Dawˬmehˬ 14:1 - Akha

¹ “Naw maꞈ-aˬ, naw maꞈ-euˬ Miˬ yehˇ pyeuꞈ-eu Sahˬ paˬ Miˬ yehˇ-euˬ tsawˇ haˬ meh. Kʼoeˇ miˇ neh, aˬ cawˬ tsawˇ jeuˬ deuˬ shiˇ-euˬ tsawˇ haˬ deuˬ gʼaˇ duˬ tsawˇ ngoeˇ ngoeˇ ngeh jahˇ-eu loꞈ-ehˇ, yawˬ ha-euˬ shaˬ jiˇ-ahˇ kahˬ naˇ-awˇ, naˇ kʼawˇ kʼoeˇ taˆ uˬ duˬ tsehˇ kahˇ jehˆ dzeh-eu jeˬ naw maꞈ taˬ mˇ.

Dawˬmehˬ 14:1 ပူးပေါင်းရင်းမြစ်များ

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

Aˇ dahˬ 6:4

Aˇ nah aˇ yamˬ kʼoeˇ yamˬ laꞈ kʼoeˇ maˬ ehˇ, kʼoeˇ sawˇ miˇ tsa dehꞈ ka leꞈ-euˬ aˇ nah aˇ yamˬ deuˬ laꞈ kʼoeˇ maˬ ehˇ, mˬ taˆ zaˬ yo deuˬ hawˇ-eu miˇ tsa zaˬ miˬ deuˬ sheuˬ dahˬ dzaˬ taꞈ-awˇ dehꞈ le-euˬ, aˇ gahˬ aˇ goˇ muiˬ dui dui-eu tsawˇ haˬ zaˬ deuˬ jawˇ-euˬ meh. Tsawˇ haˬ kʼoeˇ deuˬ-aˬ, huiˬ-eu gaˇ deuˬ mˇ-awˇ tsawˇ myahˇ doˆ dui dui-euˬ, aˇ hu ba-euˬ tsawˇ haˬ deuˬ pyeuꞈ-eu meh.

1 Sahˬpaˬ 18:28

Kʼoeˇ ngeh, aˬ yawꞈ maꞈ yaw kʼaˆ-ehˇ guˇ guˇ-ehˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ-euˬ zahˇ sahˇ kʼoꞈ jaˆ-eu loꞈ-ehˇ, mi cehˇ jiˇ baˆ hawˇ-eu mi cehˇ tawˆ zaˬ yuˇ-awˇ, shiˬ yoeˇ le ngeh keuˆ ni yawˬ ha-euˬ gʼawˇ mawˇ-ahˇ kahˬ-euˬ meh.

Iˇsaˬyaˇ 63:16

Sahˬpaˬ Miˬyehˇ nawˇ nga maꞈ-euˬ aˬ da ma. Nga maꞈ-euˬ aˬ da yaw dzahˇ Aˬbyaˬhaˬ hawˇ-eu Yaˬkoˆ, nga maꞈ-ahˇ maˬ siˬ nya-euˬ kʼawꞈ, nawˇ nga maꞈ-euˬ aˬ da pyeuꞈ-awˇ, nga maꞈ-ahˇ aˬ myah luꞈ ka kʼoꞈ-euˬ meh.

Yeˬlaˬmiˇ 16:6

Miˇ kʼahˬ heu kʼahˬ laꞈ kʼoeˇ jawˇ-eu smˇ muiˬ iˇ shaˬ dawˬ tawˆ luꞈ ya shiˇ-awˇ, baꞈ pahˬ nehˬ-eu gʼaˬ maˬ jawˇ-ehˇ, tsawˇ ngoeˇ ngoeˇ nehˬ-eu gʼaˬ kʼawꞈ maˬ jawˇ ni pyeuꞈ-iˇ tehꞈ-a. Yawˬ ha-euˬ gʼawˇ mawˇ laˆ tahˬ laˆ naˇ-eu jeˬ mˇ-eu laꞈ kʼoeˇ maˬ ehˇ, uˬ duˬ jehˆ dzeh-eu laꞈ kʼoeˇ maˬ ehˇ, noeˬ shaˬ dui dui-eu gaˇ kawˆ bi siˬ bi mawˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Yeˬlaˬmiˇ 3:19

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, nawˬ-ahˇ ngaˬ-euˬ aˬ li bi geuꞈ mawꞈ-awˇ, miˇ tsaˬ kʼoeˇ taˆ aˬ cawˬ naˆ maˬ tseˇ muiˬ dzehˬ-eu, nui saˇ za-eu miˇ kʼahˬ nawˬ-ahˇ biꞈ mawꞈ-eu ma. Nawˇ ngaˬ-ahˇ aˬ da kuˇ-awˇ, maˬ gʼawˬ-iˇ ni bi dehꞈ mawꞈ nya.

