Nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba nehˬ-euˬ gʼaˬ pyeuꞈ-eu, Huiˬ dui mahˇ dui dui-eu Miˬyehˇ-ahˇ aˬ cawˬ ja ceuˬ luꞈ-uˇ” lehˇ ehˇ-eu meh. Kʼoeˇ ngeh, guiˇ deuˆ gʼaˬ-awˇ kʼaˇ deuˆ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ Aˬbyaˬ yuˇ doˆ-awˇ, Maˬlaˬkiˇsaˬdehˇ-ahˇ damˬ nehˬ-euˬ meh.
Dawˬmehˬ 2:33 - Akha33 Ehˇ kʼawꞈ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh, aˬ yawꞈ-ahˇ aˬ dui-euˬ laꞈ-ahˇ bi ahˇ le-awˇ, aˬ yawꞈ-ahˇ maˬ ehˇ, aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ tsawˇ haˬ dawˬ tawˆ luꞈ-ahˇ maˬ ehˇ, aˬ dui sehꞈ-euˬ ma. အခန်းကိုကြည့်ပါ။ |
Dawˬmehˬ 2:33
14 ပူးပေါင်းရင်းမြစ်များ
Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.
Ehˇ kʼawꞈ, aˬ yawꞈ maꞈ tsawˇ haˬ gʼawˬ mya ni Iˇsaˬleˬlaˆ tsawˇ haˬ neh bi deuˆ sehꞈ-awˇ, aˬ yawꞈ maꞈ-euˬ miˇ kʼahˬ Aˬnoˬ lawˇ baˬ-ahˇ neh Jaˬboˆ lawˇ baˬ-ahˇ keuˆ ni Iˇsaˬleˬlaˆ tsawˇ haˬ deuˬ neh bi deuˆ geuꞈ-euˬ meh. Aˬmoˬ tsawˇ jeuˬ-euˬ miˇ kaˬ-ahˇ keuˆ ni tehꞈ-ehˇ Iˇsaˬleˬlaˆ tsawˇ haˬ deuˬ guiˇ deuˆ keuˆ-euˬ meh. Aˬ jeˬ miˇ neh ehˇ naˇ, Aˬmoˬ miˇ kʼahˬ-ahˇ guiˇ guiˇ maꞈ gʼawˬ mya ni loꞈ tsoeˬ taˬ-euˬ meh,
Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni laꞈ kʼoeˇ, aˬ yawꞈ maꞈ kʼoeˇ taˆ nui saˇ oꞈ-eu jeˬ Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-ahˇ muiˇ-eu tsawˇ haˬ tiˬ gʼaˬ-iˬ aˬ yawꞈ maꞈ mehˬ shi maˬ yawꞈ peuˬ-a. Aˬ jeˬ miˇ neh ehˇ naˇ, muiˇ-eu tsawˇ haˬ dawˬ tawˆ luꞈ kʼoeˇ taˆ gʼaˬ leˇ-eu baoˬ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ biꞈ taˬ-euˬ meh.
ကြော်ငြာတွေ