Dawˬmehˬ 12:31 - Akha

³¹ Aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ gaˇ dzaw geuꞈ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ uˬ duˬ taˬ tahˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ ngeh, Sahˬpaˬ Miˬyehˇ maˬ haw nahˇ-eu nui daˆ daˆ laˇ paˬ-ehˇ gʼeh-eu jeˬ aˬ yawꞈ maꞈ mˇ-eu meh. Aˬ yawꞈ maꞈ-euˬ zaˬ deuˬ-ahˇ lawˇ duˬ kʼoeˇ taˆ miˬ dzaˬ-ahˇ dzah puiˆ-awˇ lawˇ-eu jeˬ kʼawꞈ, aˬ yawꞈ maꞈ mˇ-eu meh.

Dawˬmehˬ 12:31 ပူးပေါင်းရင်းမြစ်များ

2 Sahˬpaˬ 16:3

Iˇsaˬleˬlaˆ sahˬ paˬ deuˬ-ahˇ aˬ yawꞈ dzaw geuꞈ-eu uˬ taꞈ, Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ jawˇ uˇ leˇ ngeh, Sahˬpaˬ Miˬyehˇ neh teh doˆ nehˬ-euˬ tsawˇ haˬ deuˬ-euˬ zahˇ sahˇ kʼoꞈ-ahˇ aˬ yawꞈ caw teh-awˇ, aˬ yawꞈ-euˬ aˬ li-ahˇ kʼawꞈ, miˬ dzaˬ dzah puiˆ-awˇ lawˇ-euˬ meh.

2 Sahˬpaˬ 17:31

Iˇbaˬ meuˬ-ahˇ neh jawˇ le-euˬ deuˬ-aˬ, Niˇbaˬhaˇ miˬ yehˇ hawˇ-eu Taˬtehˇ miˬ yehˇ-euˬ tahˬ pahˬ aˬ ma mawˇ kawˇ tehˆ-euˬ meh. Seˬpaˬbeˬ meuˬ-ahˇ neh jawˇ le-euˬ deuˬ-aˬ, aˬ yawꞈ maꞈ-euˬ aˬ buˇ aˬ li deuˬ miˬ dzaˬ-ahˇ dzah puiˆ-awˇ, aˬ yawꞈ maꞈ-euˬ Aˬdaˬlaˬmeˬlehˆ miˬ yehˇ hawˇ-eu Aˬnaˬmeˬlehˆ miˬ yehˇ-ahˇ lawˇ nehˬ-euˬ meh.

2 Sahˬpaˬ 21:2

Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, miˇ kʼahˬ kʼoeˇ kʼahˬ laꞈ kʼoeˇ Sahˬpaˬ Miˬyehˇ neh bi teh doˆ-euˬ tsawˇ jeuˬ kʼoeˇ deuˬ mˇ-eu shaˇ-eu jawꞈ dui dui-eu gaˇ deuˬ-ahˇ, Maˬnaˇseˬ caw teh-eu laꞈ kʼoeˇ, Sahˬpaˬ Miˬyehˇ mehˬ shi iˬ baˇ mˇ-euˬ meh.

2 Sahˬpaˬ 3:27

Kʼoeˇ miˇ neh, aˬ yawꞈ shiˇ naˇ dzoeˬ dzaˬ oꞈ-eu gʼaˬ pyeuꞈ-eu aˬ yawꞈ-euˬ aˬ li aˬ yuiꞈ yuiꞈ saˬ gʼaˬ-ahˇ, meuˬ meuˬ lahˇ kʼoeˇ taˆ Mawˇbaˆ miˬ yehˇ-ahˇ aˬ yawꞈ lawˇ nehˬ-euˬ meh. Kʼoeˇ loꞈ-ehˇ jahˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, zahˬ leˇ-awˇ, yawˬ ha-euˬ miˇ kʼahˬ-ahˇ gʼoꞈ leˇ jiˇ-euˬ meh.

2 Laˬsaˬbaˬ 33:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, miˇ kʼahˬ kʼoeˇ kʼahˬ laꞈ kʼoeˇ aˬ yawꞈ neh teh dzeh-euˬ tsawˇ jeuˬ kʼoeˇ deuˬ mˇ-euˬ jawꞈ dui dui-eu jeˬ-ahˇ Maˬnaˇseˬ caw teh--eu laꞈ kʼoeˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Laˬsaˬbaˬ 36:14

Kʼoeˇ uˬ taꞈ, Yuˇdaˆ miˇ kʼahˬ-ahˇ aˬ yuiꞈ aˬ tsu geuꞈ-eu deuˬ maˬ ehˇ, piˇ ma deuˬ maˬ ehˇ, miˇ kʼahˬ zaˬ deuˬ maˬ ehˇ, aˬ yawꞈ maꞈ-euˬ jawˬ jawˬ-ehˇ jawˇ-eu aˬ cawˬ tsawˇ jeuˬ deuˬ mˇ luꞈ-eu maˬ muiˬ maˬ jaˬ-eu jeˬ-ahˇ dzaw geuꞈ-awˇ, tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu laꞈ kʼoeˇ, Sahˬpaˬ Miˬyehˇ neh laˆ muiˬ laˆ shawˇ taˬ-euˬ Uˬ duˬ tahˬ nymˇ nymˇ ma-ahˇ laˆ jawꞈ-euˬ meh.

