Dawˬmehˬ 19:10 - Akha

¹⁰ Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ kʼoeˇ kʼahˬ laꞈ kʼoeˇ, iˬ baˇ maˬ ahˇ-eu tsawˇ haˬ deuˬ maˬ ya shiˇ ni maˬ ehˇ, kʼoeˇ loꞈ-ehˇ gʼeh-eu tsawˇ haˬ deuˬ-ahˇ sehꞈ-euˬ baˬ da neh nawˬ-euˬ kʼoeˇ taˆ iˬ baˇ maˬ ya keuˆ le ni maˬ ehˇ, kʼoeˇ loꞈ-ehˇ mˇ-awˬ.

Dawˬmehˬ 19:10 ပူးပေါင်းရင်းမြစ်များ

1 Sahˬpaˬ 2:31

Sawˇlaˬmoˬ ehˇ-eu, “Yoˇbaˬ neh kʼaˇ ehˇ-euˬ loꞈ-ehˇ jahˇ-awˇ, aˬ yawꞈ-ahˇ sehꞈ-awˇ baꞈ pahˬ nehˬ-awˬ. Kʼoeˇ loꞈ-ehˇ jahˇ naˇ, ngaˬ-euˬ kʼoeˇ taˆ maˬ ehˇ, Daˬbiˇ-euˬ zaˬ deuˬ uˆ deuˬ kʼoeˇ taˆ maˬ ehˇ, iˬ baˇ maˬ ahˇ-eu tsawˇ haˬ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ maˬ keuˆ le ni, ya buˬ ya law-iˇ tehꞈ-a.

2 Sahˬpaˬ 21:16

Iˬ baˇ maˬ ahˇ-eu tsawˇ haˬ gʼawˬ mya ni Maˬnaˇseˬ neh sehꞈ-euˬ miˇ neh, Yeˬluˇsaˬlehˬ meuˬ-ahˇ dehꞈ-eu aˇ bawˇ deuˬ shiˬ yoeˇ doˆ le luꞈ-eu meh. Yuˇdaˆ tsawˇ haˬ deuˬ miˬyehˇ nui deuˬ-ahˇ uˬ duˬ tahˬ-awˇ, Sahˬpaˬ Miˬyehˇ mehˬ shi iˬ baˇ mˇ ni aˬ yawꞈ gaˇ ma sheuˬ bahˬ-euˬ uˬ taꞈ-ehˇ, aˬ yawꞈ kʼoeˇ loꞈ-ehˇ paˇ mˇ-euˬ jeˬ pyeuꞈ-eu meh.

2 Sahˬpaˬ 24:4

Kʼaˆ tiˬ paˆ ni, iˬ baˇ maˬ ahˇ-eu tsawˇ haˬ deuˬ-ahˇ aˬ yawꞈ sehꞈ-euˬ baˬ da neh, kʼoeˇ loꞈ-ehˇ bi pyeuꞈ laˇ-euˬ meh. Kʼoeˇ loꞈ-ehˇ mˇ-euˬ baˬ da neh, Maˬnaˇseˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ coeˇ-a.

Jaceuq 94:21

muiˬ-eu jaˬ-eu deuˬ-ahˇ mˇ coeˬ mˇ ciˆ-eu laꞈ kʼoeˇ, iˬ baˇ maˬ ahˇ-eu deuˬ bi shiˇ-eu gʼaˇ duˬ yaˇ kʼaˬ daˇ-eu meh.

Dawqdaq 6:17

Jahˇ gʼeh-eu myaˆ nuiˆ tiˬ jeˬ, jaˬ myawꞈ myawꞈ-eu mehˬ laˇ tiˬ jeˬ, maˬ bahˬ-eu tsawˇ haˬ-ahˇ sehꞈ-eu aˬ laꞈ tiˬ jeˬ,

Iˇsaˬyaˇ 59:7

Aˬ myah luꞈ yaw haiˬ jeˬ-ahˇ naw maꞈ shaˇ noeˬ-awˇ, yaw doeˇ maˬ mˇ-ehˇ yawˬ jawˇ maˬ saˇ-a. Tsawˇ muiˬ-ahˇ sehꞈ-eu maˬ nyi naˬ coeˇ-ehˇ, naw maꞈ kʼaˇ iˇ gaˇ yaw cawˆ jeˬ doˆ laˇ-eu meh.

