Dawˬmehˬ 18:10 - Akha

^10-11 Yawˬ ha-euˬ aˬ buˇ aˬ li-ahˇ lawˇ duˬ kʼoeˇ taˆ dzah puiˆ-awˇ naw maꞈ maˬ ya lawˇ-a. Ja maw maw-eu maˬ ehˇ, mah loˬ loˬ-eu maˬ ehˇ, nyiˇ paˬ shiˇ-eu maˬ ehˇ, shiˇ dzeuˇ-euˬ tsawˇ haˬ-euˬ yaw sahˇ nehˬ-ehˇ mehˬ bawˬ mˇ-eu maˬ ehˇ, naw maꞈ-euˬ tsawˇ haˬ deuˬ maˬ ya bi jahˇ-a.

Dawˬmehˬ 18:10 ပူးပေါင်းရင်းမြစ်များ

Aˇ dahˬ 44:5

Aˬ jeˬ miˇ neh naw maꞈ ngaˬ-euˬ sahˬ paˬ-euˬ pyuˇ kʼmˬ maˬ kʼoeˬ teˬ. Kʼmˬ maˬ heu kʼmˬ-aˬ, ngaˬ-euˬ sahˬ paˬ dawˇ-eu kʼmˬ maˬ pyeuꞈ-awˇ, ja maw maw ngeh kʼawꞈ, kʼmˬ maˬ heu kʼmˬ tehꞈ-ehˇ aˬ yawꞈ zmˬ-eu meh. Tiˬ pawꞈ-iˬ maˬ mˇ kʼmˬ-eu bahˬ dui dui-eu jeˬ-ahˇ naw maꞈ mˇ-euˬ nga’ lehˇ ehˇ nehˬ-awˬ.”

2 Sahˬpaˬ 16:3

Iˇsaˬleˬlaˆ sahˬ paˬ deuˬ-ahˇ aˬ yawꞈ dzaw geuꞈ-eu uˬ taꞈ, Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ jawˇ uˇ leˇ ngeh, Sahˬpaˬ Miˬyehˇ neh teh doˆ nehˬ-euˬ tsawˇ haˬ deuˬ-euˬ zahˇ sahˇ kʼoꞈ-ahˇ aˬ yawꞈ caw teh-awˇ, aˬ yawꞈ-euˬ aˬ li-ahˇ kʼawꞈ, miˬ dzaˬ dzah puiˆ-awˇ lawˇ-euˬ meh.

2 Sahˬpaˬ 17:15

Aˬ yawꞈ neh mehˬ nehˬ tsoˆ nehˬ-euˬ jeˬ-ahˇ aˬ yawˬ maꞈ maˬ naˇ haˬ geuꞈ-ehˇ, aˬ yawꞈ neh aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ maˬ caw teh-eu uˬ taꞈ, aˬ yawꞈ neh bi ehˇ nehˬ-euˬ dawˬ deuˬ aˬ yawꞈ maꞈ-euˬ naˬ bawˇ-ahˇ maˬ gaˬ leˇ-a. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ aˬ yawꞈ maꞈ uˬ duˬ tahˬ-awˇ, gaˇ dahˇ maˬ tsoeˬ-eu tsawˇ haˬ pyeuꞈ laˇ-euˬ meh. Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maꞈ maˬ naˇ haˬ-ehˇ, aˬ yawꞈ maꞈ-euˬ tiˬ jawˬ jawˇ-eu tsawˇ jeuˬ deuˬ-euˬ zahˇ sahˇ kʼoꞈ mehˬ nah aˬ yawꞈ maꞈ caw teh-euˬ meh.

2 Sahˬpaˬ 17:17

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ, lawˇ ciꞈ zaˬ-euˬ miˬyehˇ deuˬ-ahˇ lawˇ nehˬ-euˬ meh. Nyiˇ paˬ, shaˆ ma, boeˇ mawˬ deuˬ hawˇ-eu, ja maw nya-eu deuˬ-ahˇ aˬ yawꞈ maꞈ gʼoe-eu uˬ taꞈ, Sahˬpaˬ Miˬyehˇ mehˬ shi yaw lehˬ yaw ca jeˬ nui kʼahˇ tiˬ shiˇ mˇ-eu laꞈ kʼoeˇ, Sahˬpaˬ Miˬyehˇ-ahˇ nui ma laˆ pehˇ-euˬ meh.

