Dawˬmehˬ 12:6 - Akha

⁶ Miˬ dzaˬ dzah puiˆ-awˇ lawˇ-eu jeˬ hawˇ-eu, nui deuˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu nui deuˬ damˬ-eu jeˬ maˬ ehˇ, gʼaw beh beh-euˬ mawˇ neˇ hawˇ-eu yawˇ maˬ ehˇ, kʼoeˇ gaˇ naw maꞈ ya lawˇ meh.

Dawˬmehˬ 12:6 ပူးပေါင်းရင်းမြစ်များ

2 Laˬsaˬbaˬ 31:14

Leˬbiˇ tsawˇ haˬ Iˇmaˬnahˬ-euˬ aˬ li pyeuꞈ-eu, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ loꞈ-eu deuˬ kʼoeˇ taˆ aˬ yuiꞈ geuꞈ luꞈ-eu Kawˇleˬ-aˬ, Sahˬpaˬ Miˬyehˇ-ahˇ damˬ nehˬ laˇ-euˬ laꞈ sawˬ kʼoeˇ deuˬ-ahˇ ha geuꞈ-awˇ biˇ nehˬ-eu paw aˬ yuiꞈ geuꞈ-awˇ haw-euˬ meh.

2 Laˬsaˬbaˬ 7:12

uˬ ciꞈ paw Sahˬpaˬ Miˬyehˇ aˬ yawꞈ jawˇ gaˇ oe-euˬ meh. Sawˇlaˬmoˬ-ahˇ aˬ yawꞈ ehˇ-eu, “Nawˬ-euˬ guiˬ lahˬ shaˇ dawˬ-ahˇ ngaˇ ya gaˬ-awˇ, Uˬ duˬ tahˬ nymˇ nymˇ ma heu ngaˬ-ahˇ lawˇ-eu shehˇ-eu jawˇ duˬ bi pyeuꞈ-eu ngaˇ nui ma tsaˬ-eu ma.

Eˇzaˬlaˬ 3:2

Miˬyehˇ-euˬ tsawˇ haˬ pyeuꞈ-eu Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ loꞈ-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ nya shehˇ nya ni, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ cawˬ piˇ ma deuˬ maˬ ehˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu aˬ yawꞈ-euˬ aˬ yuiꞈ aˬ nyiˇ deuˬ maˬ ehˇ, tiˬ kawˆ loꞈ-ehˇ Iˇsaˬleˬlaˆ tsawˇ jeuˬ-euˬ Miˬyehˇ-euˬ lawˇ duˬ gawˬ-euˬ meh.

Neˬhaˬmiˇ 10:36

Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, dehꞈ beh beh le-euˬ nga maꞈ-euˬ aˬ li aˬ yuiꞈ deuˬ-ahˇ, Uˬ duˬ tahˬ nymˇ nymˇ ma-ahˇ piˇ ma deuˬ jawˇ gaˇ sheuˬ gʼeh-awˇ Miˬyehˇ-ahˇ a nehˬ ma. Gʼaw beh beh-euˬ mawˇ neˇ, yawˇ hawˇ-eu ciꞈ myehꞈ deuˬ kʼawꞈ, kʼoeˇ loꞈ-ehˇ a nehˬ ma.

Neˬhaˬmiˇ 10:39

Iˇsaˬleˬlaˆ tsawˇ haˬ deuˬ hawˇ-eu Leˬbiˇ tsawˇ haˬ deuˬ-aˬ, damˬ taˬ-eu cehˇ, aˬ gaꞈ dzaˇ uiˇ hawˇ-eu saˬ loˬ tsiˇ deuˬ-ahˇ, Uˬ duˬ tahˬ nymˇ nymˇ ma laꞈ kʼoeˇ jaˆ-eu mˇ myawˬ keu ka taˬ-eu lawˆ-ahˇ hawˇ-eu, gaˇ mˇ luꞈ-eu piˇ ma deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ hawˇ-eu, Uˬ duˬ tahˬ nymˇ nymˇ ma-ahˇ kawˇ yehˬ caˇ-eu tsawˇ haˬ deuˬ-euˬ aˇ lawˆ deuˬ-ahˇ ya yuˇ taˬ-iˇ meh. Nga maꞈ-euˬ Miˬyehˇ-euˬ Uˬ duˬ tahˬ nymˇ nymˇ ma-ahˇ nga maꞈ maˬ byehˇ dzeh.

