Dawˬmehˬ 12:5 - Akha

⁵ Naw maꞈ tsawˇ jeuˬ heu myaˆ ni gʼeh-eu miˇ kʼahˬ laꞈ kʼoeˇ, aˬ yawꞈ-euˬ mehˬ shi naw maꞈ le-awˇ, aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ Sahˬpaˬ Miˬyehˇ tseˇ doˆ tehꞈ-a.

Dawˬmehˬ 12:5 ပူးပေါင်းရင်းမြစ်များ

1 Sahˬpaˬ 12:27

Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ tsawˇ haˬ heu deuˬ lawˇ-eu shehˇ-eu jeˬ mˇ-iˇ naˇ, Yuˇdaˆ sahˬ paˬ Leˬhawˇbamˬ-ahˇ aˬ yawꞈ maꞈ nui ma paˇ taꞈ leˇ-awˇ, Leˬhawˇbamˬ jawˇ gaˇ aˬ yawꞈ maꞈ gʼoꞈ-iˇ tehꞈ-a.”

1 Sahˬpaˬ 14:21

Kʼoeˇ ngeh, Sawˇlaˬmoˬ-euˬ aˬ li Leˬhawˇbamˬ gʼaˬ Yuˇdaˆ miˇ kʼahˬ-ahˇ uˆ lahˇ luꞈ-eu meh. Leˬhawˇbamˬ sahˬ paˬ pyeuꞈ laˇ ngeh, oeˬ tseˇ tiꞈ kʼoꞈ kʼawˆ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ shiꞈ kʼoꞈ byah ni uˆ lahˇ-euˬ meh. Yeˬluˇsaˬlehˬ meuˬ-aˬ, Iˇsaˬleˬlaˆ miˇ kʼahˬ kʼahˬ lah ni kʼoeˇ taˆ Sahˬpaˬ Miˬyehˇ-euˬ tsawˇ myahˇ bi jaˆ-eu gʼaˇ duˬ, Sahˬpaˬ Miˬyehˇ neh tseˇ doˆ taˬ-euˬ meuˬ pyeuꞈ-eu meh. Aˬ yawꞈ-euˬ aˬ ma-aˬ, Aˬmoˬ tsawˇ jeuˬ Naˬmaˬ meh.

1 Sahˬpaˬ 8:16

‘Ngaˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ tiˬ nah neh, iˬ nah keuˆ ni, ngaˬ-ahˇ uˬ duˬ tahˬ-eu uˬ duˬ tahˬ nymˇ bi tsoˆ-eu gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ tiˬ meuˬ-iˬ ngaˇ maˬ tseˇ doˆ-aˬ siˬ. Ehˇ kʼawꞈ Daˬbiˇ-oˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, nawˬ-ahˇ ngaˇ tseˇ doˆ-eu ma.’

1 Sahˬpaˬ 8:20

“Nymˬ-mˇ poˆ jawˇ, saˇ jaˇ dzaˬ taˬ-euˬ jaˆ-eu loꞈ-ehˇ Sahˬpaˬ Miˬyehˇ mˇ byah-euˬ meh. Ngaˬ da-euˬ dah zaˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma heu ngaˇ tsoˆ gʼaˬ-euˬ ma.

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

1 Sahˬpaˬ 8:29

Nawˬ-ahˇ uˬ duˬ bi tahˬ-eu gʼaˇ duˬ nawˬ neh tseˇ doˆ taˬ-euˬ jawˇ duˬ pyeuꞈ-eu Uˬ duˬ tahˬ nymˇ nymˇ ma heu nymˇ-ahˇ, uˬ ciꞈ nah gʼahˇ maˬ ehˇ haw piˇ nehˬ laꞈ-awˬ. Uˬ duˬ tahˬ nymˇ nymˇ ma jaˆ-eu paw ngaˇ mehˬ shiˬ pyawˇ-awˇ guiˬ lahˬ shaˇ ngeh, ngaˬ-euˬ shaˇ dawˬ naˇ haˬ nehˬ laꞈ-awˬ.

