Dawˬmehˬ 18:12 - Akha

¹² Jawꞈ dui dui-eu gaˇ heu deuˬ mˇ-eu tsawˇ haˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ bye dui dui-eu meh. Kʼoeˇ miˇ neh, naw maꞈ le gʼeh leꞈ-eu nehˬ-ehˇ, tsawˇ jeuˬ kʼoeˇ deuˬ-ahˇ, miˇ kʼahˬ kʼoeˇ kʼahˬ laꞈ kʼoeˇ neh aˬ yawꞈ teh doˆ meh.

Dawˬmehˬ 18:12 ပူးပေါင်းရင်းမြစ်များ

2 Sahˬpaˬ 23:24

Piˇ ma yaw huiˬ gʼaˬ pyeuꞈ-eu Hiˇlaˬkiˇ neh Uˬ duˬ tahˬ nymˇ nymˇ ma laꞈ kʼoeˇ mawˇ-euˬ sahˬ boꞈ paˇ yoˆ kʼoeˇ dmˬ laꞈ kʼoeˇ boꞈ taˬ-euˬ gaˇ kawˆ-ahˇ tsaˬ ni, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jawˇ kʼaˇ jaˆ-eu nyiˇ paˬ shaˆ ma deuˬ hawˇ-eu ja maw maw-eu deuˬ maˬ ehˇ, nymˇ kʼahˬ laꞈ kʼoeˇ jaˆ-eu miˬyehˇ deuˬ hawˇ-eu tahˬ pahˬ aˬ ma mawˇ kawˇ deuˬ maˬ ehˇ, lawˇ ciꞈ zaˬ deuˬ uˬ duˬ tahˬ ngeh geuꞈ-euˬ keu ka dawˬ tawˆ luꞈ maˬ ehˇ, sahˬ paˬ Yawˇshiˆ neh biˬ dzeh jiˇ-euˬ meh.

Yeˬsaˬgeˬlaˇ 31:11

Kʼoeˇ miˇ neh, aˇ bawˇ kʼoeˇ-ahˇ ngaˇ byehˇ dzeh-awˇ, aˬ cawˬ tsawˇ jeuˬ sahˬ paˬ-euˬ laꞈ-ahˇ bi ahˇ leˇ ma. Aˇ bawˇ kʼoeˇ yaw haiˬ miˇ neh, aˬ yawꞈ-ahˇ kʼaˇ oꞈ kʼaˇ geuˇ-eu loꞈ-ehˇ jahˇ nehˬ tehꞈ-a.

Uˬ duˬ 18:24

Heu deuˬ-ahˇ mˇ-eu laꞈ kʼoeˇ, yawˬ haˇ yawˬ ha maˬ shawˇ-eu tsawˇ haˬ bi pyeuꞈ-iˇ ni naw maꞈ taˬ jahˇ. Naw maꞈ le luꞈ-eu miˇ kʼahˬ-ahˇ jawˇ-eu lawˇ ciꞈ zaˬ deuˬ kʼoeˇ loꞈ-ehˇ mˇ-awˇ, yawˬ haˇ yawˬ ha laˆ jawꞈ-eu meh. Miˇ kʼahˬ kʼoeˇ kʼahˬ laꞈ kʼoeˇ naw maꞈ uˇ leˇ nya ni, aˬ yawꞈ maꞈ-ahˇ Sahˬpaˬ Miˬyehˇ teh dzeh-eu lehˇ gʼeh luꞈ meh.

Uˬ duˬ 18:25

Aˬ yawꞈ maꞈ kʼoeˇ loꞈ-ehˇ mˇ-eu baˬ da neh, miˇ kʼahˬ kʼoeˇ kʼahˬ jawꞈ dui dui-eu miˇ kʼahˬ pyeuꞈ laˇ taˬ-euˬ meh. Kʼoeˇ miˇ neh, miˇ kʼahˬ kʼoeˇ kʼahˬ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ-awˇ, miˇ kʼahˬ kʼoeˇ kʼahˬ tsawˇ haˬ kʼoeˇ deuˬ-ahˇ uˬ pehꞈ pehꞈ doˆ dzeh tehꞈ-a.

Uˬ duˬ 18:27

Naw maꞈ-euˬ mehˬ hu, miˇ kʼahˬ kʼoeˇ kʼahˬ-ahˇ jawˇ luꞈ-eu tsawˇ haˬ deuˬ, jawꞈ dui dui-eu gaˇ heu deuˬ mˇ-awˇ, miˇ kʼahˬ kʼoeˇ kʼahˬ-ahˇ laˆ jawꞈ-euˬ meh.

Dawˬmehˬ 14:27

“Naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ-ahˇ taˬ ngehˇ. Aˬ yawꞈ maꞈ-aˬ, yawˬ ha-ahˇ oꞈ-eu jeˬ biˇ maˬ jaˆ-a.

Dawˬmehˬ 22:5

“Zaˬ miˬ zaˬ deuˬ kʼaˬ dzeˇ zaˬ deuˬ-euˬ mehˬ tsoeˬ maˬ ya dm-a. Kʼaˬ dzeˇ zaˬ deuˬ kʼawꞈ zaˬ miˬ zaˬ deuˬ-euˬ mehˬ tsoeˬ maˬ ya dm-a. Kʼoeˇ loꞈ-ehˇ jahˇ-eu tsawˇ haˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ bye-eu meh.

Dawˬmehˬ 9:4

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ gʼaˇ duˬ tsawˇ haˬ kʼoeˇ deuˬ-ahˇ teh doˆ gʼaˬ ngeh, miˇ kʼahˬ kʼoeˇ kʼahˬ naw maꞈ za geuˇ-eu miˇ neh, naw maꞈ-ahˇ aˬ yawꞈ sheuˬ uˇ nehˬ laꞈ-euˬ meh lehˇ naw maꞈ yawˬ haˇ yawˬ ha taˬ ehˇ. Kʼoeˇ loꞈ-ehˇ maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu miˇ neh, naw maꞈ gʼaˇ duˬ Sahˬpaˬ Miˬyehˇ aˬ yawꞈ maꞈ-ahˇ teh doˆ-euˬ jeˬ pyeuꞈ-eu meh.

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.