Jaceuq 116:17

Nawˬ-euˬ guiˬ lahˬ-ahˇ noeˬ keuˆ-eu lawˇ-eu jeˬ ngaˇ lawˇ-awˇ, nawˬ-ahˇ ngaˇ guiˬ lahˬ shaˇ ma.

Yeˬsaˬgeˬlaˇ 20:40

Ngaˬ-euˬ muiˬ-eu shawˇ-eu gawˬ jawˬ pyeuꞈ-eu Iˇsaˬleˬlaˆ gawˬ jawˬ yaw goˇ kʼoeˇ taˆ, naw maꞈ Iˇsaˬleˬlaˆ tsawˇ haˬ dawˬ tawˆ luꞈ ngaˬ-ahˇ uˬ duˬ tahˬ tehꞈ-a. Naw maꞈ-ahˇ ngaˇ nui kʼahˇ shiˇ-awˇ, naw maꞈ-euˬ lawˇ-eu shehˇ-eu jeˬ, damˬ-eu jeˬ hawˇ-eu, muiˬ-eu shawˇ-eu laꞈ sawˬ deuˬ-ahˇ ngaˇ ha geuꞈ ma.

Uˬ duˬ 1:3

Miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ neˇ mawˇ gaw tiˬ mawˇ aˬ yawꞈ ya tsahˇ laꞈ meh. Aˬ yawꞈ neh lawˇ nehˬ-euˬ jeˬ-ahˇ Sahˬpaˬ Miˬyehˇ bi ha geuꞈ-eu gʼaˇ duˬ, mawˇ neˇ kʼoeˇ mawˇ-ahˇ, Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ-ahˇ ya tsahˇ keuˆ laꞈ meh.

Maˬlaˬkiˇ 3:10

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ dzaˬ dzaˬ dawˇ dawˇ jaˆ laˇ ni, tseˇ bymˇ tiˬ bymˇ tiˬ byah ni yuˇ laꞈ-awˬ. Kʼoeˇ naˇ, naw maꞈ ngaˬ-ahˇ lawˬ haw-awˬ. Mˬ taˆ laˇ gʼoˆ deuˬ pah dzeh jiˇ-awˇ, muiˬ-eu guiˬ lahˬ dawˬ tawˆ luꞈ byah kʼaˇ-iˇ gaˇ keuˆ ni naw maꞈ-ahˇ ngaˇ shehˆ ahˇ nehˬ ma.

Maˬlaˬkiˇ 3:8

Ngaˇ naw maꞈ-ahˇ naˇ haˬ nyaˇ. Tsawˇ haˬ tiˬ gʼaˬ Miˬyehˇ-ahˇ mehˇ shuiˇ shuiˇ-eu tsaˬ tehꞈ-a loˇ. Maˬ tsaˬ-a. Ehˇ kʼawꞈ, naw maꞈ ngaˬ-ahˇ mehˇ shuiˇ shuiˇ luꞈ meh. ‘Aˬ joˆ-ehˇ shuiˇ taˬ’ lehˇ naw maꞈ ehˇ mawꞈ tehꞈ-a. Tseˇ bymˇ tiˬ bymˇ biꞈ-eu laꞈ kʼoeˇ maˬ ehˇ, ngaˬ-ahˇ damˬ-eu jeˬ laꞈ kʼoeˇ maˬ ehˇ, naw maꞈ ngaˬ-ahˇ mehˇ shuiˇ shuiˇ-euˬ meh.

Luˇkaꞈ 11:42

“Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, dzaˇ muiˇ dzaˇ sawˇ hawˇ-eu ka gʼawˬ ka dzaˇ deuˬ Miˬyehˇ-ahˇ tseˇ bymˇ tiˬ bymˇ damˬ-eu meh. Ehˇ kʼawꞈ, yaw tsaˬ yaw dawˇ jeˬ hawˇ-eu Miˬyehˇ-ahˇ gaˬ-eu jeˬ-ahˇ naw maꞈ byehˇ taˬ-euˬ meh. Naw maꞈ heu deuˬ-ahˇ mˇ byah-eu uˬ taꞈ, nui deuˬ-ahˇ kʼawꞈ maˬ byehˇ ni mˇ-eu tsaˬ meh.

Luˇkaꞈ 18:12

Ngaˇ-aˬ, tiˬ jaw laꞈ kʼoeˇ nyiˬ nah maˬ dzaˬ-eu zahˇ tawˬ luꞈ-awˇ, ngaˇ kʼaˇ za-euˬ yawˬ jeˬ na luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ damˬ luꞈ ma’ lehˇ shaˇ-euˬ meh.