2 Sahˬpaˬ 18:22

“Kʼoeˇ loꞈ-ehˇ maˬ ngeuˇ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe luꞈ-eu ma lehˇ, naw maꞈ ngaˬ-ahˇ ehˇ-eu gʼeh te loˇ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ laꞈ kʼoeˇ jaˆ-eu lawˇ duˬ kʼoeˇ tsahˇ-ahˇ tehꞈ-ehˇ uˬ duˬ ya tahˬ laˇ meh lehˇ Heˬsaˬgiˇ ehˇ-awˇ, Sahˬpaˬ Miˬyehˇ-ahˇ uˬ duˬ tahˬ-eu nymˇ deuˬ hawˇ-eu, lawˇ duˬ deuˬ-ahˇ aˬ yawꞈ laˆ cawˆ jiˇ-euˬ maˬ ngeuˇ-a loˇ.

1 Laˬsaˬbaˬ 22:1

Kʼoeˇ naˇ, Daˬbiˇ ehˇ-eu, “Heu-aˬ, Miˬyehˇ pyeuꞈ-eu Sahˬpaˬ Miˬyehˇ-euˬ nymˇ jaˆ-eu jawˇ duˬ meh. Iˇsaˬleˬlaˆ tsawˇ jeuˬ miˬ dzaˬ dzah puiˆ-awˇ lawˇ-eu jeˬ ya lawˇ-eu lawˇ duˬ kʼawꞈ, heu gaˇ jaˆ-eu meh.”

2 Laˬsaˬbaˬ 7:12

uˬ ciꞈ paw Sahˬpaˬ Miˬyehˇ aˬ yawꞈ jawˇ gaˇ oe-euˬ meh. Sawˇlaˬmoˬ-ahˇ aˬ yawꞈ ehˇ-eu, “Nawˬ-euˬ guiˬ lahˬ shaˇ dawˬ-ahˇ ngaˇ ya gaˬ-awˇ, Uˬ duˬ tahˬ nymˇ nymˇ ma heu ngaˬ-ahˇ lawˇ-eu shehˇ-eu jawˇ duˬ bi pyeuꞈ-eu ngaˇ nui ma tsaˬ-eu ma.

Eˇzaˬlaˬ 3:2

Miˬyehˇ-euˬ tsawˇ haˬ pyeuꞈ-eu Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ loꞈ-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ nya shehˇ nya ni, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ cawˬ piˇ ma deuˬ maˬ ehˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu aˬ yawꞈ-euˬ aˬ yuiꞈ aˬ nyiˇ deuˬ maˬ ehˇ, tiˬ kawˆ loꞈ-ehˇ Iˇsaˬleˬlaˆ tsawˇ jeuˬ-euˬ Miˬyehˇ-euˬ lawˇ duˬ gawˬ-euˬ meh.

Eˇzaˬlaˬ 6:12

Dawˬ heu dawˬ-ahˇ puiˬ-awˇ Uˬ duˬ tahˬ nymˇ nymˇ ma kʼoeˇ nymˇ-ahˇ laˆ cawˆ-eu lehˇ kʼaˇ leh jeh-eu sahˬ paˬ aˬ geu gʼaˬ-ahˇ maˬ kaˬ, Yeˬluˇsaˬlehˬ meuˬ-ahˇ aˬ yawꞈ-ahˇ uˬ duˬ tahˬ-eu jawˇ duˬ bi pyeuꞈ-eu lehˇ tsaˬ tsoˆ-euˬ Miˬyehˇ neh aˇ yaˬ bi yuˇ dzeh luꞈ-uˇ. Ngaˇ Daˬliˇ dawˬ heu dawˬ biꞈ-eu ma. Tiˬ pawꞈ-iˬ maˬ bi dzeˇ ni naˇ haˬ geuꞈ-awˬ.”