2 Sahˬpaˬ 21:6

Aˬ yawꞈ-euˬ aˬ li miˬ dzaˬ-ahˇ dzah puiˆ-awˇ lawˇ-euˬ shehˇ-euˬ meh. Maw loˬ ja maw hawˇ-eu, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ dui dui-euˬ meh.

2 Sahˬpaˬ 23:24

Piˇ ma yaw huiˬ gʼaˬ pyeuꞈ-eu Hiˇlaˬkiˇ neh Uˬ duˬ tahˬ nymˇ nymˇ ma laꞈ kʼoeˇ mawˇ-euˬ sahˬ boꞈ paˇ yoˆ kʼoeˇ dmˬ laꞈ kʼoeˇ boꞈ taˬ-euˬ gaˇ kawˆ-ahˇ tsaˬ ni, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jawˇ kʼaˇ jaˆ-eu nyiˇ paˬ shaˆ ma deuˬ hawˇ-eu ja maw maw-eu deuˬ maˬ ehˇ, nymˇ kʼahˬ laꞈ kʼoeˇ jaˆ-eu miˬyehˇ deuˬ hawˇ-eu tahˬ pahˬ aˬ ma mawˇ kawˇ deuˬ maˬ ehˇ, lawˇ ciꞈ zaˬ deuˬ uˬ duˬ tahˬ ngeh geuꞈ-euˬ keu ka dawˬ tawˆ luꞈ maˬ ehˇ, sahˬ paˬ Yawˇshiˆ neh biˬ dzeh jiˇ-euˬ meh.

1 Laˬsaˬbaˬ 10:13

Sawˇluˆ-aˬ, Sahˬpaˬ Miˬyehˇ-ahˇ saˇ jaˇ maˬ ziꞈ-eu miˇ neh ya shiˇ-euˬ meh. Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maˬ naˇ haˬ-ehˇ, shiˇ dzeuˇ-euˬ tsawˇ haˬ deuˬ-euˬ yaw sahˇ-ahˇ gʼoe-awˇ yaw dehꞈ dehꞈ-euˬ meh.

2 Laˬsaˬbaˬ 28:3

Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ jawˇ uˇ leˇ ngeh, Sahˬpaˬ Miˬyehˇ neh bi teh doˆ-euˬ kʼoeˇ gaˇ jawˇ-eu tsawˇ oeˇ deuˬ-euˬ jawꞈ dui dui-eu zahˇ sahˇ kʼoꞈ-ahˇ aˬ yawꞈ dzaw geuꞈ-awˇ, Hiˬnoˬ deh kʼawꞈ-ahˇ yaw saw jeˬ doꞈ damˬ-awˇ, lawˇ-eu shehˇ-euˬ uˬ taꞈ, aˬ yawꞈ-euˬ aˬ li deuˬ-ahˇ miˬ dzaˬ dzah puiˆ-awˇ tahˬ pahˬ aˬ ma mawˇ kawˇ-ahˇ lawˇ nehˬ-euˬ meh.

2 Laˬsaˬbaˬ 33:6

Aˬ yawꞈ-euˬ aˬ li deuˬ-ahˇ Hiˬnoˬ deh kʼawꞈ laꞈ kʼoeˇ miˬ dzaˬ dzah puiˆ-awˇ lawˇ-euˬ meh. Ja maw maw-eu jeˬ hawˇ-eu mah loˬ loˬ-eu jeˬ aˬ yawꞈ mˇ-awˇ, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ Miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Doˆ-iˇ 22:17

Ehˇ kʼawꞈ, aˬ da gʼaˬ, aˬ yawꞈ-euˬ aˬ buˇ miˬ daꞈ-ahˇ, tsawˇ haˬ kʼoeˇ gʼaˬ-ahˇ maˬ bi mˇ dzaˬ-iˇ mawꞈ naˇ, tsawˇ haˬ kʼoeˇ gʼaˬ, aˬ da gʼaˬ-ahˇ zahˇ shaˇ poeˬ ya biꞈ-eu meh.

