Dawˬmehˬ 11:21 - Akha

²¹ Kʼoeˇ loꞈ-ehˇ jahˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, naw maꞈ hawˇ-eu naw maꞈ-euˬ zaˬ deuˬ gʼawˬ myahˇ ni ya jawˇ tehꞈ-a. Mˬ hawˇ-eu miˇ kʼaˇ jaˆ kʼoeˇ keuˆ ni, kʼoeˇ gaˇ naw maꞈ ya jawˇ tehꞈ-a.

Dawˬmehˬ 11:21 ပူးပေါင်းရင်းမြစ်များ

Jaceuq 72:5

Nahˇ ma bya-awˇ ba la kʼaˇ tsehˬ kʼoeˇ keuˆ ni, nawˬ-euˬ tsawˇ haˬ deuˬ nawˬ-ahˇ uˬ duˬ tahˬ luꞈ-uˇ. Aˬ kaˇ kaˇ ziˇ keuˆ ni nawˬ-ahˇ uˬ duˬ tahˬ luꞈ-uˇ. 1

Jaceuq 89:30

Ehˇ kʼawꞈ aˬ yawꞈ-euˬ zaˬ deuˬ uˆ deuˬ ngaˬ-euˬ zahˇ dawˬ kʼoꞈ dawˬ-ahˇ maˬ caw teh-ehˇ, ngaˬ-euˬ ehˇ dawˬ maˬ naˇ haˬ ni dehꞈ naˇ,

Dawqdaq 3:16

Zaˬ siˬ tsawˇ gahˇ-euˬ aˇ maˇ laꞈ-ahˇ, ziˇ baw ziˇ za-eu jeˬ ahˇ-awˇ, zaˬ siˬ tsawˇ gahˇ-euˬ aˇ caˇ laꞈ-ahˇ, pyuˇ shuiˇ hawˇ-eu myaˆ pyawˬ naˇ mehˇ ahˇ-eu meh.

Dawqdaq 3:2

Ngaˬ neh mehˬ-euˬ tsoˆ-euˬ dawˬ deuˬ-aˬ, nawˬ-ahˇ bi baw bi za le-awˇ, nawˇ ziˇ baw ziˇ za tehꞈ-a.

Dawqdaq 4:10

Ngaˬ li-oˇ, nawˇ ziˇ baw ziˇ za ni, ngaˬ neh ehˇ-euˬ dawˬ-ahˇ yaw muiˬ paˬ-ehˇ naˇ haˬ geuꞈ-awˬ.

Dawqdaq 9:11

Zaˬ siˬ tsawˇ gahˇ nawˬ-ahˇ ziˇ bi baw-awˇ, nawˬ-euˬ aˇ kʼoꞈ bi mahˇ dzehˬ laˇ tehꞈ-a.

Iˇsaˬyaˇ 65:20

Zaˬ nahˬ aˬ coeˇ dawˇ zaˬ deuˬ shiˇ-eu maˬ baw-ehˇ, tsawˇ haˬ dawˬ tawˆ ziˇ ya dehꞈ jiˇ tehꞈ-a. Aˇ kʼoꞈ tiˬ yaˇ byah-eu tsawˇ haˬ zaˬ guˬ-ahˇ duˇ leˇ-awˇ, kʼoeˇ gaˇ maˬ dehꞈ keuˆ ni shiˇ-eu jeˬ-aˬ, ngaˬ neh kʼehˬ nehˬ-euˬ saˇ kiˇ meh.

Dawˬmehˬ 11:9

Naw maꞈ-euˬ aˬ poeˬ aˬ bawˇ deuˬ hawˇ-eu aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ ma lehˇ Sahˬpaˬ Miˬyehˇ neh saˇ jaˇ dzaˬ taˬ-euˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.

Dawˬmehˬ 4:40

Naw maꞈ hawˇ-eu naw maꞈ-euˬ zaˬ deuˬ yaw muiˬ paˬ-ehˇ ya dehꞈ dzaˬ ni, iˬ nah ngaˇ naw maꞈ-ahˇ biꞈ nehˬ-eu aˬ yawꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ mˬ maˬ maˬ byaˆ zaˇ ziˇ jiˇ ni biꞈ taˬ-euˬ miˇ kʼahˬ kʼoeˇ kʼahˬ-ahˇ naw maꞈ ya dehˬ ya jawˇ daˆ leꞈ tehꞈ-a.”

Dawˬmehˬ 5:16

“Nawˇ yaw muiˬ paˬ-ehˇ ya dehꞈ ya jawˇ daˆ leꞈ-eu gʼaˇ duˬ maˬ ehˇ, ngaˇ nawˬ-ahˇ biꞈ-euˬ miˇ kʼahˬ laꞈ kʼoeˇ nawˇ ziˇ baw ni maˬ ehˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ nawˬ-ahˇ dawˬ biꞈ taˬ-euˬ loꞈ-ehˇ, nawˬ-euˬ aˬ da aˬ ma-ahˇ nawˇ yaw zeu ya baw meh.

Dawˬmehˬ 6:2

Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni ya dehꞈ ya jawˇ daˆ leꞈ-eu gʼaˇ duˬ, naw maꞈ yaw dehꞈ kʼaˇ dehꞈ kʼoeˇ keuˆ ni, naw maꞈ hawˇ-eu naw maꞈ-euˬ zaˬ deuˬ naw maˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-awˇ, ngaˇ naw maꞈ-ahˇ biꞈ-eu lehˇ gʼeh-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-awˬ.

Panmaeq 20:6

Gʼoꞈ dehꞈ beh beh laˇ-eu heu poˆ laꞈ kʼoeˇ ahˇ-eu tsawˇ haˬ deuˬ-aˬ, guiˬ lahˬ huiˬ dui dui-awˇ, laˬ kʼaˬ cehˇ dui dui-eu meh. Nyiˬ poˆ tiˬ poˆ shiˇ-eu jeˬ-euˬ baoˬ aˬ yawꞈ maꞈ-ahˇ maˬ gʼaˬ leˇ-a. Aˬ yawꞈ maꞈ-aˬ, Miˬyehˇ hawˇ-eu Ka li-euˬ piˇ ma ya geuꞈ-awˇ, aˬ yawꞈ nehˬ-ehˇ tiˬ heˇ kʼoꞈ ya uˆ lahˇ tehꞈ-a.