Eˇzaˬlaˬ 7:17

“Pyuˇ kʼoeˇ deuˬ-ahˇ nawˇ saˇ jaˇ taˬ-awˇ zmˬ-eu laꞈ kʼoeˇ, mawˇ neˇ deuˬ, yawˇ deuˬ, yawˇ zaˬ deuˬ, cehˇ deuˬ hawˇ-eu aˬ gaꞈ dzaˇ uiˇ zeuˇ-awˇ, Yeˬluˇsaˬlehˬ meuˬ-euˬ Uˬ duˬ tahˬ nymˇ nymˇ ma-ahˇ jaˆ-eu lawˇ duˬ kʼoeˇ taˆ ya lawˇ meh.

Neˬhaˬmiˇ 1:9

Ehˇ kʼawꞈ, naw maꞈ ngaˇ jawˇ paw paˇ gʼoꞈ poˆ laˇ-awˇ, ngaˇ naw maꞈ-ahˇ ehˇ taˬ-euˬ loꞈ-ehˇ mˇ naˇ, mˬ dzeˇ miˇ dzeˇ keuˆ ni naw maꞈ ya jawˇ byoˆ taˬ-euˬ kʼawꞈ, ngaˬ-ahˇ uˬ duˬ bi tahˬ-eu lehˇ ngaˬ neh tseˇ doˆ taˬ-euˬ jawˇ duˬ-ahˇ naw maꞈ-ahˇ ngaˇ paˇ sheuˬ kʼoꞈ laꞈ ma lehˇ nawˇ ehˇ taˬ-euˬ meh.

Jaceuq 78:68

Ehˇ kʼawꞈ Yuˇdaˆ tsawˇ jeuˬ hawˇ-eu aˬ yawꞈ gaˬ-eu Ziˇoˬ gawˬ jawˬ-ahˇ, aˬ yawꞈ tseˇ doˆ-euˬ meh.

Doˆ-iˇ 15:2

Sahˬpaˬ Miˬyehˇ-aˬ, gʼaˬ huiˬ-awˇ, ngaˬ-ahˇ haw piˇ-eu gʼaˬ pyeuꞈ-eu meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ pyeuꞈ-eu meh. Aˬ yawꞈ ngaˬ-euˬ Miˬyehˇ pyeuꞈ-awˇ, aˬ yawꞈ-ahˇ ngaˇ ja ceuˬ ma. Aˬ yawꞈ ngaˬ da-euˬ Miˬyehˇ pyeuꞈ-awˇ, aˬ yawꞈ huiˬ-eu mahˇ-eu gaˇ kawˆ, ngaˇ caˇ-awˇ ja ceuˬ ma.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Doˆ-iˇ 25:22

Nawˬ-ahˇ ngaˇ kʼoeˇ gaˇ tahˬ puˬ-awˇ, Iˇsaˬleˬlaˆ tsawˇ haˬ gʼaˇ duˬ zahˇ dawˬ kʼoꞈ dawˬ dawˬ tawˆ luꞈ, bahˬ keuˆ kʼawˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ hmˬ yaw kaˬ-ahˇ, nawˬ-ahˇ ngaˇ biꞈ ma.

Yeˬlaˬmiˇ 26:2

Sahˬpaˬ Miˬyehˇ ngaˬ-ahˇ ehˇ-eu, “Uˬ duˬ tahˬ nymˇ nymˇ ma-euˬ pu ka yawꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-awˇ, kʼoeˇ gaˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ-ahˇ, ngaˬ neh nawˬ-ahˇ biꞈ taˬ-euˬ dawˬ deuˬ tiˬ dawˬ-iˬ maˬ dzeˇ ni dzawˇ mehˬ nehˬ-awˬ.

Yeˬlaˬmiˇ 7:12

Ngaˬ-ahˇ uˬ duˬ bi tahˬ-eu gʼaˇ duˬ, ngaˬ neh tseˇ doˆ beh beh-euˬ jawˇ duˬ pyeuꞈ-eu Shiˇloˬ meuˬ-ahˇ haw leˇ-awˬ. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ iˬ baˇ mˇ-euˬ baˬ da neh, aˬ yawꞈ maꞈ-ahˇ ngaˇ aˬ joˆ-ehˇ jahˇ nehˬ-euˬ nga lehˇ haw duˬ leˇ-awˬ.