Doˆ-iˇ 22:18

“Nehꞈ seu piˇ seu-eu zaˬ miˬ zaˬ aˬ geu gʼaˬ maˬ kaˬ, ya sehꞈ dzeh meh.

Iˇsaˬyaˇ 47:13

Nawˬ-ahˇ nui noeˬ nui duˇ biꞈ-eu jawˇ kʼawꞈ, nawˇ gʼaˬ tiˬ pawꞈ-iˬ maˬ ahˇ-a. Ja maw nya-eu deuˬ mehˬ shi kuˇ doˆ-awˇ, nawˬ-ahˇ bi ka kʼoꞈ-awˬ. Aˬ guiˇ gaˇ kawˆ dzaw nya taˬ-awˇ, mˬ-ahˇ daˇ dza dehˬ jiˇ nya-eu, ba la aˬ yawꞈ siˬ yawꞈ kʼaˇ pyeuꞈ laˇ-eu gaˇ kawˆ, nawˬ-ahˇ ehˇ mehˬ nya-eu tsawˇ haˬ kʼoeˇ deuˬ, nawˬ-ahˇ bi ka kʼoꞈ-awˬ.

Yeˬlaˬmiˇ 27:10

Aˬ yawꞈ maꞈ naw maꞈ-ahˇ mehˇ shuiˇ shuiˇ-awˇ, naw maꞈ-euˬ miˇ kʼahˬ-ahˇ neh gaˇ mahˇ kaˬ gaˇ naw maꞈ-ahˇ bi nyehꞈ byoˆ gʼeh-eu lehˇ tsawˇ gahˇ gahˇ-eu meh. Ngaˇ naw maꞈ-ahˇ teh doˆ-awˇ, naw maꞈ ya luˬ ya seˇ-iˇ tehꞈ-a.

Yeˬlaˬmiˇ 27:9

Kʼoeˇ miˇ neh, Baˬbuˇloˬ sahˬ paˬ uˆ lahˇ-eu uˬ moˆ taˬ jawˇ lehˇ, naw maꞈ-ahˇ kʼaˇ ehˇ laˇ-eu, Miˬyehˇ gʼaˇ duˬ ngehˬ dah-eu deuˬ, nyiˇ paˬ shaˆ ma deuˬ, mah loˬ ja maw nya-eu deuˬ hawˇ-eu, yuꞈ maˆ maˆ mawˇ nya-eu deuˬ-euˬ dawˬ-ahˇ, naw maꞈ taˬ naˇ haˬ.

Yeˬlaˬmiˇ 32:35

Moˇlehˆ miˬ yehˇ-ahˇ aˬ yawꞈ maꞈ-euˬ aˬ buˇ aˬ li deuˬ lawˇ nehˬ-eu gʼaˇ duˬ, Hiˬnoˬ deh kʼawꞈ-ahˇ Baˬlaˇ miˬ yehˇ gʼaˇ duˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ jahˇ-eu gʼaˇ duˬ aˬ yawꞈ maꞈ-ahˇ ngaˇ maˬ mehˬ maˬ tsoˆ-euˬ uˬ taꞈ, aˬ yawꞈ maꞈ kʼoeˇ loꞈ-ehˇ jahˇ-awˇ Yuˇdaˆ tsawˇ haˬ deuˬ iˬ baˇ mˇ ni sheuˬ bahˬ nehˬ tehꞈ-a lehˇ, nui ma laꞈ kʼoeˇ tehꞈ-ehˇ kʼawꞈ ngaˇ maˬ noeˬ haw-aˬ.”

Yeˬlaˬmiˇ 7:31

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ lawˇ-eu gʼaˇ duˬ, Hiˬnoˬ deh kʼawꞈ-ahˇ Tawˇpehˆ lehˇ myahˇ-euˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ bi mˇ-eu gʼaˇ duˬ, aˬ yawꞈ maꞈ-ahˇ ngaˇ dawˬ biꞈ-euˬ maˬ ngeuˇ. Noeˬ-euˬ tehꞈ-ehˇ kʼawꞈ maˬ shaˇ noeˬ haw-aˬ.

