Dawˬmehˬ 12:27 - Akha

²⁷ Mawˇ lah-ehˇ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-euˬ lawˇ duˬ kʼoeˇ taˆ ya lawˇ-eu lawˇ-eu jeˬ-ahˇ, kʼoeˇ gaˇ lawˇ-awˬ. Shaˬ jiˇ deuˬ naw maꞈ dzaˬ-awˇ shiˬ deuˬ-ahˇ lawˇ duˬ kʼoeˇ taˆ shehˆ daˆ-awˇ ya lawˇ-eu jeˬ kʼawꞈ, kʼoeˇ gaˇ lawˇ-awˬ.

Dawˬmehˬ 12:27 ပူးပေါင်းရင်းမြစ်များ

Yeˬlaˬmiˇ 7:21

“Ngaˬ-euˬ tsawˇ haˬ deuˬ-oˇ, lawˇ-eu shehˇ-eu tiˬ paˆ na deuˬ-ahˇ naw maꞈ dzaˬ kʼmˬ meh. Ehˇ kʼawꞈ, miˬ dzaˬ-ahˇ dzah puiˆ-awˇ lawˇ-eu jeˬ-ahˇ naw maꞈ maˬ dzaˬ ni lawˇ duˬ kʼoeˇ taˆ ya dzah puiˆ jiˇ meh. Naw maꞈ maˬ gaˇ ma lehˇ noeˬ-awˇ, kʼaˇ lawˇ kʼaˇ shehˇ-eu yawˬ jeˬ na luꞈ-ahˇ dzaˬ naˇ kʼawꞈ, naw maꞈ naꞈ-i jaˆ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Uˬ duˬ 1:13

Jeˬ zaˬ kʼoeˇ mawˇ-euˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ-ahˇ tsawˇ haˬ kʼoeˇ gʼaˬ ya tsiˬ shawˇ meh. Kʼoeˇ naˇ, lawˇ-eu jeˬ kʼoeˇ-ahˇ, piˇ ma gʼaˬ Sahˬpaˬ Miˬyehˇ jawˇ gaˇ yuˇ gʼeh-awˇ, mawˇ lah-ehˇ lawˇ duˬ kʼoeˇ taˆ dzah puiˆ-awˇ ya lawˇ meh. Heu loꞈ-ehˇ lawˇ-eu dzaˬ dzaˬ dawˇ dawˇ lawˇ-eu jeˬ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 1:5

Aˬ yawꞈ-euˬ mawˇ neˇ kʼoeˇ mawˇ-ahˇ, kʼoeˇ gaˇ aˬ yawꞈ ya sehꞈ meh. Kʼoeˇ naˇ, Aˬloˬ-euˬ aˬ li piˇ ma deuˬ, Sahˬpaˬ Miˬyehˇ jawˇ gaˇ mawˇ neˇ kʼoeˇ mawˇ-euˬ shiˬ yuˇ gʼeh-awˇ, sehˬ gʼawˆ gʼoˆ kʼehˬ-ahˇ jaˆ-eu lawˇ duˬ kʼoeˇ hmˬ-euˬ oeˬ paw pyawˬ luꞈ-ahˇ ya byaˆ shehˬ meh.

Uˬ duˬ 1:9

Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 17:11

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Teu baˬ da neh, tsawˇ haˬ zaˬ-euˬ iˬ baˇ sha dzeh-eu gʼaˇ duˬ, shiˬ kʼaˇ ngeuˇ-eu dawˬ tawˆ luꞈ lawˇ duˬ kʼoeˇ taˆ ya shehˆ daˆ meh lehˇ Sahˬpaˬ Miˬyehˇ dawˬ biꞈ taˬ-euˬ meh. Saꞈ laˇ pyeuꞈ-eu shiˬ-aˬ, iˬ baˇ yuˇ dzeh nya-eu meh.

Uˬ duˬ 3:1

Tsawˇ haˬ tiˬ gʼaˬ na, cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ lawˇ mawꞈ naˇ, maˇ byawꞈ maˬ baw-eu mawˇ gaw maˬ ngeuˇ naˇ, maˇ byawꞈ maˬ baw-eu mawˇ ma ya lawˇ meh.

Uˬ duˬ 4:30

Piˇ ma gʼaˬ, aˬ yawꞈ-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ dawˬ pehˬ-ahˇ aˬ yawꞈ ya shehˆ meh.