Dawˬmehˬ 13:7 - Akha

⁷ Naw maꞈ-euˬ dawˬ peh jawˇ-eu tsawˇ jeuˬ deuˬ-euˬ miˬ yehˇ deuˬ-ahˇ maˬ ngeuˇ naˇ, gaˇ mahˇ kaˬ gaˇ jawˇ-eu deuˬ-euˬ miˬ yehˇ deuˬ-ahˇ uˬ duˬ tahˬ ni, aˬ yawꞈ maꞈ tiˬ gʼaˬ na nawˬ-ahˇ gʼaˬ biꞈ-eu baw tehꞈ-a.

Dawˬmehˬ 13:7 ပူးပေါင်းရင်းမြစ်များ

2 Laˬsaˬbaˬ 22:3

Aˬhaˆ-euˬ nymˇ jiˇ kʼaˇ dehꞈ-euˬ loꞈ-ehˇ aˬ yawꞈ dehꞈ-euˬ meh. Aˬ jeˬ miˇ neh ehˇ naˇ, aˬ yawꞈ yaw lehˬ yaw ca jeˬ mˇ ni aˬ yawꞈ-euˬ aˬ ma aˬ yawꞈ-ahˇ gʼaˬ biꞈ-euˬ meh.

Yeˬlaˬmiˇ 44:15

Kʼoeˇ naˇ, yawˬ ha-euˬ miˬ zaˬ deuˬ miˬ yehˇ nui deuˬ-ahˇ lawˇ-eu shehˇ-eu jeˬ mˇ-euˬ gaˇ kawˆ kʼaˇ siˬ nya-eu kʼaˬ dzeˇ zaˬ deuˬ maˬ ehˇ, kʼoeˇ gaˇ kʼaˇ yawꞈ luꞈ-eu zaˬ miˬ zaˬ deuˬ maˬ ehˇ, Iˇjiˇtuˆ miˇ kʼahˬ laꞈ oˆ dzaˬ-ahˇ jawˇ-eu Iˇsaˬleˬlaˆ tsawˇ haˬ deuˬ ahˇ leˇ-ehˇ, tsawˇ haˬ aˇ maꞈ maꞈ ma kʼoeˇ maꞈ ngaˬ-ahˇ heu loꞈ-ehˇ ehˇ-eu meh.

Bawˇtsahˬ 25:4

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-euˬ ehˇ dawˬ naˇ haˬ-eu laꞈ kʼoeˇ, Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ kuˇ uiˬ-awˇ, nah gʼahˇnah gaˆ-ahˇ sehꞈ jiˇ nehˬ-awˬ. Kʼoeˇ loꞈ-ehˇ jahˇ naˇ, Iˇsaˬleˬlaˆ tsawˇ haˬ deuˬ-ahˇ ngaˇ nui ma maˬ paˇ pehˇ ma.”

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

Dawˬmehˬ 13:8

Aˬ yawꞈ muˇ juˇ juˇ-eu mehˬ nah naw maꞈ maˬ ya caw teh-a. Aˬ yawꞈ-euˬ dawˬ-ahˇ keuˆ ni, tiˬ pawꞈ-iˬ taˬ naˇ haˬ. Aˬ yawꞈ-ahˇ gʼawˬ shaˬ maˬ ya gaˬ-eu uˬ taꞈ, maˬ ya sheuˬ zaꞈ-a.

Dawˬmehˬ 6:14

Miˬyehˇ nui gʼaˬ-ahˇ uˬ duˬ taˬ tahˬ. Naw maꞈ jawˇ-eu jawˬ jawˬ-ehˇ jawˇ luꞈ-eu tsawˇ jeuˬ deuˬ-euˬ miˬyehˇ deuˬ-ahˇ uˬ duˬ taˬ tahˬ.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”