Dawˬmehˬ 13:16 - Akha

¹⁶ Tsawˇ haˬ kʼoeˇ deuˬ-euˬ myawˬ gahˬ dawˬ tawˆ luꞈ, meuˬ gʼahˇ lahˇ ceh jaˆ-eu deh ga-ahˇ baꞈ bymˇ-awˇ, meuˬ kʼoeˇ meuˬ hawˇ-eu kʼoeˇ gaˇ kʼaˇ jaˆ-eu jeˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ-eu jeˬ loꞈ-ehˇ dzah puiˆ dzeh-awˬ. Laˆ luˬ laˆ seˇ nehˬ-euˬ meuˬ kʼoeˇ meuˬ-ahˇ, tiˬ jawˇ-iˬ maˬ paˇ tsoˆ muiˬ ni, mˬ maˬ maˬ byaˆ zaˇ ziˇ kʼoeˇ loꞈ-ehˇ ya bi jaˆ meh.

Dawˬmehˬ 13:16 ပူးပေါင်းရင်းမြစ်များ

Doˆ-iˇ 22:19

“Jeˬ zaˬ nehˬ-ehˇ joe-eu tsawˇ haˬ-ahˇ ya sehꞈ meh.

Iˇsaˬyaˇ 17:1

Sahˬpaˬ Miˬyehˇ ehˇ-eu, “Daˬmaˬsehˇ meuˬ-aˬ, meuˬ maˬ paˇ pyeuꞈ-ehˇ, yaw cawˆ jeˬ baꞈ bymˇ taˬ-euˬ gaˇ duˇ tehꞈ-a.

Iˇsaˬyaˇ 25:2

Meuˬ deuˬ-ahˇ nawˇ laˆ luˬ laˆ seˇ-awˇ, ziꞈ dah ni gʼeh-eu meuˬ deuˬ bi byaˆ-iˇ-euˬ meh. Nga maꞈ-ahˇ muiˇ-eu sahˬ paˬ deuˬ-euˬ nymˇ deuˬ, piˬ-iˇ byoˆ-iˇ jiˇ-euˬ meh.

Yeˬlaˬmiˇ 49:2

Ehˇ kʼawꞈ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ jawˇ-eu tsawˇ haˬ deuˬ guiˇ deuˆ le-eu teˇ saˇ ya gaˬ-awˇ, meuˬ cawˆ-iˇ-awˇ pu deuˬ miˬ dzaˬ bi keuˬ dzeh jiˇ ngeh keuˆ ni, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-euˬ aˇ yamˬ keuˆ le-eu dawˬ peh peh laˇ-euˬ meh. Kʼoeˇ ngeh jawˇ, Iˇsaˬleˬlaˆ tsawˇ haˬ deuˬ aˬ cawˬ-euˬ laꞈ-ahˇ ahˇ leˇ-euˬ yawˬ ha-euˬ miˇ kʼahˬ paˇ za kʼoꞈ tehꞈ-a.

Yeˬsaˬgeˬlaˇ 26:14

Ngaˬ shaˬ poˆ-eu deuˬ, ngaˬ myahˬ sheu lawꞈ nya ni, kʼaˬ lo tiˬ siˬ tehꞈ-ehˇ buˇ law ni bi dzeˇ yaꞈ ma. Meuˬ heu tiˬ jawˇ-iˬ maˬ paˇ ya tsoˆ geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Miˇkaˬ 1:6

Yeˬluˇsaˬlehˬ meuˬ baˬ da neh maˬ ngeuˇ-a loˇ. Kʼoeˇ miˇ neh, Sahˬpaˬ Miˬyehˇ ehˇ-eu, “Saˬmaˬliˆ meuˬ-euˬ deh ga-ahˇ nymˇ nymˇ cehˇ baꞈ bymˇ taˬ-euˬ loꞈ-ehˇ ngaˇ laˆ pyeuꞈ-awˇ, aˬ gaꞈ aˇ bawˬ ka-eu jawˇ duˬ bi pyeuꞈ-iˇ ma. Meuˬ gawˬ-euˬ kʼaˬ lo tsaˬ byaˆ deuˬ gʼaˬ lawˬ-ahˇ ngaˇ shehˆ dzeh-awˇ, meuˬ-euˬ dawˬ pehˬ neˇ myawˆ ni bi jaˆ ma.