Yeˬlaˬmiˇ 7:14

Kʼoeˇ baˬ da neh, Shiˇloˬ meuˬ-ahˇ ngaˬ neh kʼaˇ jahˇ nehˬ-euˬ loꞈ-ehˇ, naw maꞈ gʼoe luꞈ-eu ngaˬ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu, naw maꞈ-ahˇ ngaˬ neh biꞈ taˬ-euˬ jawˇ duˬ heu tsahˇ nyiˬ paˆ-ehˇ, Shiˇloˬ meuˬ kʼoeˇ taˆ keuˆ le-euˬ jeˬ ngaˇ bi keuˆ le ma.

Bawˇtsahˬ 7:89

Sahˬpaˬ Miˬyehˇ-ahˇ dawˬ ngehˬ cawˬ leˇ-eu gʼaˇ duˬ, Sehˬ gʼawˆ laꞈ kʼoeˇ Moˇseˬ uˇ leˇ ngeh, dawˬ ma saˇ jaˇ bahˬ keuˆ kʼmˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ kawˇ yaw kaˬ-ahˇ, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ gaˇ ya gaˬ-euˬ meh.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

Dawˬmehˬ 12:13

Lawˇ-eu shehˇ-eu jeˬ-ahˇ naw maꞈ kʼaˇ mˇ mawꞈ gaˇ maˬ ya mˇ-a.

Dawˬmehˬ 12:18

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh tseˇ doˆ-euˬ uˬ duˬ tahˬ-eu jawˇ duˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi tehꞈ-ehˇ, naw maꞈ-euˬ zaˬ kʼaˆ deuˬ hawˇ-eu naw maꞈ-euˬ meuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ, naw maꞈ hawˇ-eu naw maꞈ-euˬ zaˬ deuˬ lawˇ dzaˇ kʼoeˇ deuˬ-ahˇ dzaˬ nya meh. Kʼoeˇ gaˇ, naw maꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ laꞈ kʼoeˇ naw maꞈ laˬ kʼaˬ cehˇ-awˬ.

Dawˬmehˬ 12:4

“Tsawˇ haˬ kʼoeˇ deuˬ aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ gaˇ dzaw geuꞈ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ uˬ duˬ taˬ tahˬ.

Dawˬmehˬ 14:23

Kʼoeˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-ahˇ uˬ duˬ bi tahˬ-eu lehˇ tseˇ doˆ taˬ-euˬ jawˇ duˬ-ahˇ le-awˇ, naw maꞈ-euˬ dzaˬ la gʼo cehˇ, aˬ gaꞈ dzaˇ uiˇ hawˇ-eu saˬ loˬ tsiˇ, mawˇ neˇ hawˇ-eu yawˇ, heu deuˬ laꞈ kʼoeˇ yuˇ doˆ taˬ-euˬ tseˇ bymˇ tiˬ bymˇ-ahˇ, kʼoeˇ gaˇ, aˬ yawꞈ-euˬ mehˬ shi dzaˬ-awˬ dawˇ-awˬ. Naw maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ-ahˇ aˬ myah luꞈ yaw zeu baw nya laˇ ni, kʼoeˇ loꞈ-ehˇ mˇ-awˬ.

Dawˬmehˬ 14:24

Sahˬpaˬ Miˬyehˇ neh naw maꞈ-ahˇ guiˬ lahˬ biꞈ laꞈ-awˇ mˇ za-euˬ deuˬ laꞈ kʼoeˇ, tseˇ bymˇ tiˬ bymˇ yuˇ gʼeh-eu gʼaˇ duˬ, uˬ duˬ tahˬ-eu jawˇ duˬ kʼoeˇ naw maꞈ jawˇ gaˇ neh gaˇ mahˇ kaˬ gaˇ jaˆ naˇ, heu loꞈ-ehˇ jahˇ-awˬ.

