Dawˬmehˬ 17:20 - Akha

²⁰ Kʼoeˇ loꞈ-ehˇ gui naˇ, “Ngaˇ-aˬ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ naˆ maˬ tseˇ huiˬ dzehˬ ma’ lehˇ aˬ yawꞈ maˬ noeˬ-ehˇ, Sahˬpaˬ Miˬyehˇ -euˬ zahˇ dawˬ kʼoꞈ dawˬ-ahˇ tiˬ jeˬ gʼeh-awˇ neh-iˬ maˬ puiˬ ni dehꞈ tehꞈ-a. Kʼoeˇ naˇ, aˬ yawꞈ gʼawˬ mya kʼoꞈ keuˆ ni sahˬ paˬ geuꞈ-awˇ ya uˆ lahˇ tehꞈ-a. Aˬ yawꞈ-euˬ zaˬ deuˬ uˆ deuˬ kʼawꞈ, gʼawˬ mya ziˇ keuˆ ni Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a.

Dawˬmehˬ 17:20 ပူးပေါင်းရင်းမြစ်များ

2 Saˬmeuˬlaˆ 22:23

Aˬ yawꞈ-euˬ zahˇ sahˇ kʼoꞈ dawˬ tawˆ, ngaˬ-euˬ mehˬ shi ngaˇ haw geuꞈ-awˇ, aˬ yawꞈ neh mehˬ-euˬ tsoˆ-euˬ dawˬ, maˬ byehˇ dzeh ni ngaˇ mˇ luꞈ ma.

1 Sahˬpaˬ 11:34

Ehˇ kʼawꞈ, miˇ kʼahˬ kʼahˬ lah ni Sawˇlaˬmoˬ-euˬ laꞈ-ahˇ neh ngaˇ maˬ yuˇ doˆ-ehˇ, aˬ yawꞈ yaw dehꞈ kʼaˇ dehꞈ kʼoeˇ keuˆ ni, aˬ yawꞈ-ahˇ ngaˇ baoˬ biꞈ nehˬ ma. Ngaˬ neh tseˇ doˆ-euˬ gʼaˬ pyeuꞈ-eu, ngaˬ-euˬ zahˇ dawˬ kʼoꞈ dawˬ mehˬ nah caw teh-awˇ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ-euˬ ngaˬ-euˬ zaˬ kʼaˆ Daˬbiˇ baˬ da neh, aˬ yawꞈ-ahˇ ngaˇ kʼoeˇ loꞈ-ehˇ gʼawˬ shaˬ gaˬ nehˬ-eu ma.

1 Sahˬpaˬ 11:36

Ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ laꞈ kʼoeˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ aˬ myah luꞈ maˬ tsehˆ leˇ ni ya uˆ lahˇ-eu gʼaˇ duˬ, Sawˇlaˬmoˬ-euˬ aˬ li-ahˇ tsawˇ jeuˬ tiˬ jeuˬ ngaˇ biꞈ ma.

1 Sahˬpaˬ 15:3

Aˬ yawꞈ-euˬ aˬ da neh mˇ-euˬ iˬ baˇ deuˬ aˬ yawꞈ mˇ poˆ poˆ-awˇ, aˬ yawꞈ-euˬ aˬ bawˇ Daˬbiˇ aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ tiˬ byah tiˬ loꞈ saˇ jaˇ maˬ ziꞈ-a.

1 Sahˬpaˬ 15:5

Heˬtaˆ tsawˇ jeuˬ Uˇliˇyaˆ-ahˇ taꞈ leˇ-eu gaˇ kawˆ kʼoeˇ hmˬ maˬ ngeuˇ naˇ, Sahˬpaˬ Miˬyehˇ-euˬ ehˇ dawˬ-ahˇ Daˬbiˇ maˬ naˇ haˬ-euˬ maˬ jaˆ ni, aˬ yawꞈ nui ma tsaˬ-eu jeˬ-ahˇ Daˬbiˇ mˇ-euˬ miˇ neh, Leˬhawˇbamˬ-ahˇ Sahˬpaˬ Miˬyehˇ kʼoeˇ loꞈ-ehˇ jahˇ nehˬ-euˬ meh.

