Dawˬmehˬ 16:14 - Akha

¹⁴ Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ nehˬ-ehˇ, bawˬ-iˬ heu hmˬ gʼeh-eu laꞈ kʼoeˇ laˬ kʼaˬ cehˇ-awˬ.

Dawˬmehˬ 16:14 ပူးပေါင်းရင်းမြစ်များ

Iˇsaˬtaˆ 9:22

Aˇ nah kʼoeˇ nyiˬ nah-ahˇ Yuˇdaˆ tsawˇ haˬ deuˬ aˬ yawꞈ maꞈ-ahˇ muiˇ-eu deuˬ-euˬ laꞈ-ahˇ neh ya buˬ ya law-iˇ-awˇ, ba la kʼoeˇ siˬ laꞈ kʼoeˇ noeˬ shaˬ noeˬ zahˬ-eu aˇ yamˬ kʼoeˇ yamˬ, laˬ kʼaˬ cehˇ nui saˇ za-eu aˇ yamˬ pyeuꞈ laˇ-euˬ meh. Aˇ nah kʼoeˇ nyiˬ nah-ahˇ bawˬ-iˬ gʼeh-awˇ dzaˬ taꞈ dawˇ taꞈ-eu laꞈ kʼoeˇ, tiˬ gʼaˬ tiˇ gʼaˬ dzaˬ dzaˬ dawˇ dawˇ laꞈ sawˬ biꞈ taꞈ-awˇ, shaˬ-eu zahˬ-eu tsawˇ haˬ deuˬ-ahˇ caw ba nehˬ-awˬ lehˇ Yuˇdaˆ tsawˇ haˬ deuˬ-ahˇ ehˇ nehˬ-euˬ meh.

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Iˇsaˬyaˇ 30:29

Ehˇ kʼawꞈ, Miˬyehˇ-euˬ tsawˇ haˬ deuˬ pyeuꞈ-eu naw maꞈ deuˬ-aˬ, muiˬ-eu shawˇ-eu bawˬ-iˬ gʼeh-eu uˬ ciꞈ tiˬ miˇ loꞈ-ehˇ, laˬ kʼaˬ cehˇ-awˇ caˇ dawˬ ya caˇ tehꞈ-a. Iˇsaˬleˬlaˆ-ahˇ haw piˇ-eu gʼaˬ pyeuꞈ-eu, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ, bawˬ law baw-awˇ le-eu tsawˇ haˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Yawˇlaˆ 1:16

Nga maꞈ-ahˇ mawˇ laˇ mawˇ laˇ-ehˇ, dzaˬ la gʼo cehˇ cawˆ jiˇ-euˬ meh. Miˬyehˇ-euˬ Uˬ duˬ tahˬ nymˇ-ahˇ, laˬ kʼaˬ cehˇ-eu maˬ paˇ jaˆ meh.

Dawˬmehˬ 12:12

Naw maꞈ-euˬ zaˬ deuˬ, naw maꞈ-euˬ zaˬ kʼaˆ deuˬ hawˇ-eu, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ tiˬ kawˆ loꞈ-ehˇ, kʼoeˇ gaˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ. Leˬbiˇ tsawˇ haˬ deuˬ miˇ kʼahˬ maˬ baw-eu gaˇ noeˬ keuˆ-awˬ.

Dawˬmehˬ 14:29

Dzaˬ dzaˬ dawˇ dawˇ kʼoeˇ deuˬ-aˬ, naw maꞈ-euˬ meuˬ deuˬ-ahˇ jawˇ luꞈ-eu jeˬ biˇ maˬ baw-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ gʼaˇ duˬ meh. Aˬ yawꞈ maꞈ kʼaˇ loˬ-eu loꞈ-ehˇ, kʼoeˇ gaˇ yuˇ laꞈ tehꞈ-a. Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ guiˬ lahˬ biꞈ laꞈ ni, naw maꞈ kʼoeˇ loꞈ-ehˇ mˇ-awˬ.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawˬmehˬ 16:15

Uˬ duˬ tahˬ-eu jawˇ duˬ kʼoeˇ tsahˇ-ahˇ shiꞈ nah keuˆ ni bawˬ-iˬ gʼeh-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-awˬ. Nawˇ cehˇ laˆ luiˆ-eu laꞈ kʼoeˇ maˬ ehˇ, nawˬ neh mˇ-euˬ gaˇ-ahˇ maˬ ehˇ, Sahˬpaˬ Miˬyehˇ guiˬ lahˬ biꞈ nehˬ laꞈ-euˬ miˇ neh, laˬ kʼaˬ cehˇ-awˬ.

Dawˬmehˬ 26:11

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh, nawˇ hawˇ-eu nawˬ-euˬ miˬ sawˇ zaˬ deuˬ-ahˇ biꞈ nehˬ laꞈ-euˬ muiˬ-eu jeˬ gʼaˇ duˬ, aˬ yawꞈ-euˬ guiˬ lahˬ-ahˇ ja ceuˬ-awˬ. Nawˬ nehˬ-ehˇ jawˇ luꞈ-eu Leˬbiˇ tsawˇ haˬ deuˬ hawˇ-eu aˬ cawˬ tsawˇ jeuˬ deuˬ kʼawꞈ, bawˬ-iˬ gʼeh gaˇ laˬ kʼaˬ bi cehˇ laˇ-awˬ.

1 Teˇsaˬloˇni 5:16

Aˬ myah luꞈ laˬ kʼaˬ cehˇ-awˬ.