Dawˬmehˬ 15:11 - Akha

¹¹ Iˇsaˬleˬlaˆ tsawˇ haˬ laꞈ kʼoeˇ, iˇ shaˬ shaˬ-awˇ, loˬ-eu tsawˇ haˬ aˬ myah luꞈ jawˇ tehꞈ-a. Kʼoeˇ miˇ neh, kʼoeˇ loꞈ-ehˇ gʼeh-eu tsawˇ haˬ deuˬ-ahˇ tsawˇ tsiˇ maˬ tsiˇ ni caw ba-eu gʼaˇ duˬ, naw maꞈ-ahˇ ngaˇ dawˬ biꞈ-eu ma.

Dawˬmehˬ 15:11 ပူးပေါင်းရင်းမြစ်များ

Doˆ-iˇ 23:11

Ehˇ kʼawꞈ, shiꞈ kʼoꞈ tiˬ kʼoꞈ-ahˇ, nawˬ-euˬ deh yaˇ maˬ mˇ dzaˬ ni bi naˬ-awˇ, dehꞈ doˆ laˇ-euˬ aˇ sehꞈ deuˬ-ahˇ kʼawꞈ, nawˇ ma ya yehˬ dzaˬ-a. Shaˬ-eu zahˬ-eu tsawˇ haˬ deuˬ kʼoeˇ-ahˇ yehˬ dzaˬ-awˇ, dzeˇ yaꞈ-euˬ deuˬ-ahˇ, bawˇ tsahˬ jeˬ zaˬ deuˬ ya bi dzaˬ meh. Aˬ gaꞈ yaˇ kmˇ hawˇ-eu saˬ loˬ yaˇ kmˇ-ahˇ kʼawꞈ, kʼoeˇ loˬ-ehˇ ya jahˇ meh.

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Dawqdaq 22:2

Smˇ muiˬ iˇ shaˬ maˬ beu-eu tiˬ tsahˇ jaˆ meh. Nyiˬ gʼaˬ luꞈ-ahˇ Sahˬpaˬ Miˬyehˇ beh-euˬ meh.

Dawqdaq 31:20

Shaˬ-eu zahˬ-eu tsawˇ haˬ-ahˇ aˬ yawꞈ caw ba nehˬ-awˇ, mehꞈ-eu shuꞈ-eu tsawˇ haˬ-ahˇ aˬ yawꞈ bi dzaˬ bi dawˇ-eu meh.

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Maꞈtehˬ 26:11

Shaˬ-eu zahˬ-eu tsawˇ haˬ deuˬ naw maꞈ nehˬ-ehˇ aˬ myah luꞈ jawˇ tehꞈ-a. Ehˇ kʼawꞈ, ngaˇ naw maꞈ nehˬ-ehˇ aˬ myah luꞈ jawˇ-eu maˬ ngeuˇ.

Maꞈtehˬ 5:42

Shaˇ-eu tsawˇ haˬ-ahˇ biꞈ-awˇ, ngaˬ mawꞈ paˇ mawꞈ-eu tsawˇ haˬ-ahˇ ngaˬ nehˬ paˇ nehˬ-awˬ.

Maˬkuˆ 14:7

Shaˬ zaˬ zahˬ zaˬ deuˬ naw maꞈ nehˬ-ehˇ aˬ myah luꞈ jawˇ-awˇ, naw maꞈ kʼaˇ caw ba nehˬ mawꞈ ngeh caw ba nehˬ nya tehꞈ-a. Ehˇ kʼawꞈ, ngaˇ-aˬ, naw maꞈ nehˬ-ehˇ aˬ myah luꞈ jawˇ-eu maˬ ngeuˇ.

Luˇkaꞈ 12:33

Naw maꞈ-euˬ myawˬ gahˬ ahˬ-awˇ, aˬ cawˬ-ahˇ gamꞈ nehˬ-awˬ. Yawˬ ha gʼaˇ duˬ tiˬ jawˇ-iˬ maˬ peuˬ maˬ oeˇ-iˇ nya-eu pyuˇ pawˬ behˆ guꞈ-awˇ, smˇ kʼoeˬ maˬ kʼoeˬ leˇ nya, boeˬ coeˇ maˬ coeˇ leˇ nya-eu mˬ kʼoeˇ taˆ, pyuˇ shuiˇ myawˬ gahˬ jeˬ hmˬ taˬ-awˬ.

Yoˇhaˬ 12:8

Shaˬ zaˬ zahˬ zaˬ deuˬ naw maꞈ nehˬ-ehˇ aˬ myah luꞈ jawˇ meh. Ehˇ kʼawꞈ, ngaˇ naw maꞈ nehˬ-ehˇ aˬ myah luꞈ jawˇ-eu maˬ ngeuˇ.”

Gʼaˬkʼehˇ 2:45

Aˬ yawꞈ maꞈ yawˬ ha-euˬ myawˬ gahˬ ahˬ dzeh-awˇ, za-euˬ pyuˇ kʼoeˇ aˬ yawꞈ gʼaˬ yawꞈ kʼaˇ loˬ-eu loꞈ-ehˇ biˇ geuꞈ-euˬ meh.

Dawˬmehˬ 15:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ jaˆ-eu meuˬ tiˬ meuˬ na laꞈ kʼoeˇ jawˇ-eu naw maꞈ tsawˇ jeuˬ Iˇsaˬleˬlaˆ tsawˇ haˬ tiˬ gʼaˬ na iˇ shaˬ shaˬ naˇ, yawˬ ha gʼaˇ duˬ tehꞈ-ehˇ shaˇ noeˬ-awˇ maˬ caw ba nehˬ ni taˬ jawˇ.

Dawˬmehˬ 15:8

Ehˇ kʼawꞈ, tsawˇ tsiˇ maˬ tsiˇ ni, aˬ yawꞈ kʼaˇ loˬ-eu myaˆ ni ngaˬ nehˬ paˇ nehˬ-awˬ.