1 Sahˬpaˬ 2:3

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ bi mˇ laꞈ-euˬ jeˬ-ahˇ nawˇ mˇ-awˬ. Nawˇ kʼaˇ iˇ kʼaˇ laˇ kʼaˇ mˇ kʼaˇ shaˇ-eu jeˬ laꞈ kʼoeˇ guiˬ lahˬ baw ni, Moˇseˬ-euˬ zahˇ dawˬ kʼoꞈ dawˬ laꞈ kʼoeˇ boꞈ ahˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ deuˬ hawˇ-eu, aˬ yawꞈ neh bi mˇ bi shaˇ-euˬ jeˬ dawˬ tawˆ luꞈ-ahˇ naˇ haˬ geuꞈ-awˇ mˇ-awˬ.

2 Sahˬpaˬ 10:30

Yeˬhuˇ-ahˇ Sahˬpaˬ Miˬyehˇ ehˇ nehˬ-eu, “Aˬhaˆ-euˬ zaˬ deuˬ uˆ deuˬ-ahˇ ngaˬ neh kʼaˇ bi jahˇ mawꞈ-euˬ yawˬ jeˬ na luꞈ, nawˇ jahˇ nehˬ gʼaˬ-euˬ meh. Kʼoeˇ miˇ neh, nawˬ-euˬ zaˬ nawˬ-euˬ uˆ deuˬ oeˬ ziˇ keuˆ ni Iˇsaˬleˬlaˆ miˇ kʼahˬ-ahˇ sahˬ paˬ ya geuꞈ tehꞈ-a lehˇ, nawˬ-ahˇ ngaˇ saˇ jaˇ dzaˬ-eu ma.”

2 Sahˬpaˬ 14:10

Aˬmaˬziˇ-oˇ, Eˬdoˬ tsawˇ haˬ-ahˇ nawˇ guiˇ deuˆ gʼaˬ-euˬ miˇ neh, maˬ gaˇ ma lehˇ noeˬ-awˇ nui ma huiˬ luꞈ-eu nga laˬ. Nawˇ teu naˆ ni tsawˇ myahˇ doˆ-eu-aˬ, nui kʼahˇ shiˇ-awˇ iˇ kahˇ-ahˇ ciˬ cuˇ ni jawˇ-awˬ. Nawˇ hawˇ-eu nawˬ-euˬ miˇ kʼahˬ zaˬ deuˬ kʼoeˇ taˆ yaw cawˆ jeˬ keuˆ le ni, aˬ jeˬ gʼeh-eu leh jeh te.”

2 Laˬsaˬbaˬ 25:19

Aˬmaˬziˇ-oˇ, nymˬ-mˇ nawˇ Eˬdoˬ tsawˇ haˬ deuˬ-ahˇ deuˆ gʼaˬ-euˬ miˇ neh, nui ma yaw kʼaˆ-ehˇ huiˬ luꞈ-eu nga laˬ. Ehˇ kʼawꞈ, ciˬ cuˇ ni iˇ kahˇ-ahˇ jawˇ-awˬ lehˇ ngaˇ nawˬ-ahˇ ehˇ mawꞈ miˇ-a. Nawˇ hawˇ-eu nawˬ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ keuˆ le ni nawˇ aˬ jeˬ gʼeh leh jeh mawꞈ-eu nya.”

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

2 Laˬsaˬbaˬ 33:12

Aˬ yawꞈ kʼoeˇ loꞈ-ehˇ ya daˬ ngeh, nui ma nahˬ laˇ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw noeˬ pyawˇ kʼoꞈ laˇ-awˇ, caw ba nehˬ laꞈ-awˬ lehˇ shaˇ-euˬ meh.

