Dawˬmehˬ 19:17 - Akha

¹⁷ nyiˬ gʼaˬ luꞈ uˬ duˬ tahˬ-eu jawˇ duˬ-ahˇ ya le-awˇ, kʼoeˇ gaˇ gaˇ mˇ luꞈ-eu piˇ ma deuˬ hawˇ-eu yaˇ kʼaˬ daˇ-eu deuˬ neh ya bi daˇ tsehˆ meh.

Dawˬmehˬ 19:17 ပူးပေါင်းရင်းမြစ်များ

Doˆ-iˇ 21:6

yaw sahˇ gʼaˬ, zaˬ kʼaˆ kʼoeˇ gʼaˬ-ahˇ uˬ duˬ tahˬ-eu jawˇ duˬ-ahˇ ya sheuˬ gʼeh meh. Kʼoeˇ gaˇ, yaw sahˇ gʼaˬ gʼoˆ kʼehˬ mehˬ shi bi yawꞈ-awˇ, zaˬ kʼaˆ kʼoeˇ gʼaˬ-ahˇ naˬ bawˇ naˬ tahˇ ya tahˇ nehˬ meh. Kʼoeˇ naˇ, zaˬ kʼaˆ kʼoeˇ gʼaˬ maˬ shiˇ tiˬ ziˇ aˬ yawꞈ-euˬ zaˬ kʼaˆ ya geuꞈ meh.

Doˆ-iˇ 22:8

Ehˇ kʼawꞈ, smˇ kʼoeˬ maˬ nyehꞈ mi nya naˇ, pyuˇ shuiˇ myawˬ gahˬ jeˬ hmˬ nehˬ-euˬ gʼaˬ-ahˇ, uˬ duˬ tahˬ-eu jawˇ duˬ-ahˇ sheuˬ gʼeh-awˇ, aˬ cawˬ-euˬ myawˬ aˬ yawꞈ maˬ kʼoeˬ-aˬ lehˇ, kʼoeˇ gaˇ ya bi kamˬ meh.

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.

Dawˬmehˬ 17:9

Leˬbiˇ tsawˇ jeuˬ piˇ ma deuˬ hawˇ-eu, kʼoeˇ gaˇ jawˇ luꞈ-eu yaˇ kʼaˬ daˇ-eu deuˬ-ahˇ, gaˇ kʼoeˇ a nehˬ-awˇ, bi daˇ tsehˆ-awˬ.

Dawˬmehˬ 21:5

Leˬbiˇ tsawˇ haˬ piˇ ma deuˬ kʼawꞈ kʼoeˇ gaˇ ya iˇ meh. Aˬ jeˬ miˇ neh ehˇ naˇ, tsawˇ haˬ-ahˇ diˬ-eu sehꞈ-eu gaˇ kʼaˇ taꞈ leˇ-eu gaˇ kawˆ yawˬ jeˬ na luꞈ-ahˇ, aˬ yawꞈ maꞈ yaˇ kʼaˬ ya daˇ nehˬ meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ bi mˇ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ dawˬ bi ngehˬ gʼeh-eu gʼaˇ duˬ maˬ ehˇ, aˬ yawꞈ maꞈ-ahˇ aˬ yawꞈ neh tseˇ doˆ taˬ-euˬ meh.

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.