Dawˬmehˬ 18:22 - Akha

²² Miˬyehˇ gʼaˇ duˬ ngehˬ dah-eu gʼaˬ, Sahˬpaˬ Miˬyehˇ-euˬ tsawˇ myahˇ uˬ moˆ tiˬ jeˬ paˇ ehˇ ngeh, aˬ yawꞈ neh ehˇ-euˬ loꞈ-ehˇ maˬ pyeuꞈ laˇ naˇ, Sahˬpaˬ Miˬyehˇ neh bi ehˇ-euˬ dawˬ maˬ ngeuˇ-a. Miˬyehˇ gʼaˇ duˬ ngehˬ dah-euˬ kʼoeˇ gʼaˬ yawˬ ha-euˬ baoˬ-ahˇ gʼoe-awˇ ngehˬ-eu tmˇ-eu jeˬ pyeuꞈ-awˇ, aˬ yawꞈ-ahˇ nawˇ maˬ ya guˆ-a.

Dawˬmehˬ 18:22 ပူးပေါင်းရင်းမြစ်များ

1 Sahˬpaˬ 22:28

Miˇkaˬyaˇ ehˇ-eu, “Nawˇ tiˬ jeˬ-iˬ maˬ ca laˇ-ehˇ gʼoꞈ keuˆ le lawˬ naˇ, Sahˬpaˬ Miˬyehˇ ngaˬ-ahˇ gʼoe-awˇ dawˬ ngehˬ-euˬ maˬ ngeuˇ-aˇ. Ngaˬ neh ehˇ-euˬ dawˬ-ahˇ yawˬ gʼaˬ na luꞈ yaw muiˬ paˬ-ehˇ naˇ haˬ taˬ-awˬ.”

2 Sahˬpaˬ 20:1

Aˇ nah aˇ yamˬ kʼoeˇ yamˬ laꞈ kʼoeˇ, sahˬ paˬ Heˬsaˬgiˇ shiˇ taw tehˬ ni naˇ laˇ-euˬ meh. Aˬmoˆ-euˬ aˬ li pyeuꞈ-eu Miˬyehˇ gʼaˇ duˬ ngehˬ dah-eu Iˇsaˬyaˇ gʼaˬ aˬ yawꞈ jawˇ gaˇ iˇ-awˇ, “Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. Yawˬ jeˬ na luꞈ lehˬ hmˬ dah taˬ jiˇ-awˬ. Aˬ jeˬ miˇ neh ehˇ naˇ, nawˇ naˇ-eu maˬ taˬ leˇ nya-ehˇ ya shiˇ tehꞈ-a lehˇ ehˇ-eu meh” lehˇ ehˇ nehˬ-euˬ meh.

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Iˇsaˬyaˇ 41:22

Mehˬ hu paw keuˆ le-eu jeˬ-ahˇ nga maꞈ ya siˬ taˬ ni, aˬ kaˇ pyeuꞈ laˇ-eu gaˇ kawˆ deuˬ, laˇ-awˇ ja mehˬ laˇ sheˇ. Pyeuꞈ dzeuˇ yaꞈ-euˬ gaˇ kawˆ, saˇ naˇ-ahˇ dzawˇ laˇ-awˇ, dawˬ tsuiꞈ ehˇ mehˬ laꞈ sheˇ.

Yawˇnaˆ 3:4

Meuˬ kʼoeˇ meuˬ-ahˇ Yawˇnaˆ cah-iˇ-awˇ, tiˬ nah nah ga ni cah gʼaˬ ngeh, “Oeˬ tseˇ nah laꞈ kʼoeˇ Niˇnaˬbeˬ meuˬ ya luˬ ya seˇ-iˇ tehꞈ-a” lehˇ guˇ-euˬ meh.

Yawˇnaˆ 4:2

Kʼoeˇ miˇ neh, aˬ yawꞈ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ -oˇ, ngaˇ iˇ kahˇ-ahˇ neh ma gʼoˆ doˆ le mi naˆ-ehˇ nawˇ heu loꞈ-ehˇ jahˇ tehꞈ-a lehˇ ngaˇ ehˇ-euˬ maˬ ngeuˇ-a loˇ. Kʼoeˇ miˇ neh Saˬbeˬ miˇ kʼahˬ paw cehˆ byoˆ-eu lehˇ ngaˇ leh jeh-euˬ ma. Nawˇ-aˬ, gʼoeˇ-eu gaˬ-eu jeˬ byah-eu gʼawˬ shaˬ gaˬ nya-eu Miˬyehˇ pyeuꞈ-awˇ, aˬ myah luꞈ nui ma gʼawˬ mahˇ ni taˬ-awˇ gʼawˬ shaˬ gaˬ nehˬ nya-eu uˬ taꞈ, aˬ myah luꞈ nui ma paˇ laˇ nya-awˇ, maˬ kʼehˬ maˬ kʼaˆ nehˬ ni byehˇ-eu meh.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Dawˬmehˬ 18:20

Ehˇ kʼawꞈ, ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ na, ngaˬ neh dawˬ maˬ biꞈ-euˬ gaˇ, ngaˬ-euˬ tsawˇ myahˇ uˬ moˆ dawˬ ngehˬ naˇ, kʼoeˇ loꞈ-ehˇ mˇ-eu baˬ da neh ya shiˇ tehꞈ-a. Miˬyehˇ nui deuˬ-euˬ tsawˇ myahˇ uˬ moˆ dawˬ ngehˬ-eu tsawˇ haˬ kʼawꞈ, kʼoeˇ loꞈ-ehˇ ya shiˇ tehꞈ-a.’

Dawˬmehˬ 18:21

“Miˬyehˇ gʼaˇ duˬ ngehˬ dah-eu gʼaˬ neh ehˇ-euˬ jeˬ-aˬ, Sahˬpaˬ Miˬyehˇ neh bi ngehˬ-euˬ dawˬ ngeuˇ-eu maˬ ngeuˇ-eu aˬ joˆ-ehˇ ehˇ tsehˆ nya nmˇ lehˇ naw maꞈ zahˬ leˇ kʼaˇ za tehꞈ-a.

1 Saˬmeuˬlaˆ 3:19

Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.