Dawˬmehˬ 12:17

Sahˬpaˬ Miˬyehˇ-ahˇ lawˇ nehˬ-eu jeˬ pyeuꞈ-eu tseˇ bymˇ tiˬ bymˇ damˬ-euˬ dzaˬ lo gʼo cehˇ deuˬ, aˬ gaꞈ dzaˇ uiˇ, saˬ loˬ tsiˇ, gʼaw beh beh-euˬ mawˇ neˇ hawˇ-eu yawˇ, Sahˬpaˬ Miˬyehˇ-ahˇ biꞈ ma lehˇ naw maꞈ neh saˇ jaˇ dzaˬ taˬ-eu laꞈ sawˬ deuˬ, nui ma keuˆ-awˇ lawˇ-eu jeˬ hawˇ-eu nui jeˬ lawˇ-eu jeˬ heu deuˬ-ahˇ, naw maꞈ-euˬ jawˇ duˬ laꞈ kʼoeˇ maˬ ya dzaˬ-a.

Dawˬmehˬ 26:2

naw maꞈ yawˬ gʼaˬ na luꞈ keuˆ beh beh le-euˬ dzaˬ la gʼo cehˇ aˇ siˬ aˇ lu yawˬ jeˬ na luꞈ kʼaˆ puˬ-ahˇ dawˆ ahˇ-awˇ, uˬ duˬ tahˬ-eu jawˇ duˬ-ahˇ ya hehˇ gʼeh meh.

Yawˇshuˆ 22:27

Ehˇ kʼawꞈ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-eu lawˇ-eu jeˬ lawˇ-eu laꞈ kʼoeˇ, Sahˬpaˬ Miˬyehˇ-euˬ muiˬ-eu shawˇ-eu Sehˬ gʼawˆ mehˬ shi aˬ dui aˬ yawꞈ-ahˇ uˬ duˬ tahˬ-euˬ gaˇ kawˆ, naw maꞈ-euˬ tsawˇ haˬ hawˇ-eu nga maꞈ-euˬ tsawˇ haˬ gʼaˇ duˬ maˬ ehˇ, aˬ kaˇ aˬ dui-euˬ zaˬ deuˬ uˆ deuˬ gʼaˇ duˬ maˬ ehˇ, saˇ kiˇ bi pyeuꞈ-eu gʼaˇ duˬ, heu loꞈ-ehˇ mˇ-euˬ ma. Nga maꞈ-euˬ zaˬ deuˬ uˆ deuˬ Sahˬpaˬ Miˬyehˇ-ahˇ maˬ taꞈ-a lehˇ naw maꞈ-euˬ zaˬ deuˬ uˆ deuˬ maˬ ya ehˇ ni, nga maꞈ heu loꞈ-ehˇ mˇ-euˬ ma.

1 Saˬmeuˬlaˆ 1:21

Eˇlaˬkaˬnaˬ hawˇ-eu aˬ yawꞈ-euˬ miˬ sawˇ zaˬ deuˬ Shiˇloˬ meuˬ-ahˇ tiˬ poˆ paˇ le-awˇ, aˬ yawꞈ kʼoꞈ yawꞈ lawˇ luꞈ-eu lawˇ-eu jeˬ hawˇ-eu, aˬ yawꞈ neh Sahˬpaˬ Miˬyehˇ-ahˇ lawˇ nehˬ-eu gʼaˇ duˬ saˇ jaˇ dzaˬ tsehˆ taˬ-euˬ lawˇ-eu jeˬ lawˇ nehˬ leˇ-eu aˇ yamˬ paˇ tsaˬ laˇ-euˬ meh.

1 Saˬmeuˬlaˆ 1:24

Aˬ li kʼoeˇ li aˬ coeˇ gʼehˆ laˇ ngeh, Shiˇloˬ meuˬ-ahˇ ciˬ gʼeh-euˬ meh. Smˇ kʼoꞈ byah-eu mawˇ neˇ mawˇ gaw zaˬ tiˬ mawˇ, cehˇ meu smˇ pehˬ hawˇ-eu, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ tiˬ siˬ aˬ yawꞈ yuˇ gʼeh-euˬ meh. Aˬ li zaˬ nahˬ Saˬmeuˬlaˆ-ahˇ, Shiˇloˬ meuˬ-ahˇ jaˆ-eu Sahˬpaˬ Miˬyehˇ-euˬ nymˇ-ahˇ aˬ yawꞈ ciˬ gʼeh-euˬ meh.