Dawˬmehˬ 17:9 - Akha

⁹ Leˬbiˇ tsawˇ jeuˬ piˇ ma deuˬ hawˇ-eu, kʼoeˇ gaˇ jawˇ luꞈ-eu yaˇ kʼaˬ daˇ-eu deuˬ-ahˇ, gaˇ kʼoeˇ a nehˬ-awˇ, bi daˇ tsehˆ-awˬ.

Dawˬmehˬ 17:9 ပူးပေါင်းရင်းမြစ်များ

1 Laˬsaˬbaˬ 26:29

Iˇzaˬhaˬ-euˬ zaˬ deuˬ uˆ deuˬ laꞈ kʼoeˇ, Sheˬnaˬniˇyaˆ hawˇ-eu aˬ yawꞈ-euˬ aˬ li deuˬ-aˬ, jaˇ laˇ boꞈ-eu paw hawˇ-eu, Iˇsaˬleˬlaˆ tsawˇ haˬ yaw kaˬ dawˬ ja doˆ laˇ ngeh ya laˆ tsaˬ nehˬ-eu gaˇ pyeuꞈ-eu, uˆ lahˇ-eu paw taꞈ leˇ-eu saˇ naˇ gaˇ ya mˇ-eu meh.

Doˆ-iˇ 18:16

Tsawˇ haˬ nyiˬ gʼaˬ yaw kaˬ dawˬ ja kʼaˇ doˆ laˇ ngeh, aˬ yawꞈ nyaꞈ laꞈ kʼoeˇ aˬ geu gʼaˬ tsaˬ-eu nga lehˇ yaˇ kʼaˬ daˇ nehˬ-awˇ, Miˬyehˇ-euˬ zahˇ dawˬ kʼoꞈ dawˬ deuˬ aˬ yawꞈ nyaꞈ-ahˇ ngaˇ mehˬ nehˬ-euˬ ma.”

Doˆ-iˇ 22:8

Ehˇ kʼawꞈ, smˇ kʼoeˬ maˬ nyehꞈ mi nya naˇ, pyuˇ shuiˇ myawˬ gahˬ jeˬ hmˬ nehˬ-euˬ gʼaˬ-ahˇ, uˬ duˬ tahˬ-eu jawˇ duˬ-ahˇ sheuˬ gʼeh-awˇ, aˬ cawˬ-euˬ myawˬ aˬ yawꞈ maˬ kʼoeˬ-aˬ lehˇ, kʼoeˇ gaˇ ya bi kamˬ meh.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

Haˬgaiˇ 2:11

Sahˬpaˬ Miˬyehˇ ehˇ-eu, “Piˇ ma deuˬ-ahˇ dawˬ heu dawˬ naˇ haˬ-awˇ bi shaˇ noeˬ-awˬ.

Zaˬkaˬliˇ 3:7

“Baoˬ huiˬ-eu Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. Ngaˬ-euˬ zahˇ dawˬ kʼoꞈ dawˬ mehˬ nah nawˇ caw teh-awˇ, ngaˬ neh bi mˇ-euˬ gaˇ deuˬ- ahˇ nawˇ mˇ naˇ, ngaˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ-euˬ lahˇ laꞈ kʼoeˇ jaˆ-eu muiˬ-eu gaˇ deuˬ-ahˇ nawˇ ya haw ya pyaˆ-awˇ, ngaˬ-euˬ mehˬ shi jawˇ-eu mˬ taˆ gʼaˬ kʼehˇ deuˬ-euˬ shaˇ dawˬ-ahˇ ngaˇ naˇ haˬ nehˬ-euˬ loꞈ-ehˇ, nawˬ-euˬ shaˇ dawˬ-ahˇ kʼawꞈ ngaˇ naˇ haˬ nehˬ ma.

Zaˬkaˬliˇ 7:3

piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ heu loꞈ-ehˇ bi naˇ haˬ laˇ-euˬ meh. “Dzeuˇ laˇ ngeh nga maꞈ neh gʼawˬ mya kʼoꞈ gʼawˬ mya la mˇ dzeuˇ yaꞈ-euˬ loꞈ-ehˇ, Uˬ duˬ tahˬ nymˇ nymˇ ma cawˆ-iˇ-euˬ gaˇ noeˬ keuˆ -awˇ, ba la ngaˬ siˬ tiˬ siˬ-ahˇ maˬ dzaˬ-eu zahˇ jahˇ-awˇ tsawˇ ngoeˇ ngoeˇ-eu jeˬ paˇ mˇ daˆ leꞈ-awˬ loˇ.”

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.

Dawˬmehˬ 17:10

Aˬ yawꞈ maꞈ neh bi daˇ tsehˆ-awˇ, aˬ yawꞈ maꞈ kʼaˇ ehˇ-eu loꞈ-ehˇ maˬ bi lehˬ-iˇ ni mˇ-awˬ.

Dawˬmehˬ 21:5

Leˬbiˇ tsawˇ haˬ piˇ ma deuˬ kʼawꞈ kʼoeˇ gaˇ ya iˇ meh. Aˬ jeˬ miˇ neh ehˇ naˇ, tsawˇ haˬ-ahˇ diˬ-eu sehꞈ-eu gaˇ kʼaˇ taꞈ leˇ-eu gaˇ kawˆ yawˬ jeˬ na luꞈ-ahˇ, aˬ yawꞈ maꞈ yaˇ kʼaˬ ya daˇ nehˬ meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ bi mˇ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ dawˬ bi ngehˬ gʼeh-eu gʼaˇ duˬ maˬ ehˇ, aˬ yawꞈ maꞈ-ahˇ aˬ yawꞈ neh tseˇ doˆ taˬ-euˬ meh.

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.

Dawˬmehˬ 33:10

Nawˬ-euˬ Zahˇ dawˬ kʼoꞈ dawˬ mehˬ nah, nawˬ-euˬ zaˬ deuˬ bi caw teh ni, yawꞈ maꞈ mehˬnehˬ tsoˆnehˬ tehꞈ-a. Yawꞈ maꞈ nawˬ-euˬ lawˇ duˬ kʼoeˇ taˆ, lawˇ-eu shehˇ-eu jeˬ mˇ tehꞈ-a.