Dawˬmehˬ 16:16 - Akha

¹⁶ “Baˬsaˬkaˬ Bawˬ-iˬ, Cehˇ laˆ luiˆ-eu Bawˬ-iˬ hawˇ-eu, Sehˬ gʼawˆ-euˬ Bawˬ-iˬ heu smˇ hmˬ laꞈ kʼoeˇ, tiˬ kʼoꞈ smˬ poˆ, naw maꞈ tsawˇ haˬ kʼaˬ dzeˇ zaˬ dawˬ tawˆ luꞈ Sahˬpaˬ Miˬyehˇ-ahˇ uˬ duˬ ya tahˬ laˇ meh. Aˬ yawꞈ gʼaˬ yawꞈ, yawꞈ ngehꞈ-ehˇ maˬ laˇ ni, laꞈ sawˬ ya yuˇ laꞈ meh.

Dawˬmehˬ 16:16 ပူးပေါင်းရင်းမြစ်များ

1 Sahˬpaˬ 9:25

Sawˇlaˬmoˬ-aˬ, aˬ yawꞈ neh Sahˬpaˬ Miˬyehˇ gʼaˇ duˬ tsoˆ taˬ-euˬ lawˇ duˬ kʼoeˇ taˆ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ, tiˬ kʼoꞈ smˬ poˆ lawˇ-euˬ meh. Tsiˇ yaw saw jeˬ kʼawꞈ aˬ yawꞈ doꞈ-awˇ, Sahˬpaˬ Miˬyehˇ-ahˇ damˬ nehˬ-euˬ meh. Kʼoeˇ naˇ, Uˬ duˬ tahˬ nymˇ nymˇ ma tsoˆ-eu gaˇ kʼoeˇ hmˬ aˬ yawꞈ mˇ gʼaˬ-euˬ meh.

2 Laˬsaˬbaˬ 8:13

Jawˇ nah ngeh nah maˬ ehˇ, la shuiꞈ lah-eu bawˬ-iˬ jahˇ ngeh nah maˬ ehˇ, tiˬ kʼoꞈ laꞈ kʼoeˇ keuˆ le-eu bawˬ-iˬ smˇ bawˬ-iˬ pyeuꞈ-eu, Dehˬ tseˬ maˬ ahˇ-eu kaˬ muˇ dzaˬ-eu Bawˬ-iˬ gʼeh-eu aˇ nah, Cehˇ laˆ luiˆ-eu Bawˬ-iˬ gʼeh-eu aˇ nah , Sehˬ gʼawˆ-euˬ Bawˬ-iˬ gʼeh-eu aˇ nah heu deuˬ-ahˇ maˬ ehˇ, muiˬ-eu shawˇ-eu aˇ nah yawˬ nah na luꞈ laꞈ kʼoeˇ, Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ ehˇ taˬ-euˬ loꞈ-ehˇ, miˬ dzaˬ dzah puiˆ-awˇ lawˇ-eu jeˬ aˬ yawꞈ lawˇ-euˬ meh.

Eˇzaˬlaˬ 3:1

Ba la shiꞈ siˬ tiˬ siˬ keuˆ laˇ ngeh, Iˇsaˬleˬlaˆ tsawˇ haˬ dawˬ tawˆ luꞈ yawˬ ha-euˬ meuˬ-ahˇ jawˇ duˬ dah gʼaˬ jiˇ-euˬ meh. Kʼoeˇ naˇ, aˬ yawꞈ maꞈ dawˬ tawˆ luꞈ Yeˬluˇsaˬlehˬ meuˬ-ahˇ uiˬ leˇ-euˬ meh.

Neˬhaˬmiˇ 8:15

Kʼoeˇ miˇ neh, zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ sehˬ gʼawˆ gʼawˆ-eu gʼaˇ duˬ, gawˬ jawˬ-ahˇ daˆ leˇ-awˇ miˬ shuˬ uˬ laꞈ, saˬ loˬ aˇ bawˇ uˬ laꞈ, meuˬ laˬ tuˇ uˬ laꞈ hawˇ-eu daoˇ uˬ laꞈ deuˬ deuˆ laˬ leˇ-awˬ lehˇ, Yeˬluˇsaˬlehˬ meuˬ hawˇ-eu meuˬ yawˬ meuˬ na luꞈ doe ni bi tsaꞈ gaˬ-iˇ-euˬ meh.

Jaceuq 122:4

Sahˬpaˬ Miˬyehˇ-euˬ tsawˇ jeuˬ pyeuꞈ-eu, Iˇsaˬleˬlaˆ tsawˇ jeuˬ tsawˇ ca deuˬ heu gaˇ laˇ-awˇ, Sahˬpaˬ Miˬyehˇ neh ehˇ taˬ-euˬ dawˬ-ahˇ tsaˬ ni, aˬ yawꞈ-ahˇ ja ceuˬ laˇ-eu meh.