Dawˬmehˬ 15:20

Aˬ yawꞈ kʼoꞈ yawꞈ uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi, nawˇ hawˇ-eu nawˬ-euˬ miˬ sawˇ zaˬ deuˬ jeˬ zaˬ kʼoeˇ deuˬ-euˬ shaˬ jiˇ ya dzaˬ meh.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawˬmehˬ 16:15

Uˬ duˬ tahˬ-eu jawˇ duˬ kʼoeˇ tsahˇ-ahˇ shiꞈ nah keuˆ ni bawˬ-iˬ gʼeh-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-awˬ. Nawˇ cehˇ laˆ luiˆ-eu laꞈ kʼoeˇ maˬ ehˇ, nawˬ neh mˇ-euˬ gaˇ-ahˇ maˬ ehˇ, Sahˬpaˬ Miˬyehˇ guiˬ lahˬ biꞈ nehˬ laꞈ-euˬ miˇ neh, laˬ kʼaˬ cehˇ-awˬ.

Dawˬmehˬ 16:2

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ ta mahˇ-eu laꞈ kʼoeˇ, Baˬsaˬkaˬ Bawˬ-iˬ dzaˬ-eu gʼaˇ duˬ, uˬ duˬ tahˬ-eu jawˇ duˬ kʼoeˇ tsahˇ-ahˇ le-awˇ, nawˬ-euˬ yawˇ maˬ ngeuˇ naˇ mawˇ neˇ tiˬ mawˇ sehꞈ-awˬ.

Dawˬmehˬ 16:6

Ehˇ kʼawꞈ, Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le-euˬ yamˬ pyeuꞈ-eu, uˬ ciꞈ uˬ taw paw nahˇ ma ga ahˇ ngeh yamˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh tseˇ doˆ taˬ-euˬ uˬ duˬ tahˬ-eu jawˇ duˬ-ahˇ, Baˬsaˬkaˬ Bawˬ-iˬ-ahˇ taꞈ leˇ-eu lawˇ-eu jeˬ nawˇ ya lawˇ meh.

Dawˬmehˬ 16:7

Uˬ duˬ tahˬ-eu jawˇ duˬ kʼoeˇ tsahˇ-ahˇ shaˬ jiˇ caꞈ dzaˬ-awˇ, yawˬ shawˬ yawˬ iˇ kahˇ-ahˇ gʼoꞈ-iˇ-awˬ.

Dawˬmehˬ 17:8

“Jeˬ biˇ-ahˇ taꞈ leˇ-eu gaˇ kawˆ, laˆ tahˬ laˆ naˇ-euˬ gaˇ kawˆ, tsawˇ haˬ-ahˇ sehꞈ-euˬ hawˇ-eu laˆ tahˬ-awˇ bi shiˇ-euˬ heu nyiˬ jeˬ aˬ joˆ-ehˇ ya tseˇ paˆ-eu gaˇ kawˆ, kʼoeˇ loꞈ-ehˇ gʼeh-eu shaˬ-eu gaˇ kawˆ deuˬ doˆ laˇ ngeh, naw maꞈ nehˬ-ehˇ jawˇ luꞈ-eu yaˇ kʼaˬ daˇ-eu deuˬ gʼaˇ duˬ jahˇ tsehˆ-eu yaw shaˬ meh. Kʼoeˇ loꞈ-ehˇ gʼeh-eu gaˇkawˆ doˆ laˇ ngeh, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh tseˇ doˆ taˬ-euˬ uˬ duˬ tahˬ-eu jawˇ duˬ kʼoeˇ tsahˇ-ahˇ le-awˬ.