Uˬ duˬ 19:26

“Shiˬ maˬ yoeˇ dzeˇ-euˬ shaˬ jiˇ taˬ dzaˬ. Mah loˬ taˬ loˬ.

Uˬ duˬ 19:31

“Nyiˇ paˬ-ahˇ laꞈ jeuˬ taˬ shaˇ. Naw maꞈ kʼoeˇ loꞈ-ehˇ jahˇ naˇ, maˬ shawˇ-eu tsawˇ haˬ pyeuꞈ-eu meh. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Uˬ duˬ 20:6

“Nyiˇ paˬ shaˆ ma deuˬ-ahˇ laꞈ jeuˬ kʼaˇ shaˇ-eu tsawˇ haˬ deuˬ-ahˇ ngaˇ byehˇ dzeh-awˇ, ngaˬ-euˬ tsawˇ haˬ lehˇ maˬ paˇ sawˇ nehˬ ma.

Miˇkaˬ 5:12

Naw maꞈ zmˬ-eu mah loˬ ja maw tsawˇ gahˇ deuˬ-ahˇ ngaˇ laˆ cawˆ-awˇ, nyiˇ paˬ shaˆ ma deuˬ maˬ jawˇ ni bi shaˬ ma.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Gʼaˬkʼehˇ 19:19

Maw loˬ loˬ-eu tsawˇ haˬ deuˬ kʼawꞈ, yawˬ ha-euˬ maw loˬ sahˬ boꞈ deuˬ baꞈ uiˬ jiˇ-awˇ, miˇ kʼahˬ zaˬ dawˬ tawˆ luꞈ mehˬ shi miˬ dzaˬ keuˬ dzeh-euˬ meh. Sahˬ boꞈ kʼoeˇ deuˬ-euˬ aˇ poeˬ sawˇ jiˇ haw ngeh, pyuˇ maˇ byaˆ ngaˬ muiˇ byaˆ poeˬ-eu meh.

Gʼaˬkʼehˇ 8:9

Siˇmoˬ lehˇ myahˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Aˬ yawꞈ mah loˬ loˬ mehˬ nehˬ-awˇ, kʼoeˇ gaˇ jawˇ-eu tsawˇ haˬ deuˬ-ahˇ laˆ zahˬ nehˬ-euˬ aˇ yamˬ ui cuiˆ myahˇ laˇ-euˬ meh. Aˬ yawꞈ-aˬ, huiˬ-eu tsawˇ haˬ tiˬ gʼaˬ ma lehˇ yawˬ haˇ yawˬ ha ehˇ-eu meh.

Gaˬlaˬtiˆ 5:20

tahˬ pahˬ aˬ ma mawˇ kawˇ-ahˇ uˬ duˬ tahˬ-eu, maw loˬ ja maw-ahˇ gʼoe-eu, tiˬ gʼaˬ tiˇ gʼaˬ muiˇ-eu, dawꞈ-eu ceh-eu, mehˇ juiˇ juiˇ-eu, nui ma pehˇ-eu, yawˬ ha gʼaˇ duˬ tehꞈ-ehˇ shaˇ noeˬ-eu, gʼawˬ-iˇ gʼehˇ-iˇ-eu, aˇ muˇ muˇ paˆ-eu nui ma ahˇ-eu,

Dawˬmehˬ 12:31

Aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ gaˇ dzaw geuꞈ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ uˬ duˬ taˬ tahˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ ngeh, Sahˬpaˬ Miˬyehˇ maˬ haw nahˇ-eu nui daˆ daˆ laˇ paˬ-ehˇ gʼeh-eu jeˬ aˬ yawꞈ maꞈ mˇ-eu meh. Aˬ yawꞈ maꞈ-euˬ zaˬ deuˬ-ahˇ lawˇ duˬ kʼoeˇ taˆ miˬ dzaˬ-ahˇ dzah puiˆ-awˇ lawˇ-eu jeˬ kʼawꞈ, aˬ yawꞈ maꞈ mˇ-eu meh.

