Dawˬmehˬ 16:10 - Akha

¹⁰ Kʼoeˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ guiˬ lahˬ kʼaˇ biꞈ nehˬ laꞈ-euˬ loꞈ-ehˇ geuˇ ni, nui ma keuˆ-awˇ lawˇ-eu jeˬ aˬ yawꞈ jawˇ gaˇ yuˇ laꞈ-awˇ, aˬ yawꞈ-ahˇ taˬ huiˬ taˬ mahˇ-eu laꞈ kʼoeˇ, Cehˇ laˆ luiˆ-eu Bawˬ-iˬ gʼeh-awˬ.

Dawˬmehˬ 16:10 ပူးပေါင်းရင်းမြစ်များ

1 Laˬsaˬbaˬ 29:14

“Ehˇ kʼawꞈ, ngaˇ hawˇ-eu ngaˬ-euˬ tsawˇ haˬ deuˬ nawˬ-ahˇ biꞈ nehˬ-eu tiˬ jeˬ-iˬ maˬ jaˆ. Aˬ jeˬ miˇ neh ehˇ naˇ, yawˬ jeˬ na luꞈ nawˬ neh biꞈ laꞈ-euˬ tehꞈ-ehˇ pyeuꞈ-awˇ, nawˬ neh biꞈ laꞈ-euˬ jeˬ nawˬ-ahˇ paˇ biꞈ kʼoꞈ nehˬ-eu tehꞈ ma.

2 Laˬsaˬbaˬ 31:14

Leˬbiˇ tsawˇ haˬ Iˇmaˬnahˬ-euˬ aˬ li pyeuꞈ-eu, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ loꞈ-eu deuˬ kʼoeˇ taˆ aˬ yuiꞈ geuꞈ luꞈ-eu Kawˇleˬ-aˬ, Sahˬpaˬ Miˬyehˇ-ahˇ damˬ nehˬ laˇ-euˬ laꞈ sawˬ kʼoeˇ deuˬ-ahˇ ha geuꞈ-awˇ biˇ nehˬ-eu paw aˬ yuiꞈ geuꞈ-awˇ haw-euˬ meh.

Doˆ-iˇ 35:29

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, nui ma keuˆ-eu Iˇsaˬleˬlaˆ tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ damˬ nehˬ laˇ-euˬ meh.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Yawˇlaˆ 2:14

Naw maꞈ Miˬyehˇ Sahˬpaˬ Miˬyehˇ nui ma noeˬ paˇ leˇ-eu baw-awˇ, naw maꞈ-ahˇ guiˬ lahˬ biꞈ nehˬ-awˇ, dzaˬ la gʼo cehˇ bi za le naˇ, aˬ gaꞈ dzaˇ uiˇ hawˇ-eu cehˇ deuˬ, aˬ yawꞈ-ahˇ naw maꞈ damˬ nya meh.

Uˬ duˬ 12:8

Zaˬ miˬ zaˬ kʼoeˇ gʼaˬ yawˇ zaˬ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ kʼaˬ guˬ nyiˬ mawˇ ya yuˇ laꞈ meh. Miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ tiˬ mawˇ lawˇ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ ya lawˇ meh. Kʼoeˇ naˇ, aˬ yawꞈ laꞈ kʼoeˇ maˬ shawˇ-eu jeˬ bi shawˇ laˇ-eu zahˇ piˇ ma gʼaˬ mˇ-awˇ, ya bi shawˇ laˇ-eu meh.

Uˬ duˬ 23:15

Sahˬpaˬ Miˬyehˇ-ahˇ damˬ nehˬ-eu gʼaˇ duˬ, naw maꞈ cehˇ cehˇ dzahˬ yuˇ laꞈ-eu jawˇ nah dzeuˇ ngeh nah-ahˇ neh aˇ dahˬ beh-awˇ, jawˇ nah shiꞈ jaw byah ni aˇ nah gui daˆ leꞈ-awˬ.

Uˬ duˬ 25:26

Ahˬ dzaˬ-euˬ miˇ tsaˬ zeuˇ kʼoꞈ paˬ-ehˇ aˬ yuiꞈ aˬ nyiˇ maˬ baw-eu tsawˇ haˬ kʼawꞈ, aˬ kaˇ smˇ muiˬ paˇ muiˬ laˇ-awˇ, zeuˇ kʼoꞈ geuꞈ nya-eu aˇ nah baw tehꞈ-a.

