Dawˬmehˬ 11:4 - Akha

⁴ Iˇjiˇtuˆ guiˇ maꞈ deuˬ naw maꞈ mehˬ nah teh ngeh, aˬ yawꞈ maꞈ-euˬ mahˬ deuˬ hawˇ-eu mahˬ laˆ lawˬ deuˬ nehˬ-ehˇ tiˬ kawˆ loꞈ-ehˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ Sahˬpaˬ Miˬyehˇ laˆ luˬ laˆ seˇ nehˬ-euˬ gaˇ naw maꞈ ya mawˇ-euˬ meh.

Dawˬmehˬ 11:4 ပူးပေါင်းရင်းမြစ်များ

Jaceuq 106:11

Ehˇ kʼawꞈ muiˇ-eu deuˬ iˇ cuꞈ-ahˇ ga nuiꞈ-awˇ, tiˬ gʼaˬ-iˬ maˬ dzeuˇ-iˇ ni shiˇ jiˇ-euˬ meh.

Doˆ-iˇ 15:19

Iˇsaˬleˬlaˆ tsawˇ haˬ deuˬ-aˬ, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ tsehˆ doˆ-euˬ meh. Ehˇ kʼawꞈ, Iˇjiˇtuˆ tsawˇ haˬ-euˬ mahˬ laˆ lawˬ deuˬ hawˇ-eu, mahˬ laˆ lawˬ teh-eu tsawˇ haˬ deuˬ iˬ ma laˆ shaˆ laꞈ kʼoeˇ uˇ-iˇ ngeh, Sahˬpaˬ Miˬyehˇ iˇ cuꞈ paˇ bi dahˬ dzm laˇ-awˇ, aˬ yawꞈ maꞈ-ahˇ dahˬ pymˬ byoˆ-euˬ meh.

Doˆ-iˇ 15:4

“Iˇjiˇtuˆ guiˇ maꞈ hawˇ-eu mahˬ laˆ lawˬ deuˬ-ahˇ iˬ ma laˆ shaˆ laꞈ kʼoeˇ aˬ yawꞈ biˬ puꞈ-euˬ meh. Aˬ cawˬ naˆ maˬ tseˇ nya-eu aˬ yawꞈ maꞈ-eu aˬ yuiꞈ deuˬ, Iˬ ma laˆ shaˆ Yaw neˇ laꞈ kʼoeˇ ga puꞈ sehꞈ-euˬ meh.

Dawˬmehˬ 1:40

Ehˇ kʼawꞈ, naw maꞈ deuˬ-aˬ, mehˬ nah paw paˇ zeuˆ pyawˇ-awˇ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ dahˇ ka gʼeh-euˬ gaˇ ma caw caw-ehˇ, bawˇ tsahˬ bawˇ dahˇ paw paˇ gʼoꞈ-iˇ-awˬ’ lehˇ ehˇ-eu meh.

Dawˬmehˬ 11:5

Naw maꞈ heu gaˇ maˬ laˇ keuˆ mi naˆ-ehˇ, bawˇ tsahˬ bawˇ dahˇ laꞈ kʼoeˇ naw maꞈ gʼaˇ duˬ Sahˬpaˬ Miˬyehˇ neh mˇ-euˬ jeˬ gaˇ kawˆ naw maꞈ siˬ nya meh.

Dawˬmehˬ 2:1

“Kʼoeˇ naˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Aˬgaˬbaˬ iˬ ma laˆ shaˆ lahˇ gʼoꞈ paw dahˇ ka gʼeh-euˬ gaˇ ma caw caw-ehˇ, bawˇ tsahˬ bawˇ dahˇ paw aˬ dui maꞈ paˇ gʼoꞈ poˆ-iˇ-awˇ, Eˬdoˬ miˇ kʼahˬ gawˬ jawˬ gawˬ duˇ-ahˇ gʼawˬ myahˇ ni cah cah-ehˇ jawˇ-euˬ ma.

HeˬByehˇ 11:29

Iˇsaˬleˬlaˆ tsawˇ haˬ deuˬ Iˬ ma laˆ shaˆ Yaw neˇ nyiˬ tsehˆ-ehˇ gui coˇ ni gʼeh-eu miˇ tsaˬ-ahˇ nawˬ-awˇ tsehˆ doˆ nya-euˬ kʼoeˇ-aˬ, jah-eu jeˬ baˬ da neh meh. Iˇjiˇtuˆ tsawˇ haˬ deuˬ kʼoeˇ loꞈ-ehˇ tsehˆ doˆ-eu lehˇ leh jeh ngeh, iˇ cuꞈ neh bi dahˬ pymˬ sehꞈ jiˇ-euˬ meh.