Jaceuq 106:37

Kaˬnaˬ miˇ kʼahˬ-ahˇ jaˆ-eu tahˬ pahˬ aˬ ma mawˇ kawˇ deuˬ-ahˇ, yawˬ ha-euˬ aˬ buˇ aˬ li lawˇ nehˬ-euˬ meh.

Doˆ-iˇ 23:2

Tsawˇ haˬ myaˬ tiˬ paˆ yaw lehˬ jeˬ mˇ ngeh maˬ ehˇ, yaw tsaˬ yaw dawˇ jeˬ-ahˇ bahˬ-eu saˇ kiˇ kamˬ ngeh maˬ ehˇ, nawˇ maˬ ya caw teh-a.

Yeˬlaˬmiˇ 32:35

Moˇlehˆ miˬ yehˇ-ahˇ aˬ yawꞈ maꞈ-euˬ aˬ buˇ aˬ li deuˬ lawˇ nehˬ-eu gʼaˇ duˬ, Hiˬnoˬ deh kʼawꞈ-ahˇ Baˬlaˇ miˬ yehˇ gʼaˇ duˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ jahˇ-eu gʼaˇ duˬ aˬ yawꞈ maꞈ-ahˇ ngaˇ maˬ mehˬ maˬ tsoˆ-euˬ uˬ taꞈ, aˬ yawꞈ maꞈ kʼoeˇ loꞈ-ehˇ jahˇ-awˇ Yuˇdaˆ tsawˇ haˬ deuˬ iˬ baˇ mˇ ni sheuˬ bahˬ nehˬ tehꞈ-a lehˇ, nui ma laꞈ kʼoeˇ tehꞈ-ehˇ kʼawꞈ ngaˇ maˬ noeˬ haw-aˬ.”

Yeˬlaˬmiˇ 7:31

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ lawˇ-eu gʼaˇ duˬ, Hiˬnoˬ deh kʼawꞈ-ahˇ Tawˇpehˆ lehˇ myahˇ-euˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ bi mˇ-eu gʼaˇ duˬ, aˬ yawꞈ maꞈ-ahˇ ngaˇ dawˬ biꞈ-euˬ maˬ ngeuˇ. Noeˬ-euˬ tehꞈ-ehˇ kʼawꞈ maˬ shaˇ noeˬ haw-aˬ.

Yeˬsaˬgeˬlaˇ 20:31

Iˬ nah keuˆ ni lawˇ-eu shehˇ-eu kʼoeˇ jeˬ naw maꞈ damˬ-awˇ lawˇ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ naw maꞈ-euˬ zaˬ deuˬ lawˇ nehˬ-eu laꞈ kʼoeˇ, kʼoeˇ deuˬ baˬ da neh naw maꞈ yawˬ haˇ yawˬ ha laˆ jawꞈ dui dui luꞈ meh. Naw maꞈ Iˇsaˬleˬlaˆ tsawˇ haˬ deuˬ kʼoeˇ naˆ naˆ-ehˇ dehꞈ doeˇ luꞈ-eu kʼawꞈ, ngaˇ nui ma tsaˬ-eu jeˬ-ahˇ paˇ naˇ haˬ laˇ-eu nga laˬ. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-ahˇ tiˬ jeˬ-iˬ maˬ bi naˇ haˬ laˇ.

Yeˬsaˬgeˬlaˇ 23:27

Kʼaˬ miˬ sheu mawꞈ-eu nawˬ-euˬ nui ma hawˇ-eu, nawˇ Iˇjiˇtuˆ miˇ kʼahˬ-ahˇ jawˇ ngeh neh mˇ daˆ shaˇ daˆ laꞈ-euˬ meh maˬ laˇ geuꞈ-eu jeˬ-ahˇ, ngaˇ aˇ saˬ bi saˬ ma. tahˬ pahˬ aˬ ma mawˇ kawˇ -ahˇ nawˇ maˬ paˇ haw nahˇ-ehˇ, Iˇjiˇtuˆ miˇ kʼahˬ gaˇ kawˆ maˬ paˇ shaˇ noeˬ mawꞈ ni pyeuꞈ-iˇ tehꞈ-a.”