Dawˬmehˬ 18:6

“Leˬbiˇ tsawˇ haˬ tiˬ gʼaˬ na, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ aˬ geu meuˬ-ahˇ jawˇ-eu maˬ kaˬ, nui ma keuˆ-awˇ uˬ duˬ tahˬ-eu jawˇ duˬ-ahˇ laˇ naˇ,

Dawˬmehˬ 26:2

naw maꞈ yawˬ gʼaˬ na luꞈ keuˆ beh beh le-euˬ dzaˬ la gʼo cehˇ aˇ siˬ aˇ lu yawˬ jeˬ na luꞈ kʼaˆ puˬ-ahˇ dawˆ ahˇ-awˇ, uˬ duˬ tahˬ-eu jawˇ duˬ-ahˇ ya hehˇ gʼeh meh.

Dawˬmehˬ 31:11

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ-ahˇ Iˇsaˬleˬlaˆ tsawˇ haˬ deuˬ uˬ duˬ tahˬ laˇ ngeh, zahˇ dawˬ kʼoꞈ dawˬ heu gui mehˬ nehˬ-awˬ.

Gawˇlawˇsehˇ 2:9

Miˬyehˇ laꞈ kʼoeˇ kʼaˇ ahˇ-eu jeˬ dawˬ tawˆ luꞈ, Ka li laꞈ kʼoeˇ tiˬ byah ni ahˇ-eu meh.

HeˬByehˇ 12:22

Ehˇ kʼawꞈ, naw maꞈ-aˬ, Ziˇoˬ gawˬ jawˬ hawˇ-eu dehꞈ luꞈ-eu Miˬyehˇ-euˬ meuˬ-ahˇ laˇ-euˬ meh. Kʼoeˇ-aˬ, mˬ taˆ gʼaˬ kʼehˇ aˇ muiˇ aˇ seh jawˇ-eu mˬ taˆ-euˬ Yeˬluˇsaˬlehˬ meuˬ meh.

Yawˇshuˆ 18:1

Miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ za gʼaˬ ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Shiˇloˬ meuˬ-ahˇ uiˬ leˇ-awˇ, Sahˬpaˬ Miˬyehˇ-euˬ Sehˬ gʼawˆ tsoˆ-euˬ meh.

Yawˇshuˆ 22:11

“Haw sheˇ. Luˇbeˬ tsawˇ jeuˬ, Gaˆ tsawˇ jeuˬ hawˇ-eu nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, Yawˇdaˬ lawˇ baˬ heu paw baˬ-ahˇ, aˬ dui jawˇ-eu paw jaˆ-eu Geˬliˇlawˆ meuˬ-ahˇ, huiˬ dui dui-eu lawˇ duˬ tiˬ hmˬ gawˬ taˬ-euˬ ngaˇ” lehˇ ehˇ gaˇ, Iˇsaˬleˬlaˆ tsawˇ haˬ deuˬ ya gaˬ-euˬ meh.

Yawˇshuˆ 9:27

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-awˇ, Iˇsaˬleˬlaˆ tsawˇ haˬ deuˬ gʼaˇ duˬ hawˇ-eu Sahˬpaˬ Miˬyehˇ-euˬ lawˇ duˬ gʼaˇ duˬ, miˬ dzaˬ bi kʼehꞈ-awˇ, iˇ cuꞈ bi kʼawꞈ-euˬ meh. Iˬ nah keuˆ ni, Sahˬpaˬ Miˬyehˇ neh tseˇ doˆ-euˬ jawˇ duˬ-ahˇ, gaˇ kʼoeˇ deuˬ aˬ yawꞈ maꞈ mˇ luꞈ-eu meh.

Panmaeq 14:1

Kʼoeˇ naˇ, ngaˇ haw gʼeh leꞈ ngeh, Ziˇoˬ gawˬ jawˬ kʼoeˇ taˆ Yawˇzaˬ yawꞈ luꞈ gaˇ ya mawˇ-euˬ ma. Naˇ kʼawˇ-ahˇ aˬ yawꞈ Aˬda-euˬ tsawˇ myahˇ hawˇ-eu aˬ yawꞈ-euˬ tsawˇ myahˇ boꞈ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ, aˬ yawꞈ nehˬ-ehˇ jawˇ-eu meh.