˇ-ahˇ jaˆ-eu deh saˇ kʼoeˇ deuˬ dawˬ tawˆ luꞈ meh.

Yawˇshuˆ 21:44

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni laꞈ kʼoeˇ, aˬ yawꞈ maꞈ kʼoeˇ taˆ nui saˇ oꞈ-eu jeˬ Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-ahˇ muiˇ-eu tsawˇ haˬ tiˬ gʼaˬ-iˬ aˬ yawꞈ maꞈ mehˬ shi maˬ yawꞈ peuˬ-a. Aˬ jeˬ miˇ neh ehˇ naˇ, muiˇ-eu tsawˇ haˬ dawˬ tawˆ luꞈ kʼoeˇ taˆ gʼaˬ leˇ-eu baoˬ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ biꞈ taˬ-euˬ meh.

Yaˇ kʼaˬ daˇ 11:22

Laꞈ oˆ paw Aˬnoˬ lawˇ baˬ-ahˇ neh, laꞈ taˆ paw Jaˬboˆ lawˇ baˬ-ahˇ keuˆ ni maˬ ehˇ, nahˇ ma doˆ kʼehˬ paw bawˇ tsahˬ bawˇ dahˇ-ahˇ neh nahˇ ma ga kʼehˬ paw Yawˇdaˬ lawˇ baˬ-ahˇ keuˆ ni maˬ ehˇ, kʼaˇ jaˆ-eu Aˬmawˇliˆ tsawˇ haˬ-euˬ miˇ kʼahˬ dawˬ tawˆ luꞈ, Iˇsaˬleˬlaˆ tsawˇ haˬ deuˬ yuˇ geuꞈ-euˬ meh.

Yaˇ kʼaˬ daˇ 11:26

Heˬshaˬboˬ meuˬ hawˇ-eu Aˬyawˬ meuˬ-ahˇ maˬ ehˇ, kʼoeˇ nyiˬ meuˬ-euˬ jawˬ jawˬ-ehˇ jaˆ-eu meuˬ meuˬ zaˬ deuˬ-ahˇ maˬ ehˇ, Aˬnoˬ lawˇ baˬ lawˇ deh caw caw-ehˇ jaˆ-eu meuˬ dawˬ tawˆ luꞈ-ahˇ maˬ ehˇ, Iˇsaˬleˬlaˆ tsawˇ haˬ deuˬ jawˇ luꞈ-eu smˬ yaˇ kʼoꞈ keuˆ laˇ-euˬ meh. Aˇ yamˬ heu myah ni gʼeh-eu laꞈ kʼoeˇ, aˬ jeˬ miˇ neh meuˬ kʼoeˇ deuˬ nawˇ maˬ yuˇ kʼoꞈ geuꞈ te.