Kʼoeˇ ngeh, Aˬbyaˬ-ahˇ Saˬlehˇ heu loꞈ-ehˇ ehˇ nehˬ-euˬ meh. “Haˬgaˬlaˇ ngaˬ-ahˇ yaw zeu maˬ baw-eu-aˬ, nawˬ-ahˇ neh ahˇ-eu meh. Ngaˬ neh nawˬ-ahˇ mehˬ-awˇ aˬ yawꞈ-ahˇ bi yuˇ-euˬ ma. Ehˇ kʼawꞈ, yawˬ haˇ yawˬ ha aˬ nyiˇ pi leˇ-euˬ miˇ-a lehˇ siˬ leˇ ngeh tiˬ nah neh, Haˬgaˬlaˇ ngaˬ-ahˇ yaw zeu maˬ baw-a. Nawˇ lehˬ-eu nga loˇ, ngaˇ lehˬ-eu nga loˇ lehˇ, Sahˬpaˬ Miˬyehˇ yaˇ kʼaˬ daˇ nehˬ laꞈ luꞈ-uˇ.”
Dawˬmehˬ 13:6 - Akha6 “Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a. အခန်းကိုကြည့်ပါ။ |
Dawˬmehˬ 13:6
50 ပူးပေါင်းရင်းမြစ်များ
Tsawˇ haˬ kʼoeˇ deuˬ-ahˇ Eˇliˇyaˆ dawˬ biꞈ-awˇ, “Baˬlaˇ miˬ yehˇ gʼaˇ duˬ ngehˬ dah-eu deuˬ tiˬ gʼaˬ-iˬ maˬ bi dzeuˇ-iˇ ni nyehꞈ jiˇ-awˬ” lehˇ ehˇ nehˬ-euˬ meh. Aˬ yawꞈ maꞈ dawˬ tawˆ luꞈ tsawˇ haˬ kʼoeˇ deuˬ neh bi nyehꞈ jiˇ-awˇ, Eˇliˇyaˆ neh aˬ yawꞈ maꞈ-ahˇ Giˇshoˬ lawˇ gawˆ paw sheuˬ ka gʼeh-awˇ sehꞈ-euˬ meh.
Kʼoeˇ naˇ, miˇ kʼahˬ zaˬ dawˬ tawˆ luꞈ Baˬlaˇ miˬ yehˇ-euˬ uˬ duˬ tahˬ nymˇ-ahˇ le-awˇ laˆ cawˆ leˇ-euˬ meh. Tahˬ paˬ aˬ ma mawˇ kawˇ deuˬ hawˇ-eu lawˇ duˬ deuˬ-ahˇ aˬ yawꞈ maꞈ deh meuˇ-awˇ, Baˬlaˇ miˬyehˇ-euˬ piˇ ma pyeuꞈ-eu Maˬtaˬ-ahˇ lawˇ duˬ mehˬ shi sehꞈ-euˬ meh. Loꞈ-eu guiˇ maꞈ deuˬ-ahˇ Yeˬhawˇyaˬdaˬ kʼehˇ-awˇ, Uˬ duˬ tahˬ nymˇ nymˇ ma -ahˇ bi loꞈ piˇ-euˬ meh.
Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.
Aˬ yawꞈ maꞈ-ahˇ Moˇseˬ ehˇ nehˬ-eu, “Naw maꞈ yawˬ gʼaˬ na luꞈ, yawˬ ha-euˬ mi cehˇ shaꞈ-awˇ, dzahˇ huˬ-ahˇ neh dzahˇ dahˬ-ahˇ doˆ ni, yawˬ ha-euˬ aˬ yuiꞈ aˬ nyiˇ deuˬ, yawˬ ha-euˬ cawˬ deuˬ, yawˬ ha-euˬ dawˬ peh jawˇ-euˬ tsawˇ haˬ deuˬ-ahˇ sehꞈ-awˬ lehˇ, Iˇsaˬleˬlaˆ tsawˇ haˬ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ dawˬ biꞈ-eu meh.”