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Yeˬlaˬmiˇ 41:5

Sheˬkmˬ meuˬ, Shiˇloˬ meuˬ hawˇ-eu, Saˬmaˬliˆ meuˬ-ahˇ neh tsawˇ haˬ yehꞈ tseˇ gʼaˬ oe-euˬ meh. Aˬ yawꞈ maꞈ mehˬ mahˬ jehˆ dzeh-awˇ, mehˬ tsoeˬ cehˬ pyaˬ-awˇ, gʼawˇ mawˇ-ahˇ kahˬ naˇ taˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ lawˇ-eu gʼaˇ duˬ, dzaˬ la gʼo cehˇ lawˇ-eu jeˬ hawˇ-eu yaw saw jeˬ aˬ yawꞈ maꞈ yuˇ leꞈ-euˬ meh.

Yeˬlaˬmiˇ 47:5

Gaˬzaˬ tsawˇ haˬ shaˬ zahˬ naꞈ-awˇ, Aˬshaˇgaˬloˇ tsawˇ haˬ ciˬ cuˇ saˆ ni pyeuꞈ-iˇ tehꞈ-a. Buˬ-iˇ-euˬ Piˇliˇtiˆ tsawˇ haˬ nui deuˬ, aˬ myah tsawˇ ngoeˇ ngoeˇ taˬ nya nmˇ.

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Uˬ duˬ 21:5

“Yawˬ ha tsawˇ ngoeˇ ngoeˇ luꞈ-eu aˬ cawˬ bi siˬ-eu gʼaˇ duˬ, uˬ jehˆ jehˆ-eu maˬ ehˇ, mehˬ mahˬ tehˬ dzeh-eu maˬ ehˇ, yawˬ ha-euˬ gʼawˇ mawˇ-ahˇ laˆ tahˬ laˆ naˇ-eu jeˬ maˬ ehˇ, piˇ ma deuˬ maˬ ya jahˇ-a.

Yoˇhaˬ 1:12

Ehˇ kʼawꞈ, tiˬ paˆ na deuˬ aˬ yawꞈ-ahˇ ha geuꞈ-awˇ jah-eu meh. Kʼoeˇ miˇ neh, Miˬyehˇ-euˬ zaˬ bi pyeuꞈ laˇ-eu a kawˬ-aˬ, aˬ yawꞈ maꞈ-ahˇ aˬ yawꞈ biꞈ-euˬ meh.

Yoˇhaˬ 11:52

Aˬ yawꞈ maꞈ gʼaˇ duˬ tehꞈ-ehˇ maˬ ngeuˇ ni, miˇ tsaˬ doe ni bi teh byaˆ taˬ-euˬ Miˬyehˇ-euˬ tsawˇ haˬ deuˬ tiˬ maꞈ tiˬ muˇ tehꞈ-ehˇ paˇ bi pyeuꞈ laˇ-eu gʼaˇ duˬ aˬ yawꞈ ya shiˇ dah-eu gaˇ kawˆ ngehˬ dah-eu jeˬ kʼawꞈ pyeuꞈ-eu meh.

Lormav 8:16

Aˬ dui Miˬyehˇ-euˬ zaˬ pyeuꞈ-eu gaˇ kawˆ, Yaw sahˇ Miˬyehˇ hawˇ-eu aˬ dui-euˬ saꞈ laˇ tiˬ kawˆ loꞈ-ehˇ saˇ kiˇ kamˬ-eu meh.

Lormav 9:26

‘Naw maꞈ nga-euˬ tsawˇ maˬ ngeuˇ’ lehˇ, ngaˇ ehˇ-euˬ jawˇ duˬ nyiˬ paˆ-ehˇ, ‘Dehˬ luꞈ-eu Miˬyehˇ-euˬ zaˬ’ lehˇ, aˬ yawꞈ maꞈ-ahˇ bi kuˇ paˇ ma.”