2 Laˬsaˬbaˬ 33:19

Aˬ yawꞈ-euˬ guiˬ lahˬ shaˇ dawˬ-ahˇ Miˬyehˇ naˇ haˬ geuꞈ nehˬ-euˬ gaˇ kawˆ maˬ ehˇ, aˬ yawꞈ iˬ baˇ maˬ noeˬ poˆ mi naˆ-ehˇ yaw haiˬ jeˬ mˇ-euˬ gaˇ kawˆ, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ tsoˆ-euˬ gaˇ kawˆ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ tehˆ-euˬ gaˇ kawˆ hawˇ-eu, tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-euˬ gaˇ kawˆ heu deuˬ dawˬ tawˆ luꞈ maˬ ehˇ, Miˬyehˇ gʼaˇ duˬ ngehˬ dah-eu deuˬ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh.

2 Laˬsaˬbaˬ 33:23

Ehˇ kʼawꞈ, aˬ yawꞈ-euˬ aˬ da loꞈ-ehˇ aˬ yawꞈ nui ma maˬ nahˬ laˇ-ehˇ, Sahˬpaˬ Miˬyehˇ jawˇ paw maˬ gʼoꞈ kʼoꞈ laˇ ni, aˬ da gʼaˬ naˆ maˬ tseˇ iˬ baˇ mˇ dui dui-euˬ meh.

2 Laˬsaˬbaˬ 34:27

Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-awˇ ngoeˇ-eu laꞈ kʼoeˇ, ngaˬ-euˬ mehˬ shi nawˇ nui ma nahˬ yu ni taˬ-euˬ meh. Nawˬ-euˬ shaˇ dawˬ-ahˇ ngaˇ ya gaˬ gʼaˬ-euˬ ma.

Jaceuq 119:102

Nawˬ-euˬ gʼawˇ mawˇ ngaˬ-ahˇ mehˬ nehˬ tsoˆ nehˬ laꞈ-euˬ miˇ neh, nawˬ neh mehˬ-euˬ dawˬ-ahˇ ngaˇ maˬ byehˇ dzeh.

Jaceuq 132:12

Nawˬ li deuˬ ngaˬ-euˬ dawˬ ma saˇ jaˇ-ahˇ ziꞈ-awˇ, ngaˬ-euˬ zahˇ sahˇ kʼoꞈ-ahˇ caw teh naˇ, aˬ yawꞈ maꞈ-euˬ aˬ li deuˬ ziˇ keuˆ ni sahˬ paꞈ geuꞈ-awˇ, nawˬ-euˬ dzoeˬ dzaˬ aˬ myah luꞈ oꞈ tehꞈ-a.

Jaceuq 19:11

Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

Dawqdaq 10:27

Sahˬpaˬ Miˬyehˇ-ahˇ guˆ-eu tsawˇ haˬ ziˇ baw-awˇ, haiˬ-eu tsawˇ haˬ deuˬ ziˇ maˬ ya dehꞈ jiˇ-a.

Dawqdaq 27:24

Aˬ jeˬ miˇ neh ehˇ naˇ, pyuˇ shuiˇ myawˬ gahˬ aˬ myah luꞈ maˬ gmˬ-ehˇ, miˇ kʼahˬ kʼawꞈ aˬ myah luꞈ maˬ ziꞈ-a.

Dawˬ tsoˆ 8:13

Ehˇ kʼawꞈ, haiˬ-eu tsawˇ haˬ deuˬ ya shaˬ ya zahˬ tehꞈ-a. Aˬ yawꞈ maꞈ Miˬyehˇ ehˇ dawˬ maˬ naˇ haˬ-eu miˇ neh, dehꞈ ziˇ maˬ shehˇ-ehˇ, naˇ shmˇ shmˇ-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ byoˆ-iˇ tehꞈ-a.”

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

2 Gawˇliˬtu 12:7

Yaw sahˇ laꞈ kʼoeˇ pah mehˬ nehˬ laꞈ-euˬ gʼawˬ mya jeˬ-ahˇ ngaˇ ya mawˇ-euˬ baˬ da neh, ngaˇ nui ma maˬ ya huiˬ maˬ ya mahˇ ni, ngaˬ-euˬ shiˬ shaˬ jiˇ gʼawˇ mawˇ-ahˇ daˇ ceh tsawˆ ahˇ nehˬ laꞈ-euˬ meh. Kʼoeˇ-aˬ, ngaˇ nui ma maˬ ya huiˬ maˬ ya mahˇ ni nehꞈ Saˬdaˬ-euˬ gʼaˬ kʼehˇ neh ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ pyeuꞈ-eu meh.

