Dawˬmehˬ 18:14 - Akha

¹⁴ Kʼoeˇ naˇ Moˇseˬ ehˇ-eu, “Nawˇ jawˇ uˇ leˇ-eu lehˇ gʼeh-eu miˇ kʼahˬ-ahˇ jawˇ-eu tsawˇ haˬ deuˬ-aˬ, ja maw maw-eu deuˬ hawˇ-eu nyiˇ paˬ deuˬ-euˬ ehˇ dawˬ naˇ haˬ-eu meh. Ehˇ kʼawꞈ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ kʼoeˇ loꞈ-ehˇ maˬ bi mˇ-a.

Dawˬmehˬ 18:14 ပူးပေါင်းရင်းမြစ်များ

Aˇ dahˬ 20:6

Yuꞈ maˆ laꞈ kʼoeˇ, Aˬbiˇmaˬlehˆ-ahˇ Miˬyehˇ heu loꞈ-ehˇ paˇ ehˇ nehˬ-euˬ meh. “Ngeuˇ meh. Nawˇ nui ma shawˇ jehˆ ni taˬ-eu laꞈ kʼoeˇ, kʼoeˇ loꞈ-ehˇ mˇ-euˬ meh lehˇ ngaˇ siˬ nya ma. Kʼoeˇ miˇ neh, ngaˬ-euˬ mehˬ shi nawˇ iˬ baˇ maˬ ya mˇ ni, zaˬ miˬ zaˬ heu gʼaˬ nehˬ-ehˇ nawˬ-ahˇ ngaˇ maˬ bi jawˇ taꞈ-aˬ.

2 Sahˬpaˬ 21:6

Aˬ yawꞈ-euˬ aˬ li miˬ dzaˬ-ahˇ dzah puiˆ-awˇ lawˇ-euˬ shehˇ-euˬ meh. Maw loˬ ja maw hawˇ-eu, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ dui dui-euˬ meh.

Iˇsaˬyaˇ 2:6

Miˬyehˇ-oˇ, Yaˬkoˆ-euˬ zaˬ deuˬ uˆ deuˬ pyeuꞈ-eu, nawˬ-euˬ tsawˇ haˬ deuˬ-ahˇ nawˇ byehˇ dzeh-euˬ meh. Aˬ jeˬ miˇ neh ehˇ naˇ, nahˇ ma doˆ kʼehˬ miˇ kʼahˬ paw neh oe-euˬ nyiˇ paˬ shiˇ-eu zahˇ hawˇ-eu, Piˇliˇtiˆ tsawˇ haˬ deuˬ ja maw maw-eu zahˇ-ahˇ, aˬ yawꞈ maꞈ mˇ dui dui luꞈ-eu uˬ taꞈ, aˬ cawˬ tsawˇ jeuˬ nehˬ-ehˇ laꞈ tsaꞈ tsaꞈ tehˬ-awˇ dehꞈ-eu meh.

Yeˬlaˬmiˇ 27:9

Kʼoeˇ miˇ neh, Baˬbuˇloˬ sahˬ paˬ uˆ lahˇ-eu uˬ moˆ taˬ jawˇ lehˇ, naw maꞈ-ahˇ kʼaˇ ehˇ laˇ-eu, Miˬyehˇ gʼaˇ duˬ ngehˬ dah-eu deuˬ, nyiˇ paˬ shaˆ ma deuˬ, mah loˬ ja maw nya-eu deuˬ hawˇ-eu, yuꞈ maˆ maˆ mawˇ nya-eu deuˬ-euˬ dawˬ-ahˇ, naw maꞈ taˬ naˇ haˬ.

Daˬyeˬlaˇ 2:27

Kʼoeˇ ngeh, Daˬyeˬlaˇ heu loꞈ-ehˇ ehˇ-eu meh. “Sahˬ paˬ-oˇ, gaˇ kawˆ heu nawˬ-ahˇ ehˇ nehˬ nya-eu nyiˇ paˬ shaˆ ma hawˇ-eu mah loˬ ja maw nya-eu tsawˇ haˬ maˬ jawˇ-a.

Miˇkaˬ 5:12

Naw maꞈ zmˬ-eu mah loˬ ja maw tsawˇ gahˇ deuˬ-ahˇ ngaˇ laˆ cawˆ-awˇ, nyiˇ paˬ shaˆ ma deuˬ maˬ jawˇ ni bi shaˬ ma.

Gʼaˬkʼehˇ 14:16

Dzeuˇlaˇ-euˬ aˇ yamˬ-ahˇ, tsawˇ jeuˬ dawˬ tawˆ luꞈ yawˬ ha-euˬ zahˇ yawˬ ha tawˬ-awˇ bi dehꞈ tawˬ-euˬ meh.

Dawˬmehˬ 18:10

Yawˬ ha-euˬ aˬ buˇ aˬ li-ahˇ lawˇ duˬ kʼoeˇ taˆ dzah puiˆ-awˇ naw maꞈ maˬ ya lawˇ-a. Ja maw maw-eu maˬ ehˇ, mah loˬ loˬ-eu maˬ ehˇ, nyiˇ paˬ shiˇ-eu maˬ ehˇ, shiˇ dzeuˇ-euˬ tsawˇ haˬ-euˬ yaw sahˇ nehˬ-ehˇ mehˬ bawˬ mˇ-eu maˬ ehˇ, naw maꞈ-euˬ tsawˇ haˬ deuˬ maˬ ya bi jahˇ-a.