Yawˇlaˆ 3:19

“Iˇjiˇtuˆ hawˇ-eu Eˬdoˬ-aˬ, Yuˇdaˆ miˇ kʼahˬ-ahˇ guiˇ deuˆ-awˇ, maˬ lehˬ maˬ ca-eu tsawˇ haˬ-ahˇ, shiˬ sehꞈ yoeˇ-euˬ jaˆ-eu miˇ neh, Iˇjiˇtuˆ miˇ kʼahˬ byoˆ le-awˇ, kʼaˇ shuiꞈ deh ga pyeuꞈ-iˇ tehꞈ-a. Eˬdoˬ miˇ kʼahˬ gʼeh byoˆ le-awˇ, bawˇtsahˬ bawˇdahˇ pyeuꞈ-iˇ tehꞈ-a.

Yawˇnaˆ 1:14

Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ-awˇ, “Sahˬpaˬ Miˬyehˇ-oˇ, tsawˇ haˬ heu gʼaˬ-ahˇ bi shiˇ-euˬ baˬ da neh nga maꞈ-ahˇ kʼehˬ-awˇ taˬ sehꞈ nehˬ laꞈ lehˇ nawˬ-ahˇ nga maꞈ shaˇ-eu ma. Sahˬpaˬ Miˬyehˇ-oˇ, heu loꞈ-ehˇ pyeuꞈ laˇ ni dawˬ tawˆ luꞈ nawˬ neh jahˇ-euˬ meh” lehˇ shaˇ-euˬ meh.

Bawˇtsahˬ 35:33

Kʼoeˇ loꞈ-ehˇ jahˇ naˇ, naw maꞈ jawˇ luꞈ-eu miˇ kʼahˬ-ahˇ naw maꞈ laˆ jawꞈ-eu meh. Tsawˇ haˬ-ahˇ sehꞈ-euˬ jeˬ-aˬ, miˇ kʼahˬ-ahˇ laˆ jawꞈ-eu jeˬ pyeuꞈ-awˇ, aˬ cawˬ-ahˇ sehꞈ-euˬ gʼaˬ maˬ shiˇ kʼoeˇ keuˆ ni, tsawˇ haˬ sehꞈ-euˬ miˇ kʼahˬ kʼoeˇ kʼahˬ-ahˇ tiˬ jeˬ gʼeh-awˇ neh-iˬ maˬ laˆ muiˬ maˬ laˆ shawˇ nya-a.

Dawˬmehˬ 19:13

Aˬ yawꞈ-ahˇ gʼawˬ shaˬ taˬ gaˬ. Nawˇ yaw muiˬ paˬ-ehˇ ya dehꞈ dzaˬ-eu gʼaˇ duˬ, kʼoeˇ loꞈ-ehˇ tsawˇ haˬ-ahˇ sehꞈ-eu jeˬ Iˇsaˬleˬlaˆ miˇ kʼahˬ laꞈ kʼoeˇ maˬ ya bi pyeuꞈ doˆ laˇ ni mˇ-awˬ.

Dawˬmehˬ 26:1

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ kʼahˬ-ahˇ nawˇ le keuˆ-awˇ, jawˇ duˬ dah leˇ gʼaˬ ngeh,

Dawˬmehˬ 4:21

Naw maꞈ baˬ da neh, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ nui ma pehˇ-awˇ, Yawˇdaˬ lawˇ baˬ tsehˆ-awˇ, aˬ yawꞈ neh naw maꞈ-ahˇ biꞈ-euˬ baw le za le-eu miˇ kʼahˬ kʼoeˇ kʼahˬ laꞈ kʼoeˇ ngaˇ maˬ ya uˇ leˇ-a lehˇ, aˬ yawꞈ ehˇ duˬ taˬ-euˬ meh.

1 Saˬmeuˬlaˆ 19:5

Aˬ yawꞈ-euˬ gʼawˇ mawˇ ya shiˇ gaˇ aˬ yawꞈ maˬ guˆ ni, Gawˇliˇyaˆ-ahˇ aˬ yawꞈ sehꞈ-eu laꞈ kʼoeˇ, Iˇsaˬleˬlaˆ tsawˇ jeuˬ gʼaˇ duˬ Sahˬpaˬ Miˬyehˇ guiˇ deuˆ gʼaˬ-euˬ meh. Kʼoeˇ loꞈ-ehˇ jahˇ-euˬ gaˇ ya mawˇ ngeh, nawˇ laˬ kʼaˬ cehˇ-euˬ meh. Toˆ-ehˇ ngeuˇ naˇ, nymˬ-mˇ tiˬ jeˬ-iˬ gaˇ kawˆ maˬ jaˆ gaˇ Daˬbiˇ-ahˇ nawˇ sehꞈ-eu laꞈ kʼoeˇ, mˇ lehˬ taˬ-euˬ jeˬ maˬ jaˆ-eu tsawˇ haˬ-ahˇ aˬ jeˬ miˇ neh yaw haiˬ jeˬ jahˇ nehˬ mawꞈ te.”