Jaceuq 84:7

Aˬ yawꞈ maꞈ mehˬ hu paw le ngeh gʼaˬ ahˇ dzehˬ laˇ-awˇ, miˬyehˇ dawˬ tawˆ luꞈ-euˬ Miˬyehˇ-ahˇ, Ziˇoˬ gawˬ jawˬ kʼoeˇ taˆ aˬ yawꞈ maꞈ ya tahˬ puˬ tehꞈ-a.

Jaceuq 84:8

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, ngaˬ-euˬ shaˇ dawˬ-ahˇ naˇ haˬ nehˬ laꞈ. Yaˬkoˆ-euˬ Miˬyehˇ-oˇ, naˬ bawˇ ciˬ kʼmˇ nehˬ laꞈ.

Jaceuq 96:8

Yaw shehꞈ kʼahˬ sehˇ huiˬ-eu Sahˬpaˬ Miˬyehˇ-euˬ tsawˇ myahˇ-ahˇ ja ceuˬ-awˬ. Damˬ nehˬ-eu jeˬ yuˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ laˇ-awˬ.

Doˆ-iˇ 34:20

Ehˇ kʼawꞈ, dehꞈ beh beh le-euˬ mahˬ tahˬ laˆ-ahˇ, yawˇ zaˬ lawˇ dah nehˬ-awˇ, naw maꞈ zeuˇ kʼoꞈ geuꞈ nya meh. Kʼoeˇ loꞈ-ehˇ maˬ zeuˇ kʼoꞈ geuꞈ naˇ, mahˬ tahˬ laˆ-euˬ kawˬ lahˇ ngawˬ kʼehꞈ dzeh-awˬ. Dehꞈ beh beh le-euˬ aˬ li yawˬ gʼaˬ na luꞈ-ahˇ zeuˇ kʼoꞈ geuꞈ-awˬ. “Ngaˬ-ahˇ lawˇ nehˬ-eu jeˬ tiˬ jeˬ-iˬ maˬ ahˇ ni, tsawˇ haˬ tiˬ gʼaˬ-iˬ ngaˬ-euˬ dawˬ peh maˬ ya laˇ-a.

Doˆ-iˇ 34:24

Naw maꞈ-ahˇ muiˇ-eu tsawˇ haˬ deuˬ-ahˇ, naw maꞈ-euˬ mehˬ shi ngaˇ teh doˆ-awˇ, naw maꞈ jawˇ duˬ miˇ kʼahˬ jeˇ laˇ gʼaˬ ngeh, bawˬ-iˬ heu smˇ hmˬ gʼeh-eu aˇ yamˬ laꞈ kʼoeˇ, tsawˇ haˬ tiˬ gʼaˬ-iˬ naw maꞈ-euˬ miˇ kʼahˬ-ahˇ maˬ paˇ ceh geuꞈ laˇ meh.

Iˇsaˬyaˇ 23:18

Aˬ yawꞈ neh gaꞈ za-euˬ pyuˇ deuˬ Sahˬpaˬ Miˬyehˇ-ahˇ damˬ nehˬ tehꞈ-a. Pyuˇ kʼoeˇ deuˬ-ahˇ nui gaˇ maˬ paˇ jeˬ hmˬ-ehˇ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ gʼaˇ duˬ, dzaˬ dzaˬ dawˇ dawˇ hawˇ-eu dm gʼaˬ dm lmˇ zeuˇ gaˇ zmˬ tehꞈ-a.

Iˇsaˬyaˇ 33:20

Aˬ dui uˬ duˬ tahˬ-eu zahˇ sahˇ kʼoꞈ bawˬ-iˬ gʼeh-euˬ, Ziˇoˬ meuˬ-ahˇ haw sheˇ. Yeˬluˇsaˬlehˬ meuˬ-ahˇ haw gʼeh-iˬ sheˇ. Aˇ naˆ ni nui saˇ oꞈ-eu jawˇ duˬ pyeuꞈ-eu nga. Daˇtaꞈ tiˬ jawˇ-iˬ maˬ gʼeu lehˆ doˆ-ehˇ, aˇ caˆ tsehˆ-iˇ-euˬ maˬ baw-eu, jawˇ zaˇ maˬ paˇ-eu sehˬ gʼawˆ-ahˇ duˇ leˇ-eu meh.

Yeˬsaˬgeˬlaˇ 36:38

Aˇ hu Yeˬluˇsaˬlehˬ meuˬ bawˬ-iˬ gʼeh ngeh, lawˇ-eu shehˇ-eu gʼaˇ duˬ yawˇ tiˬ teuˇ teh uiˬ taˬ-euˬ loꞈ-ehˇ, nymˬ-mˇ cawˆ-iˇ taˬ-euˬ meuˬ heu deuˬ tsawˇ haˬ tiˬ teuˇ jawˇ laˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ tehꞈ-a.”

Uˬ duˬ 23:34

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ba la shiꞈ siˬ tiˬ siˬ tseˇ ngaˬ nah-ahˇ, Sehˬ gʼawˆ-euˬ Bawˬ-iˬ aˇ dahˬ beh-awˇ, shiꞈ nah keuˆ ni bawˬ-iˬ ya gʼeh meh.