Uˬ duˬ 18:21

Miˬ dzaˬ-ahˇ dzah puiˆ-awˇ, Moˇlehˆ miˬ yehˇ-ahˇ bi damˬ nehˬ-eu gʼaˇ duˬ, yaw ha-euˬ aˬ buˇ aˬ li maˬ ya biꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ lehˇ kuˇ-eu Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh gaˇ duˇ-eu meh.

Uˬ duˬ 18:3

Naw maꞈ jawˇ yaꞈ-euˬ Iˇjiˇtuˆ miˇ kʼahˬ-ahˇ jawˇ-eu tsawˇ haˬ deuˬ loꞈ-ehˇ taˬ gʼeh. Ngaˇ naw maꞈ-ahˇ bi jawˇ-eu lehˇ gʼeh-eu Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ loꞈ-ehˇ taˬ mˇ.

Uˬ duˬ 20:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Naw maꞈ maˬ ehˇ, naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, Moˇlehˆ miˬ yehˇ-ahˇ yawˬ ha-euˬ zaˬ biꞈ nehˬ-eu tsawˇ haˬ a geu gʼaˬ maˬ kaˬ, sehꞈ gaˇ ya daˬ tehꞈ-a. Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ kʼaˬ lo neh ya biˬ sehꞈ tehꞈ-a.

Miˇkaˬ 6:7

Yawˇ aˬ buˬ aˇ heˇ aˇ muiˇ mawˇ hawˇ-eu lawˇ baˬ aˇ heˇ gawˆ-ahˇ yoeˇ luꞈ-eu iˇ cuꞈ myaˆ ni ahˇ-eu saˬ loˬ tsiˇ deuˬ-ahˇ ngaˇ yuˇ laꞈ nehˬ naˇ, Sahˬpaˬ Miˬyehˇ nui kʼahˇ shiˇ-eu duˇ loˇ. Ngaˬ-euˬ iˬ baˇ shawˇ-eu gʼaˇ duˬ ngaˬ li aˬ yuiꞈ gʼaˬ aˬ yawꞈ-ahˇ ya lawˇ nehˬ nmˇ loˇ.

Dawˬmehˬ 12:30

Tsawˇ jeuˬ kʼoeˇ deuˬ-ahˇ Sahˬpaˬ Miˬyehˇ laˆ cawˆ gʼaˬ ngeh, aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ deuˬ-ahˇ naw maꞈ maˬ ya caw teh ni yahˇ-awˬ. Aˬ jeˬ miˇ neh ehˇ naˇ, kʼoeˇ-aˬ, naw maꞈ bi shiˇ-eu gʼaˇ duˬ lahˇ ju kʼmˇ gaˇ duˇ-eu meh. Aˬ yawꞈ maꞈ uˬ duˬ tahˬ ngeh mˇ-eu loꞈ-ehˇ, naw maꞈ kʼawꞈ mˇ-eu lehˇ, aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ aˬ joˆ-ehˇ uˬ duˬ tahˬ-eu gaˇ kawˆ-ahˇ naw maꞈ pyehˆ tseˇ-eu laꞈ kʼoeˇ maˬ ya dzaw geuꞈ-a.

Dawˬmehˬ 12:4

“Tsawˇ haˬ kʼoeˇ deuˬ aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ gaˇ dzaw geuꞈ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ uˬ duˬ taˬ tahˬ.

Dawˬmehˬ 20:18

Aˬ yawꞈ maꞈ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ ngeh mˇ-euˬ jawꞈ dui dui-eu jeˬ dawˬ tawˆ luꞈ aˬ yawꞈ maꞈ naw maꞈ-ahˇ mehˬ nehˬ laꞈ-awˇ, Sahˬpaˬ Miˬyehˇ-ahˇ bahˬ ni nawˇ iˬ baˇ maˬ ya mˇ-eu gʼaˇ duˬ, aˬ yawꞈ maꞈ-ahˇ sehꞈ-awˬ.

Dawˬmehˬ 9:4

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ gʼaˇ duˬ tsawˇ haˬ kʼoeˇ deuˬ-ahˇ teh doˆ gʼaˬ ngeh, miˇ kʼahˬ kʼoeˇ kʼahˬ naw maꞈ za geuˇ-eu miˇ neh, naw maꞈ-ahˇ aˬ yawꞈ sheuˬ uˇ nehˬ laꞈ-euˬ meh lehˇ naw maꞈ yawˬ haˇ yawˬ ha taˬ ehˇ. Kʼoeˇ loꞈ-ehˇ maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu miˇ neh, naw maꞈ gʼaˇ duˬ Sahˬpaˬ Miˬyehˇ aˬ yawꞈ maꞈ-ahˇ teh doˆ-euˬ jeˬ pyeuꞈ-eu meh.

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.