Aˬ jeˬ miˇ neh ehˇ naˇ, kʼoeˇ gaˇ jawˇ-euˬ tsawˇ haˬ deuˬ yaw haiˬ jeˬ mˇ-awˇ, ngaˬ-ahˇ nui ma bi pehˇ laꞈ-euˬ meh. Aˬ yawꞈ maꞈ maˬ ehˇ, naw maꞈ maˬ ehˇ, naw maꞈ-euˬ aˬ poeˬ aˬ bawˇ deuˬ maˬ ehˇ, tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ, aˬ yawꞈ maꞈ uˬ duˬ tahˬ-awˇ lawˇ nehˬ shehˇ nehˬ-euˬ meh.
Tsawˇ haˬ tiˬ gʼaˬ na Miˬyehˇ gʼaˇ duˬ ngehˬ dah-eu gʼaˬ paˇ geuꞈ laˇ naˇ, ‘Nawˇ Sahˬpaˬ Miˬyehˇ-euˬ dawˬ ngehˬ dah-eu ma lehˇ ehˇ-awˇ jaˬ myawꞈ myawꞈ-eu miˇ neh ya shiˇ tehꞈ-a’ lehˇ aˬ yawꞈ-euˬ zaˬ baw aˬ ma aˬ da aˬ yawꞈ-ahˇ ehˇ tehꞈ-a. Aˬ yawꞈ miˬyehˇ gʼaˇ duˬ ngehˬ dah ngeh, aˬ yawꞈ-euˬ zaˬ baw aˬ ma aˬ da aˬ yawꞈ-ahˇ tsawˆ sehꞈ tehꞈ-a.
Tiˬ paˆ na deuˬ-aˬ, aˬ yawꞈ-ahˇ baˆ kʼoˆ mehˬ dzaˬ bi yehˬ mawꞈ-eu meh. Tsawˇ haˬ kʼoeˇ deuˬ Ka li-ahˇ jah-eu tsawˇ haˬ jahˇ geuꞈ-awˇ, nga maꞈ-euˬ aˇ muˇ laꞈ kʼoeˇ uˇ kʼoeˬ laˇ-awˇ, Yeˬsuˇ Ka li laꞈ kʼoeˇ nga maꞈ Zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh ni mˇ nya shaˇ nya-eu a kawˬ-aˬ za taˬ-euˬ gaˇ kawˆ-ahˇ kʼoeˬ sho haw laˇ-euˬ meh. Aˬ yawꞈ maꞈ-aˬ, nga maꞈ-ahˇ Zahˇ dawˬ kʼoꞈ dawˬ-euˬ zaˬ kʼaˆ bi geuꞈ mawꞈ-eu meh.
Kʼoeˇ ngeh, meuˬ-ahˇ jawˇ-eu tsawˇ haˬ deuˬ aˬ li kʼoeˇ gʼaˬ-ahˇ kʼaˬ lo neh ya biˬ sehꞈ meh. Kʼoeˇ loꞈ-ehˇ jahˇ-eu laꞈ kʼoeˇ, kʼoeˇ loꞈ-ehˇ gʼeh-eu yaw haiˬ jeˬ byoˆ-iˇ ni naw maꞈ ya mˇ meh. Gaˇ kawˆ kʼoeˇ Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ yawˬ gʼaˬ na luꞈ ya gaˬ-awˇ, guˆ-iˇ tehꞈ-a.
zaˬ miˬ aˬ buˇ kʼoeˇ gʼaˬ-ahˇ aˬ yawꞈ aˬ da-euˬ nymˇ gʼoˆ kʼehˬ-ahˇ aˬ yawꞈ maꞈ sheuˬ gʼeh-awˇ, zaˬ miˬ aˬ buˇ kʼoeˇ gʼaˬ jawˇ-eu meuˬ-ahˇ jawˇ-eu tsawˇ haˬ deuˬ neh kʼaˬ lo ya bi biˬ sehꞈ meh. Zaˬ miˬ aˬ buˇ kʼoeˇ gʼaˬ-aˬ, maˬ mˇ dzaˬ-iˇ mi naˆ-ehˇ, yawˬ ha aˬ da-euˬ nymˇ-ahˇ jawˇ ngeh neh kʼaˬ dzeˇ zaˬ nehˬ-ehˇ yuꞈ taꞈ-eu laꞈ kʼoeˇ, aˬ dui-euˬ tsawˇ jeuˬ laꞈ kʼoeˇ shaꞈ dawˇ-eu jeˬ doˆ laˇ ni mˇ-euˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ maˬ ya doˆ laˇ ni, naw maꞈ kʼoeˇ loꞈ-ehˇ ya mˇ meh.
