Dawˬmehˬ 19:14 - Akha

¹⁴ “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ-ahˇ yaw beh neh jaˆ luꞈ-eu yawˬ ha nehˬ-ehˇ nymˇ kaˬ taꞈ-eu tsawˇ haˬ-euˬ miˇ kaˬ maˬ ya teh jiˆ-a.

Dawˬmehˬ 19:14 ပူးပေါင်းရင်းမြစ်များ

Yawˇbaˆ 24:2

Tsawˇ haˬ zaˬ deuˬ yaˇ kaˬ biˇ-euˬ kʼaˬ lo kʼahˬ jiˆ-awˇ miˇ tsaˬ yuˇ lahˬ geuꞈ-eu meh. Aˬ yawꞈ maꞈ aˬ cawˬ-euˬ yawˇ kʼoeˬ-awˇ yawˬ ha-euˬ yawˇ maꞈ nehˬ-ehˇ teh keuˬ-eu meh.

Doˆ-iˇ 21:13

Ehˇ kʼawꞈ, diˇ daˬ-ehˇ sehꞈ-euˬ jeˬ maˬ ngeuˇ-ehˇ, maˬ yehꞈ maˬ ca-ehˇ laˆ tahˬ-awˇ bi shiˇ-euˬ jeˬ pyeuꞈ naˇ, naw maꞈ gʼaˇ duˬ ngaˬ neh tsaˬ tsoˆ taˬ-euˬ jawˇ duˬ-ahˇ aˬ yawꞈ cehˆ-awˇ, shiˇ-eu jeˬ-ahˇ cehˆ buˬ nya meh.

Dawqdaq 15:25

Nui ma huiˬ-eu gʼaˬ-euˬ nymˇ-ahˇ Sahˬpaˬ Miˬyehˇ deh pyaˆ kʼawꞈ, miˬ coeˬ miˬ ma-euˬ kʼmˇ cehˇ maˬ laˆ nyi nehˬ-a.

Dawqdaq 22:28

Nawˬ-euˬ aˬ poeˬ aˬ bawˇ deuˬ neh tsaˬ tsoˆ taˬ yaꞈ-euˬ miˇ kaˬ-ahˇ, tiˬ jawˇ-iˬ taˬ laˆ jiˆ. -5-

Dawqdaq 23:10

Aˇ hu ba neh tsaˬ tsoˆ taˬ-euˬ miˇ kaˬ tiˬ jawˇ-iˬ taˬ teh jiˆ. Muˇ coe aˬ nmˇ-euˬ miˇ tsaˬ taˬ kʼaˆ geuꞈ.

Hawˇseˬ 5:10

Sahˬpaˬ Miˬyehˇ ehˇ-eu dawˬ-aˬ, “Yuˇdaˆ miˇ kʼahˬ sahˬ paˬ sahˬ ma, Iˇsaˬleˬlaˆ-ahˇ ceh laˇ-awˇ, miˇ kʼahˬ ceh geuꞈ taˬ-euˬ miˇ neh, Lawˇ baˬ iˇ jeuˬ oe-eu loꞈ-ehˇ, aˬ yawꞈ maꞈ-ahˇ ngaˇ kʼehˬ nehˬ ma.

Dawˬmehˬ 27:17

“ ‘Yawˬ ha-ahˇ nymˇ kaˬ taꞈ-eu tsawˇ haˬ-euˬ nymˇ kaˬ teh jiˆ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu je keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 3:18

“Kʼoeˇ ngeh, aˬ yawꞈ maꞈ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. ‘Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu miˇ kʼahˬ heu kʼahˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-euˬ meh. Nymˬ-mˇ, Iˇsaˬleˬlaˆ tsawˇ jeuˬ nui deuˬ miˇ kʼahˬ za ni guiˇ caw deuˆ nehˬ leˇ-eu gʼaˇ duˬ, naw maꞈ-euˬ guiˆ deuˆ-eu tsawˇ haˬ deuˬ aˇ kʼaˆ bi laˆ dawˆ-awˇ, Iˇsaˬleˬlaˆ tsawˇ jeuˬ kʼoeˇ deuˬ-euˬ mehˬ hu guiˇ daˬ bi daˬ-awˇ, Yawˇdaˬ lawˇ baˬ bi le tsehˆ-awˬ.

Dawˬmehˬ 4:41

Kʼoeˇ naˇ, Yawˇdaˬ lawˇ baˬ nahˇ ma doˆ kʼehˬ paw jaˆ-eu meuˬ smˇ meuˬ Moˇseˬ tseˇ doˆ taˬ-euˬ meh.