Lormav 9:4

Aˬ yawꞈ maꞈ Miˬyehˇ-euˬ tsawˇ haˬ meh. Aˬ yawꞈ maꞈ-ahˇ aˬ yawꞈ-euˬ zaˬ bi geuꞈ-awˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-euˬ meh. Aˬ yawꞈ maꞈ nehˬ-ehˇ aˬ yawꞈ dawˬ ma saˇ jaˇ dzaˬ-awˇ, Zahˇ dawˬ kʼoꞈ dawˬ biꞈ nehˬ-euˬ meh. Aˬ yawꞈ maꞈ Miˬyehˇ-ahˇ dawˇ coe ni uˬ duˬ tahˬ-eu gaˇ kawˆ siˬ nya meh. Miˬyehˇ-euˬ saˇ jaˇ za-euˬ tsawˇ haˬ pyeuꞈ-eu meh.

Lormav 9:8

Ehˇ mawꞈ-eu dawˬ tsuiꞈ-aˬ, kʼaˇ dehꞈ doˆ le-euˬ zaˬ deuˬ Miˬyehˇ-euˬ zaˬ maˇ maˇ ni maˬ ngeuˇ-a. Ehˇ kʼawꞈ, Miˬyehˇ neh saˇ jaˇ dzaˬ-awˇ bi dehꞈ doˆ le-euˬ Aˬbyaˬhaˬ-euˬ zaˬ deuˬ uˆ deuˬ-aˬ, maˇ maˇ ni gʼeh-eu Miˬyehˇ-euˬ zaˬ deuˬ uˆ deuˬ meh.

2 Gawˇliˬtu 6:18

Ngaˇ naw maꞈ-euˬ aˬ da geuꞈ-awˇ, naw maꞈ ngaˬ-euˬ zaˬ geuꞈ ma lehˇ, Baoˬ huiˬ Sahˬpaˬ Miˬyehˇ ehˇ meh.”

Gaˬlaˬtiˆ 3:26

Jah-eu jeˬ baˬ da neh, naw maꞈ dawˬ tawˆ luꞈ Yeˬsuˇ Ka li laꞈ kʼoeˇ Miˬyehˇ-euˬ zaˬ pyeuꞈ-eu meh.

Dawˬmehˬ 13:18

aˬ yawꞈ naw maꞈ-ahˇ gʼawˬ shaˬ gaˬ-eu laꞈ kʼoeˇ, myaˬ dui behˇ dui dui-eu tsawˇ jeuˬ bi pyeuꞈ laˇ tehꞈ-a.

Dawˬmehˬ 32:6

Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.

1 Teˇsaˬloˇni 4:13

Aˬ yuiꞈ aˬ nyiˇ Ka li zaˬ deuˬ-oˇ, noeˬ tmˬ kʼaˇ maˬ za-eu laꞈ nyiˇ paw-euˬ tsawˇ haˬ deuˬ noeˬ shaˬ-eu loꞈ-ehˇ naw maꞈ maˬ ya noeˬ shaˬ-eu gʼaˇ duˬ, shiˇ-euˬ tsawˇ haˬ deuˬ aˬ joˆ-ehˇ pyeuꞈ-eu gaˇ kawˆ bi siˬ mawꞈ miˇ-a.

HeˬByehˇ 2:10

Yawˬ jeˬ na luꞈ-ahˇ beh-awˇ bo saˆ haw piˇ luꞈ-eu gʼaˬ pyeuꞈ-eu Miˬyehˇ neh, aˬ yawꞈ-euˬ zaˬ gʼawˬ mya ni-ahˇ aˬ yawꞈ-euˬ yaw shehꞈ kʼahˬ sehˇ za ni bi sheuˬ laꞈ-eu gʼaˇ duˬ, Yeˬsuˇ-ahˇ shaˬ-eu zahˬ-eu jeˬ bi daˬ-eu laꞈ kʼoeˇ byah laˇ ni jahˇ-euˬ kʼoeˇ-aˬ, tsaˬ dui dui meh. Aˬ jeˬ miˇ neh ehˇ naˇ, aˬ yawꞈ maꞈ ka kʼoꞈ-eu jeˬ za ni sheuˬ gʼeh-eu gʼaˬ-aˬ, Yeˬsuˇ meh.

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.

1 Yoˇhaˬ 5:2

Aˬ dui Miˬyehˇ-ahˇ gaˬ-awˇ aˬ yawꞈ-euˬ ehˇ dawˬ naˇ haˬ-eu kʼoeˇ-aˬ, Miˬyehˇ-euˬ zaˬ deuˬ-ahˇ aˬ dui gaˬ-eu jeˬ pyeuꞈ-eu meh lehˇ siˬ nya-eu ma.