“Tsawˇ haˬ aˬ geu gʼaˬ maˬ kaˬ, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ kʼoeˬ-awˇ, yawˬ ha-euˬ zaˬ kʼaˆ bi geuꞈ-eu maˬ ehˇ, aˬ cawˬ zaˬ kʼaˆ bi geuꞈ-eu gʼaˇ duˬ ahˬ dzaˬ-eu maˬ ehˇ, mˇ naˇ, sehꞈ gaˇ ya daˬ tehꞈ-a, Kʼoeˇ loꞈ-ehˇ gʼeh-eu yaw haiˬ jeˬ maˬ ya bi doˆ laˇ ni, kʼoeˇ loꞈ-ehˇ ya sehꞈ meh.
Naw maꞈ laꞈ kʼoeˇ aˬ cawˬ naˆ maˬ tseˇ ya dzaˬ ya dawˇ-awˇ, nahˇ tsaˇ maˬ lawꞈ ni shaˬ jiˇ nahˬ yu ni jawˇ-eu tsawˇ haˬ deuˬ kʼawꞈ, muiˇ-eu deuˬ neh meuˬ-ahˇ jawˬ lahˇ taˬ-euˬ miˇ neh, dzaˬ-eu maˬ jaˆ-ehˇ li laˇ taˬ-awˇ, yawˬ ha-euˬ zaˬ deuˬ-euˬ shaˬ jiˇ ya dzaˬ gaˇ keuˆ tehꞈ-a. Aˬ yawꞈ kʼoeˇ loꞈ-ehˇ dzaˬ ngeh, aˬ yawꞈ-euˬ mehˇ nmˇ-ahˇ maˬ ehˇ, aˬ yawꞈ gaˬ-eu aˬ yawꞈ-euˬ miˬ zaˬ-ahˇ maˬ ehˇ, dzeˇ luꞈ-eu aˬ yawꞈ-euˬ zaˬ deuˬ-ahˇ maˬ ehˇ, maˬ bi dzaˬ mawꞈ gaˇ keuˆ ni tsawˇ tsiˇ tsiˇ tehꞈ-a.
Iˬ nah heu gaˇ yawꞈ luꞈ-eu kʼaˬ dzeˇ zaˬ hawˇ-eu zaˬ miˬ zaˬ aˬ geu gʼaˬ maˬ kaˬ, nymˇ jiˇ aˬ geu jiˇ maˬ kaˬ, tsawˇ jeuˬ aˬ geu jeuˬ maˬ kaˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬyehˇ deuˬ-ahˇ uˬ duˬ maˬ ya tahˬ ni, yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ mˇ-eu jeˬ-aˬ, kʼaˬ jehꞈ ni gʼeh-awˇ doꞈ kʼaˆ dui dui-eu aˇ bawˇ bi bawˇ laˇ-eu duˬ ciˇ-ahˇ duˇ-eu meh.
Tuˇ-awˬ. Iˇsaˬleˬlaˆ tsawˇ haˬ deuˬ-ahˇ gʼawˇ mawˇ shawˇ-eu zahˇ jahˇ nehˬ-awˇ, ngaˇ jawˇ gaˇ laˇ-eu gʼaˇ duˬ bi lehˬ hmˬ dah-awˬ. Ni shawˬ nah lehˬ hmˬ dah taˬ-awˬ lehˇ aˬ yawꞈ maꞈ-ahˇ ehˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ paˬ-ehˇ gʼeh-eu jeˬ jaˆ-eu ma. ‘Iˇsaˬleˬlaˆ tsawˇ jeuˬ-oˇ. Ngaˬ neh ya laˆ luˬ ya laˆ seˇ meh lehˇ ehˇ taˬ-euˬ myawˬ tiˬ deuˬ na, naw maꞈ-euˬ myawˬ gahˬ nehˬ-ehˇ jaˆ luꞈ meh. Myawˬ kʼoeˇ deuˬ naw maꞈ nehˬ-ehˇ kʼaˇ jaˆ kʼoeˇ keuˆ ni, muiˇ-eu deuˬ-ahˇ naw maꞈ guiˇ maˬ deuˆ gʼaˬ nya-a’ lehˇ ehˇ nehˬ paˬ-ehˇ jaˆ-eu ma.
