Dawˬmehˬ 12:17 - Akha

¹⁷ Sahˬpaˬ Miˬyehˇ-ahˇ lawˇ nehˬ-eu jeˬ pyeuꞈ-eu tseˇ bymˇ tiˬ bymˇ damˬ-euˬ dzaˬ lo gʼo cehˇ deuˬ, aˬ gaꞈ dzaˇ uiˇ, saˬ loˬ tsiˇ, gʼaw beh beh-euˬ mawˇ neˇ hawˇ-eu yawˇ, Sahˬpaˬ Miˬyehˇ-ahˇ biꞈ ma lehˇ naw maꞈ neh saˇ jaˇ dzaˬ taˬ-eu laꞈ sawˬ deuˬ, nui ma keuˆ-awˇ lawˇ-eu jeˬ hawˇ-eu nui jeˬ lawˇ-eu jeˬ heu deuˬ-ahˇ, naw maꞈ-euˬ jawˇ duˬ laꞈ kʼoeˇ maˬ ya dzaˬ-a.

Dawˬmehˬ 12:17 ပူးပေါင်းရင်းမြစ်များ

2 Laˬsaˬbaˬ 31:14

Leˬbiˇ tsawˇ haˬ Iˇmaˬnahˬ-euˬ aˬ li pyeuꞈ-eu, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ loꞈ-eu deuˬ kʼoeˇ taˆ aˬ yuiꞈ geuꞈ luꞈ-eu Kawˇleˬ-aˬ, Sahˬpaˬ Miˬyehˇ-ahˇ damˬ nehˬ laˇ-euˬ laꞈ sawˬ kʼoeˇ deuˬ-ahˇ ha geuꞈ-awˇ biˇ nehˬ-eu paw aˬ yuiꞈ geuꞈ-awˇ haw-euˬ meh.

1 Gawˇliˬtu 10:18

Iˇsaˬleˬlaˆ tsawˇ haˬ gaˇ kawˆ shaˇ sawˇ haw sheˇ. Lawˇ dzaˇ kʼaˇ dzaˬ-euˬ tsawˇ haˬ deuˬ-aˬ, lawˇ duˬ kʼoeˇ taˆ Miˬyehˇ-ahˇ lawˇ-eu jeˬ mˇ-eu laꞈ kʼoeˇ tiˬ gaˇ taꞈ-eu maˬ ngeuˇ-a loˇ.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

Dawˬmehˬ 12:26

Naw maꞈ-euˬ lawˇ-eu jeˬ hawˇ-eu naw maꞈ neh Sahˬpaˬ Miˬyehˇ-ahˇ biꞈ ma lehˇ saˇ jaˇ dzaˬ taˬ-euˬ laꞈ sawˬ deuˬ-ahˇ, uˬ duˬ tahˬ-eu jawˇ duˬ kʼoeˇ tsahˇ-ahˇ yuˇ gʼeh-awˬ.

Dawˬmehˬ 12:6

Miˬ dzaˬ dzah puiˆ-awˇ lawˇ-eu jeˬ hawˇ-eu, nui deuˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu nui deuˬ damˬ-eu jeˬ maˬ ehˇ, gʼaw beh beh-euˬ mawˇ neˇ hawˇ-eu yawˇ maˬ ehˇ, kʼoeˇ gaˇ naw maꞈ ya lawˇ meh.

Dawˬmehˬ 26:12

“Naw maꞈ-euˬ meuˬ deuˬ laꞈ kʼoeˇ jawˇ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ dzaˬ loꞈ dawˇ loꞈ ni, smˇ kʼoꞈ tiˬ poˆ aˬ yawꞈ maꞈ-ahˇ naw maꞈ-euˬ dzaˬ la gʼo cehˇ aˇ siˬ aˇ lu tseˇ bymˇ tiˬ bymˇ biꞈ-awˬ. Nawˇ kʼoeˇ loꞈ-ehˇ mˇ gʼaˬ ngeh,

Dawˬmehˬ 26:14

Tsawˇ ngoeˇ ngoeˇ luꞈ-eu aˇ yamˬ laꞈ kʼoeˇ, tseˇ bymˇ tiˬ bymˇ ngaˇ maˬ dzaˬ haw-aˬ. Ngaˇ maˬ shawˇ-eu tsawˇ haˬ pyeuꞈ luꞈ ngeh, ngaˬ-euˬ nymˇ laꞈ nyiˇ paw tseˇ bymˇ tiˬ bymˇ maˬ yuˇ doˆ gʼeh haw-aˬ. Tseˇ bymˇ tiˬ bymˇ yuˇ-awˇ, shiˇ-euˬ tsawˇ haˬ gʼaˇ duˬ ngaˇ maˬ lawˇ haw-aˬ. Sahˬpaˬ Miˬyehˇ-oˇ, nawˬ-euˬ ehˇ dawˬ-ahˇ ngaˇ naˇ haˬ-euˬ ma. Tseˇ bymˇ tiˬ bymˇ-ahˇ taꞈ leˇ-awˇ, nawˬ neh dawˬ kʼaˇ biꞈ taˬ-eu loꞈ-ehˇ, yawˬ jeˬ na luꞈ ngaˇ mˇ-euˬ ma.

1 Saˬmeuˬlaˆ 1:4

Aˬ yawꞈ kʼoꞈ yawꞈ Eˇlaˬkaˬnaˬ kʼaˇ lawˇ kʼaˇ shehˇ ngeh, Peˬniˇnaˬ hawˇ-eu aˬ yawꞈ-euˬ zaˬ yawˬ gʼaˬ na luꞈ-ahˇ, tiˬ gʼaˬ-ahˇ shaˬ jiˇ tiˬ bymˇ Eˇlaˬkaˬnaˬ bymˇ nehˬ-euˬ meh.