Haˬgaiˇ 1:9

“Naw maꞈ cehˇ gʼawˬ mya ni mˇ za ma lehˇ noeˬ kʼawꞈ, ui cuiˆ tehꞈ-ehˇ za le-eu meh. Naw maꞈ cehˇ pi kʼoꞈ leꞈ ngeh, ngaˇ baw dzeh-euˬ ma. Aˬ jeˬ miˇ neh ngaˇ kʼoeˇ loꞈ-ehˇ jahˇ-euˬ nga lehˇ duˇ-eu nya. Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ ngeh, naw maꞈ yawˬ ha-euˬ nymˇ laꞈ kʼoeˇ gaˇ myaˬ luꞈ-eu miˇ neh, ngaˇ kʼoeˇ loꞈ-ehˇ jahˇ-euˬ ma.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Maˬkuˆ 12:3

Yaˇ kmˇ mˇ paˆ paˆ-eu deuˬ neh zaˬ kʼaˆ kʼoeˇ gʼaˬ-ahˇ nyehꞈ-awˇ diˬ-awˇ, tiˬ jeˬ-iˬ maˬ biꞈ ni bi gʼoꞈ leˇ-euˬ meh.

Yoˇhaˬ 7:2

Sehˬ gʼawˆ-euˬ Bawˬ-iˬ gʼeh-eu aˇ yamˬ peh laˇ-euˬ meh.

Dawˬmehˬ 16:15

Uˬ duˬ tahˬ-eu jawˇ duˬ kʼoeˇ tsahˇ-ahˇ shiꞈ nah keuˆ ni bawˬ-iˬ gʼeh-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-awˬ. Nawˇ cehˇ laˆ luiˆ-eu laꞈ kʼoeˇ maˬ ehˇ, nawˬ neh mˇ-euˬ gaˇ-ahˇ maˬ ehˇ, Sahˬpaˬ Miˬyehˇ guiˬ lahˬ biꞈ nehˬ laꞈ-euˬ miˇ neh, laˬ kʼaˬ cehˇ-awˬ.

Dawˬmehˬ 16:17

Aˬ yawꞈ gʼaˬ yawꞈ, yawˬ ha-ahˇ Sahˬpaˬ Miˬyehˇ neh guiˬ lahˬ biꞈ laꞈ-euˬ loꞈ-ehˇ geuˇ ni, laꞈ sawˬ ya yuˇ laꞈ meh.

Dawˬmehˬ 31:11

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ-ahˇ Iˇsaˬleˬlaˆ tsawˇ haˬ deuˬ uˬ duˬ tahˬ laˇ ngeh, zahˇ dawˬ kʼoꞈ dawˬ heu gui mehˬ nehˬ-awˬ.

1 Saˬmeuˬlaˆ 1:3

Peˬniˇnaˬ gʼaˬ zaˬ jawˇ le kʼawꞈ, Haˬnahˬ gʼaˬ zaˬ maˬ jawˇ le-a. Eˇlaˬkaˬnaˬ-aˬ, aˬ yawꞈ kʼoꞈ yawꞈ Laˬmahˇ meuˬ-ahˇ neh Shiˇloˬ meuˬ-ahˇ le-awˇ, Sahˬpaˬ Miˬyehˇ-ahˇ uˬ duˬ tahˬ-awˇ lawˇ-eu shehˇ-eu meh. Hawˇpaˬniˇ hawˇ-eu Piˇnaˬhaˇ lehˇ myahˇ-euˬ Eˇliˆ-euˬ aˬ li nyiˬ li, Shiˇloˬ meuˬ-ahˇ piˇ ma geuꞈ luꞈ-eu meh.

1 Saˬmeuˬlaˆ 6:3

Aˬ yawꞈ maꞈ ehˇ-eu, “Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ naw maꞈ sha ha kʼoꞈ leˇ mawꞈ naˇ, naw maꞈ-euˬ iˬ baˇ gʼaˇ duˬ damˬ nehˬ-eu tiˬ jeˬ paˬ nehˬ-ehˇ ya sha ha kʼoꞈ nehˬ leˇ tehꞈ-a. Damˬ-eu tiˬ jeˬ paˬ maˬ ahˇ-ehˇ, Dawˬ ma saˇ jaˇ Bahˬ keuˆ tehꞈ-ehˇ maˬ sha ha kʼoꞈ leˇ kʼmˬ-aˇ. Damˬ-eu tiˬ jeˬ paˬ nehˬ-ehˇ sha ha kʼoꞈ nehˬ leˇ naˇ, naw maꞈ naˇ gawˇ taˬ leˇ-awˇ, aˬ jeˬ baˬ da neh aˬ yawꞈ naw maꞈ-ahˇ kʼehˬ luꞈ-eu gaˇ kawˆ naw maꞈ ya siˬ tehꞈ-a.”