Dawˬmehˬ 11:18 - Akha

¹⁸ “Zahˇ dawˬ kʼoꞈ dawˬ heu deuˬ-ahˇ maˬ ya ngehˇ leˇ ni, naw maꞈ-euˬ nui ma laꞈ kʼoeˇ yaw muiˬ paˬ-ehˇ juiˇ taˬ-awˬ. Aˬ myah luꞈ noeˬ keuˆ-eu gʼaˇ duˬ, zahˇ dawˬ kʼoꞈ dawˬ heu deuˬ naw maꞈ-euˬ laꞈ du-ahˇ paꞈ-awˇ, naˇ kʼawˇ-ahˇ geuꞈ taˬ gʼeh-awˬ.

Dawˬmehˬ 11:18 ပူးပေါင်းရင်းမြစ်များ

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Doˆ-iˇ 13:16

Kʼoeˇ loꞈ-ehˇ mˇ-eu jeˬ-aˬ, aˬ dui-euˬ naˇ kʼawˇ-ahˇ maˬ ehˇ, laꞈ du-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni bi noeˬ mawˇ-eu jeˬ pyeuꞈ-awˇ, Sahˬpaˬ Miˬyehˇ neh aˬ yawꞈ-euˬ huiˬ-eu baoˬ-ahˇ gʼoe-awˇ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gaˇ, aˬ dui-ahˇ paˇ bi noeˬ mawˇ laꞈ tehꞈ-a’ lehˇ ehˇ nehˬ-awˬ.”

Doˆ-iˇ 13:9

Bawˬ-iˬ heu hmˬ-aˬ, naw maꞈ-euˬ laꞈ du-ahˇ maˬ ehˇ, naˇ kʼawˇ-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni noeˬ mawˇ-eu jeˬ pyeuꞈ tehꞈ-a. Bawˬ-iˬ heu hmˬ-aˬ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ maˬ tsehˆ leˇ ni gui poˆ-awˇ dzaw geuꞈ-eu gʼaˇ duˬ, naw maꞈ maˬ ya ngehˇ ni, bi noeˬ mawˇ-eu jeˬ pyeuꞈ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Dawqdaq 3:1

Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawqdaq 3:3

Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Yeˬlaˬmiˇ 32:39

Aˬ yawꞈ maꞈ nui noeˬ tiˬ jeˬ tehꞈ-ehˇ bi ahˇ ma. Aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ muiˬ ni, aˬ myah luꞈ ngaˬ-ahˇ yaw zeu baw-eu nui noeˬ tiˬ jeˬ tehꞈ-ehˇ aˬ yawꞈ maꞈ-euˬ nui ma laꞈ kʼoeˇ bi ahˇ ma.

Maꞈtehˬ 23:5

Aˬ yawꞈ maꞈ kʼaˇ mˇ kʼaˇ shaˇ-eu yawˬ jeˬ na luꞈ, aˬ cawˬ haw mawˇ ni mˇ-eu meh. Aˬ yawꞈ maꞈ-euˬ naˇ kʼawˇ hawˇ-eu laꞈ du-ahˇ paꞈ tawꞈ taˬ-euˬ, Jaˇliꞈ aˇ deuˆ boꞈ myahˬ taˬ-euˬ shaˬ kʼoˆ pawˬ behˆ kʼoeˇ deuˬ aˇ naˆ ni guꞈ huiˬ taˬ-euˬ nga lehˇ haw sheˇ. Aˬ yawꞈ maꞈ-euˬ pehˇ kʼahˬ pehˇ dahˬ-ahˇ tsoꞈ-eu dawˬ sheuˇ aˇ mah ni ahˇ nga lehˇ haw sheˇ.

Dawˬmehˬ 32:46

aˬ yawꞈ ehˇ-eu, “Iˬ nah ngaˇ naw maꞈ-ahˇ biꞈ gʼaˬ-eu zahˇ dawˬ kʼoꞈ dawˬ heu deuˬ-ahˇ maˬ ngehˇ ni caw teh-awˬ. Naw maꞈ-euˬ zaˬ deuˬ kʼawꞈ, Sahˬpaˬ Miˬyehˇ neh mehˬ nehˬ tsoˆ nehˬ-eu dawˬ deuˬ-ahˇ saˇ jaˇ ziꞈ-awˇ naˇ haˬ geuꞈ nya ni mehˬ poˆ nehˬ-awˬ.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

2 Beˬtuˆluˆ 1:12

Kʼoeˇ miˇ neh, gaˇ kawˆ heu deuˬ-ahˇ naw maꞈ siˬ nya jiˇ-awˇ, yawˬ ha za taˬ-euˬ yaw tsaˬ yaw dawˇ jeˬ laꞈ kʼoeˇ naw maꞈ ziꞈ dah ni jawˇ luꞈ-eu kʼawꞈ, gaˇ kawˆ heu deuˬ ngaˇ naw maꞈ-ahˇ tiˬ kʼehˬ maˬ taˬ ni ja noeˬ nehˬ ma.