Aˇ hu ba-euˬ tsawˇ haˬ deuˬ jawˇ gaˇ maˬ ngeuˇ-eu Miˬyehˇ gʼaˇ duˬ ngehˬ dah-eu deuˬ doˆ le haw-euˬ loꞈ-ehˇ, naw maꞈ jawˇ gaˇ maˬ ngeuˇ-eu mehˬ-eu tsoˆ-eu saˬ laˬ deuˬ doˆ le tehꞈ-a. Yaw cawˆ jeˬ hawˇ-eu maˬ tsaˬ-eu jah-eu jeˬ aˬ yawꞈ maꞈ hehˇ ahˇ laꞈ-awˇ, aˬ yawꞈ maꞈ-ahˇ ka kʼoꞈ nehˬ-euˬ Sahˬpaˬ-ahˇ maˬ siˬ lehˇ ehˇ tehꞈ-a. Kʼoeˇ miˇ neh, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ yaw kawˇ-ehˇ keuˆ le ni yawˬ haˇ ha mˇ gaˇ duˇ-eu meh.
Jeˬ zaˬ yaw beh mawˇ-euˬ mehˬ shi zahˬ leˇ paˬ-ehˇ gʼeh-eu gʼawˬ mya jeˬ mˇ mehˬ-eu aˬ kawˬ-aˬ za taˬ-euˬ gaˇ gʼoe-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ-ahˇ aˬ yawꞈ sheuˬ bahˬ gʼeh-euˬ meh. Mi cehˇ neh bi deuˆ naˇ-awˇ, maˬ shiˇ-ehˇ dehꞈ luꞈ-eu jeˬ zaˬ kʼoeˇ mawˇ-ahˇ taˬ huiˬ taˬ mahˇ-eu laꞈ kʼoeˇ tahˬ pahˬ aˬ ma mawˇ kawˇ tehˆ-awˇ ka tuˇ-eu gʼaˇ duˬ, tsawˇ haˬ kʼoeˇ deuˬ-ahˇ aˬ yawꞈ dawˬ biꞈ-euˬ meh.
Tiˬ heˇ kʼoꞈ aˇ yamˬ laꞈ kʼoeˇ miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ mehˇ shuiˇ maˬ bi shuiˇ nya ni, mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ yaw li maˬ baw-eu duˬ kʼahˬ-ahˇ baꞈ ahˇ-awˇ, mahˬ tawꞈ tawꞈ tehˬ-awˇ jmˬ diˬ gʼoeˬ taˬ-euˬ meh. Kʼoeˇ dzeuˇ naˇ, aˬ yawꞈ-ahˇ tiˬ kʼehˬ tiˬ yamˬ pyehˬ nehˬ tehꞈ-a.
Iˇsaˬleˬlaˆ tsawˇ haˬ deuˬ-aˬ, Baˬlaˇ miˬ yehˇ hawˇ-eu Aˬshaˇtaˬyoˇ miˬ yehˇ deuˬ-ahˇ maˬ ehˇ, Siˇdoˬ miˬ yehˇ deuˬ-ahˇ maˬ ehˇ, Mawˇbaˆ miˬ yehˇ deuˬ-ahˇ maˬ ehˇ, Aˬmoˬ miˬ yehˇ deuˬ-ahˇ maˬ ehˇ, Piˇliˇtiˆ miˬ yehˇ deuˬ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ mehˬ shi iˬ baˇ mˇ-euˬ meh. Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-euˬ meh.
Giˇbyaˬ meuˬ-ahˇ jawˇ-eu haiˬ-eu tsawˇ haˬ kʼoeˇ deuˬ nymˬ-mˇ sheuˬ laꞈ-awˬ. Iˇsaˬleˬlaˆ tsawˇ jeuˬ laꞈ kʼoeˇ heu loꞈ-ehˇ gʼeh-eu haiˬ-eu jeˬ bi byoˆ-iˇ-eu gʼaˇ duˬ, aˬ yawꞈ maꞈ-ahˇ sehꞈ ma.” Ehˇ kʼawꞈ, Iˇsaˬleˬlaˆ tsawˇ haˬ deuˬ-euˬ dawˬ-ahˇ Beˬyaˬmiˬ tsawˇ haˬ deuˬ maˬ naˇ haˬ ni, maˬ gaˬ-euˬ geuꞈ-awˇ jawˇ-eu meh.
ကြော်ငြာတွေ