Dawˬmehˬ 12:25

Zahˇ dawˬ kʼoꞈ dawˬ heu dawˬ-ahˇ naw maꞈ naˇ haˬ geuꞈ naˇ, Sahˬpaˬ Miˬyehˇ nui ma tsaˬ-awˇ, naw maꞈ hawˇ-eu naw maꞈ-euˬ zaˬ deuˬ yaw muiˬ paˬ-ehˇ ya dehꞈ dzaˬ tehꞈ-a.

Dawˬmehˬ 12:28

Naw maꞈ hawˇ-eu naw maꞈ-euˬ zaˬ deuˬ uˆ deuˬ ehˇ kʼaˇ maˬ za ni yaw muiˬ paˬ-ehˇ ya dehꞈ dzaˬ-eu gʼaˇ duˬ, ngaˬ neh naw maꞈ-ahˇ dawˬ kʼaˇ biꞈ-euˬ yawˬ jeˬ na luꞈ-ahˇ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ jeˬ hawˇ-eu, Sahˬpaˬ Miˬyehˇ nui ma tsaˬ-eu jeˬ-ahˇ naw maꞈ ya mˇ-eu meh.

Dawˬmehˬ 12:32

“Ngaˬ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ naw maꞈ mˇ-awˬ. Dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a.

Dawˬmehˬ 17:11

Aˬ yawꞈ maꞈ neh daˇ tsehˆ nehˬ laꞈ-euˬ gaˇ juˬ-awˇ, aˬ yawꞈ maꞈ neh kʼaˇ mehˬ kʼaˇ tsoˆ laꞈ-euˬ loꞈ-ehˇ, tiˬ dawˬ-iˬ maˬ bi lehˬ-iˇ ni caw teh-awˬ.

Dawˬmehˬ 4:2

Ngaˬ neh naw maꞈ-ahˇ dawˬ biꞈ taˬ-eu gaˇ, dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a. Ngaˬ neh naw maꞈ-ahˇ biꞈ taˬ-euˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, naw maꞈ naˇ haˬ geuꞈ-awˬ.

Dawˬmehˬ 5:32

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ maˬ ngehˇ ni mˇ-awˬ. Aˬ yawꞈ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni tiˬ dawˬ-iˬ taˬ byehˇ.

Dawˬmehˬ 8:2

Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

1 Saˬmeuˬlaˆ 10:25

Sahˬ paˬ tiˬ gʼaˬ mˇ nya-eu jeˬ hawˇ-eu mˇ paˬ-ehˇ gʼeh-eu jeˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ Saˬmeuˬlaˆ yaw muiˬ paˬ-ehˇ mehˬ nehˬ-euˬ meh. Gaˇ kawˆ kʼoeˇ deuˬ sahˬ boꞈ laꞈ kʼoeˇ boꞈ ahˇ taˬ-awˇ, muiˬ-eu shawˇ-eu jawˇ duˬ-ahˇ bi jaˆ-euˬ meh. Kʼoeˇ naˇ, aˬ yawꞈ maꞈ yawˬ gʼaˬ na luꞈ-ahˇ bi gʼoꞈ-iˇ-euˬ meh.

1 Saˬmeuˬlaˆ 15:23

Aˬ yawꞈ-ahˇ puiˬ-eu jeˬ-aˬ, jaˬ nehꞈ pyehˬ-eu naˆ ni doeˇ-awˇ, nui ma gʼahˇ-eu jeˬ-aˬ, miˬ yehˇ nui gʼaˬ-ahˇ uˬ duˬ tahˬ-eu naˆ ni iˬ baˇ huiˬ-eu meh. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ sahˬ paˬ lehˇ maˬ paˇ sawˇ nehˬ ni, aˬ yawꞈ gʼeh nawˬ-ahˇ byehˇ dzeh-euˬ meh.”