Uˬ duˬ 5:7

Tsawˇ haˬ tiˬ gʼaˬ na, yawˬ ha-euˬ iˬ baˇ aˇ poeˬ lawˇ kʼoꞈ nehˬ-eu gʼaˇ duˬ, yawˇ hawˇ-eu ciꞈ myehꞈ maˬ jawˇ naˇ, kʼaˬ kʼoeˬ nyiˬ mawˇ, maˬ ngeuˇ naˇ, kʼaˬ guˬ nyiˬ mawˇ yuˇ laꞈ-awˇ, iˬ baˇ shawˇ-eu lawˇ-eu jeˬ gʼaˇ duˬ tiˬ mawˇ hawˇ-eu, miˬ dzaˬ-ahˇ dzah puiˆ-awˇ lawˇ-eu jeˬ gʼaˇ duˬ tiˬ mawˇ ya lawˇ meh.

Bawˇtsahˬ 28:26

Sahˬpaˬ Miˬyehˇ-ahˇ naw maꞈ cehˇ shuiꞈ lawˇ nehˬ-eu aˇ nah pyeuꞈ-eu cehˇ laˆ luiˆ-eu bawˬ-iˬ aˇ dahˬ beh-eu nah-ahˇ, gaˇ maˬ mˇ ni tiˬ gaˇ uiˬ leˇ-awˇ uˬ duˬ ya tahˬ meh.

Bawˇtsahˬ 31:28

Guiˇ deuˆ leˇ-euˬ deuˬ-ahˇ oꞈ-eu shaˬ bymˇ laꞈ kʼoeˇ, tsawˇ haˬ ngaˬ yaˇ gʼaˬ-euˬ tiˬ gʼaˬ maˬ ehˇ, mawˇ neˇ, mahˬ tahˬ laˆ, yawˇ hawˇ-eu ciꞈ myehꞈ deuˬ kʼawꞈ, ngaˬ yaˇ mawˇ-euˬ tiˬ mawˇ maˬ ehˇ, Sahˬpaˬ Miˬyehˇ gʼaˇ duˬ kawˬ taꞈ doˆ-awˬ.

Bawˇtsahˬ 31:37

Kʼoeˇ deuˬ laꞈ kʼoeˇ, Sahˬpaˬ Miˬyehˇ gʼaˇ duˬ koꞈ yaˇ shiꞈ tseˇ ngaˬ mawˇ kawˬ doˆ nehˬ-euˬ meh.

1 Gawˇliˬtu 16:2

Tiˬ jaw laꞈ kʼoeˇ aˇ dahˬ beh-eu nah aˬ yawꞈ nah yawꞈ, naw maꞈ yawˬ gʼaˬ na luꞈ yawˬ ha neh kʼaˇ poˆ za-euˬ loꞈ-ehˇ geuˇ ni pyuˇ daˬ ui cuiˆ yuˇ doˆ-awˇ jeˬ hmˬ taˬ-awˬ. Kʼoeˇ loꞈ-ehˇ jahˇ naˇ, ngaˇ oe ngeh naw maꞈ pyuˇ taꞈ uiˬ-eu maˬ loˬ-aˇ.

2 Gawˇliˬtu 8:10

Gaˇ kawˆ heu hmˬ-ahˇ taꞈ leˇ-awˇ, ngaˇ naw maꞈ-ahˇ heu loꞈ-ehˇ gʼaˬ biꞈ-eu ma. Miˇ nui kʼoꞈ naw maꞈ neh beh-euˬ gaˇ heu hmˬ nymˬ-mˇ mˇ luiˆ jiˇ-eu tsaˬ meh. Naw maꞈ-aˬ, mˇ beh beh-euˬ deuˬ pyeuꞈ-eu tehꞈ-ehˇ maˬ ngeuˇ ni, mui ma keuˆ beh beh-euˬ deuˬ kʼawꞈ pyeuꞈ-eu meh.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawˬmehˬ 16:9

“Cehˇ yehˬ dahˬ beh-eu yamˬ-ahˇ neh aˇ dahˬ beh-awˇ, jawˇ nah shiꞈ jaw keuˆ ni aˇ nah gui daˆ leꞈ-awˬ.