Dawˬmehˬ 7:25

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.

Dawˬmehˬ 7:26

Tsawˇ haˬ kʼoeˇ deuˬ-euˬ tahˬ pahˬ aˬ ma mawˇ kawˇ deuˬ naw maꞈ-euˬ nymˇ-ahˇ taˬ sha ahˇ. Kʼoeˇ loꞈ-ehˇ jahˇ naˇ, yaˬ kʼehˇ yaˬ-eu jeˬ-ahˇ tsawˇ haˬ kʼoeˇ deuˬ ya daˬ-euˬ loꞈ-ehˇ, naw maꞈ kʼawꞈ ya daˬ tehꞈ-a. Tahˬ pahˬ aˬ ma mawˇ kawˇ kʼoeˇ deuˬ-ahˇ naw maꞈ bye-awˇ, nui daˆ daˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Sahˬpaˬ Miˬyehˇ neh yaˬ kʼehˇ yaˬ taˬ-euˬ jeˬ pyeuꞈ-eu meh.

Yawˇshuˆ 6:21

Meuˬ-ahˇ kʼaˇ jawˇ-eu kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ guˬ maˬ ehˇ, tsawˇ kʼaˆ maˬ ehˇ, yawˬ gʼaˬ na luꞈ-ahˇ mi cehˇ neh aˬ yawꞈ maꞈ sehꞈ-euˬ meh. Mawˇ neˇ, yawˇ hawˇ-eu ciꞈ myehꞈ deuˬ-ahˇ kʼawꞈ aˬ yawꞈ maꞈ sehꞈ-euˬ meh.

Yawˇshuˆ 6:24

Kʼoeˇ naˇ, meuˬ-ahˇ aˬ yawꞈ maꞈ miˬ dzaˬ keuˬ doꞈ-awˇ, meuˬ hawˇ-eu meuˬ laꞈ kʼoeˇ kʼaˇ jaˆ-eu yawˬ jeˬ na luꞈ puiˆ byoˆ jiˇ-euˬ meh. Shuiˇ, pyuˇ, guiˬ shuiˇ hawˇ-eu shmˇ neh kʼaˇ jahˇ taˬ-euˬ mˇ myawˬ deuˬ tehꞈ-ehˇ aˬ yawꞈ maꞈ yuˇ-awˇ, Sahˬpaˬ Miˬyehˇ-euˬ pyuˇ daˬ laꞈ kʼoeˇ dawˆ ahˇ-euˬ meh.

Yawˇshuˆ 6:26

Kʼoeˇ ngeh, yahˇ dui dui paˬ-ehˇ gʼeh-eu jeˬ Yawˇshuˆ ehˇ-eu, “Yeˬliˇkoˇ meuˬ paˇ tsoˆ muiˬ-eu lehˇ kʼaˇ leh jeh-eu tsawˇ haˬ aˬ geu gʼaˬ maˬ kaˬ, Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ tehꞈ-a. Meuˬ gawˬ dahˬ beh nehˬ-eu gʼaˬ-aˬ, aˬ li aˬ yuiꞈ ya bi shiˇ-awˇ, Meuˬ-euˬ lahˇ kʼehˬ gawˬ-eu gʼaˬ-aˬ, aˬ li zaˬ saˬ bi shiˇ tehꞈ-a” lehˇ ehˇ-euˬ meh.

Yawˇshuˆ 8:28

Yawˇshuˆ-aˬ, Aˬiˇ meuˬ-ahˇ miˬ dzaˬ keuˬ dzeh-awˇ bi jaˆ yaꞈ-euˬ meh. Iˬ nah keuˆ ni kʼoeˇ loꞈ-ehˇ jaˆ luꞈ-eu meh.