1 Saˬmeuˬlaˆ 15:23

Aˬ yawꞈ-ahˇ puiˬ-eu jeˬ-aˬ, jaˬ nehꞈ pyehˬ-eu naˆ ni doeˇ-awˇ, nui ma gʼahˇ-eu jeˬ-aˬ, miˬ yehˇ nui gʼaˬ-ahˇ uˬ duˬ tahˬ-eu naˆ ni iˬ baˇ huiˬ-eu meh. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ sahˬ paˬ lehˇ maˬ paˇ sawˇ nehˬ ni, aˬ yawꞈ gʼeh nawˬ-ahˇ byehˇ dzeh-euˬ meh.”

1 Saˬmeuˬlaˆ 28:3

Saˬmeuˬlaˆ shiˇ-euˬ miˇ neh, Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ jawˇ-eu Laˬmahˇ meuˬ-ahˇ aˬ yawꞈ-ahˇ baꞈ pahˬ nehˬ-euˬ meh. Nyiˇ paˬ shaˆ ma dawˬ tawˆ luꞈ-ahˇ, Iˇsaˬleˬlaˆ miˇ kʼahˬ laꞈ kʼoeˇ neh Sawˇluˆ teh dzeh-euˬ meh.

1 Saˬmeuˬlaˆ 28:7

Kʼoeˇ ngeh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ Sawˇluˆ dawˬ biꞈ-awˇ, “Ngaˬ-ahˇ zaˬ miˬ zaˬ nyiˇ paˬ tiˬ gʼaˬ poˆ mawˇ nehˬ laꞈ-awˬ. Ngaˇ aˬ yawꞈ-ahˇ naˇ haˬ haw la” lehˇ ehˇ nehˬ-euˬ meh. “Eˬdawˇlaˆ meuˬ-ahˇ nyiˇ paˬ tiˬ gʼaˬ jawˇ meh” lehˇ, yaw huiˬ yaw mahˇ kʼoeˇ deuˬ aˬ yawꞈ-ahˇ ehˇ kʼoꞈ nehˬ-euˬ meh.

1 Saˬmeuˬlaˆ 28:8

Kʼoeˇ ngeh, aˬ yawꞈ-ahˇ sahˬ paˬ nga lehˇ aˬ cawˬ maˬ bi haw siˬ-eu gʼaˇ duˬ, Sawˇluˆ mehˬ tsoeˬ dm paˇ-euˬ meh. Kʼoeˇ naˇ, uˬ ciꞈ zahˇ le ngeh, aˬ yawꞈ-euˬ tsawˇ haˬ nyiˬ gʼaˬ sheuˬ-awˇ, zaˬ miˬ zaˬ kʼoeˇ gʼaˬ jawˇ gaˇ iˇ-euˬ meh. Zaˬ miˬ zaˬ kʼoeˇ gʼaˬ-ahˇ aˬ yawꞈ ehˇ nehˬ-eu, “Aˬ joˆ-ehˇ pyeuꞈ laˇ-eu lehˇ gʼeh-eu gaˇ kawˆ, ngaˬ-euˬ dah zaˇ yaw sahˇ deuˬ-ahˇ tiˬ poˆ naˇ haˬ haw nehˬ laꞈ sheˇ. Ngaˬ neh tsawˇ myahˇ kuˇ-euˬ tsawˇ haˬ heu gʼaˬ-euˬ yaw sahˇ-ahˇ tiˬ poˆ kuˇ nehˬ laꞈ sheˇ.”

1 Saˬmeuˬlaˆ 28:9

Zaˬ miˬ zaˬ kʼoeˇ gʼaˬ ehˇ-eu, “Sahˬ paˬ Sawˇluˆ aˬ joˆ-ehˇ jahˇ-eu gaˇ kawˆ nawˇ siˬ nya-eu maˬ ngeuˇ te loˇ. Nyiˇ paˬ shaˆ ma dawˬ tawˆ luꞈ-ahˇ, Iˇsaˬleˬlaˆ miˇ kʼahˬ laꞈ kʼoeˇ neh aˬ yawꞈ teh dzeh jiˇ-euˬ maˬ ngeuˇ-a loˇ. Toˆ-ehˇ ngeuˇ-eu jeˬ maˇ-iˬ, ngaˇ ya shiˇ ni nawˇ ngaˬ-ahˇ aˬ jeˬ miˇ neh teu loꞈ-ehˇ muˇ juˇ juˇ te.”