Dawˬmehˬ 11:16 - Akha

¹⁶ Sahˬpaˬ Miˬyehˇ-ahˇ byehˇ dzeh-awˇ, miˬ yehˇ nui deuˬ-ahˇ uˬ duˬ tahˬ-eu gʼaˇ duˬ mehˇ shuiˇ shuiˇ gaˇ maˬ ya caw teh ni, naw maꞈ yaw kʼaˆ kʼaˆ-ehˇ yahˇ-awˬ.

Dawˬmehˬ 11:16 ပူးပေါင်းရင်းမြစ်များ

1 Sahˬpaˬ 8:35

“Nawˬ-euˬ tsawˇ haˬ deuˬ nawˬ-ahˇ mˇ lehˬ-euˬ miˇ neh, nawˇ uˬ yehˇ maˬ bi yehˇ le-ehˇ byehˇ ngeh, aˬ yawꞈ maꞈ nui ma paˇ laˇ-awˇ, Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ, nui ma nahˬ yu ni taˬ-eu laꞈ kʼoeˇ iˬ baˇ pyehˬ nehˬ laꞈ lehˇ shaˇ ngeh,

Yawˇbaˆ 31:27

Kʼoeˇ deuˬ-ahˇ taˬ huiˬ-awˇ yaw zeu baw-eu laꞈ kʼoeˇ, yawˬ ha-euˬ aˬ laꞈ-ahˇ mehˬ cuˇ cuˇ-eu jeˬ mˇ-awˇ, gaˇ ma maˬ cah bahˬ haw-aˬ.

Iˇsaˬyaˇ 44:20

Kʼoeˇ-aˬ, kʼaˬ lehˇ tawˆ dzaˬ-eu naˆ ni dawˇ ga ga gaˇ duˇ-eu meh. Aˬ dzawˬ aˇ gah-euˬ nui noeˬ neh bi sheuˬ pyawˇ taˬ-euˬ miˇ neh, aˬ yawꞈ-ahˇ ngehˬ maˬ paˇ gʼeh nehˬ nya meh. Aˬ yawꞈ-euˬ aˬ laꞈ-ahˇ tuˆ tehˬ taˬ-euˬ tahˬ pahˬ aˬ ma mawˇ kawˇ kʼoeˇ miˬ yehˇ maˬ ngeuˇ-eu gaˇ kawˆ, aˬ yawꞈ-ahˇ maˬ mehˬ paˇ nya-a.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Luˇkaꞈ 21:8

Yeˬsuˇ ehˇ-eu, “Aˬ cawˬ neh gaˇ ma maˬ bi sheuˬ bahˬ ni yaw gahˇ gahˇ-ehˇ dehꞈ-awˬ. Aˬ jeˬ miˇ neh ehˇ naˇ, ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ aˬ yawꞈ ma. Aˇ nah aˇ yamˬ kʼoeˇ yamˬ keuˆ le-euˬ meh’ lehˇ ehˇ tehꞈ-a. Aˬ yawꞈ maꞈ-euˬ mehˬ nah naw maꞈ taˬ caw teh.

Dawˬmehˬ 12:30

Tsawˇ jeuˬ kʼoeˇ deuˬ-ahˇ Sahˬpaˬ Miˬyehˇ laˆ cawˆ gʼaˬ ngeh, aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ deuˬ-ahˇ naw maꞈ maˬ ya caw teh ni yahˇ-awˬ. Aˬ jeˬ miˇ neh ehˇ naˇ, kʼoeˇ-aˬ, naw maꞈ bi shiˇ-eu gʼaˇ duˬ lahˇ ju kʼmˇ gaˇ duˇ-eu meh. Aˬ yawꞈ maꞈ uˬ duˬ tahˬ ngeh mˇ-eu loꞈ-ehˇ, naw maꞈ kʼawꞈ mˇ-eu lehˇ, aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ aˬ joˆ-ehˇ uˬ duˬ tahˬ-eu gaˇ kawˆ-ahˇ naw maꞈ pyehˆ tseˇ-eu laꞈ kʼoeˇ maˬ ya dzaw geuꞈ-a.

Dawˬmehˬ 13:3

aˬ yawꞈ ehˇ gaˇ taˬ naˇ haˬ. Naw maꞈ-euˬ nui ma dawˬ tawˆ luꞈ Sahˬpaˬ Miˬyehˇ-ahˇ gaˬ nga loˇ lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ zmˬ-awˇ, naw maꞈ-ahˇ lawˬ haw-eu jeˬ pyeuꞈ-eu meh.

Dawˬmehˬ 28:14

Ehˇ kʼawꞈ, aˬ jeˬ pyeuꞈ kʼawꞈ, zahˇ dawˬ kʼoꞈ dawˬ heu deuˬ-ahˇ nawˇ maˬ naˇ haˬ geuꞈ ni maˬ ya byehˇ-eu uˬ taꞈ, miˬ yehˇ nui deuˬ-ahˇ uˬ duˬ tahˬ-eu laꞈ kʼoeˇ aˬ yawꞈ maꞈ-euˬ zaˬ kʼaˆ maˬ ya geuꞈ-iˇ-a.

Dawˬmehˬ 29:17

Daˇ kawˬ, kʼaˬ lo, pyuˇ hawˇ-eu shuiˇ heu deuˬ neh jahˇ taˬ-euˬ maˬ haw nahˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ ya mawˇ haw-euˬ meh.

Dawˬmehˬ 29:18

Iˬ nah heu gaˇ yawꞈ luꞈ-eu kʼaˬ dzeˇ zaˬ hawˇ-eu zaˬ miˬ zaˬ aˬ geu gʼaˬ maˬ kaˬ, nymˇ jiˇ aˬ geu jiˇ maˬ kaˬ, tsawˇ jeuˬ aˬ geu jeuˬ maˬ kaˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬyehˇ deuˬ-ahˇ uˬ duˬ maˬ ya tahˬ ni, yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ mˇ-eu jeˬ-aˬ, kʼaˬ jehꞈ ni gʼeh-awˇ doꞈ kʼaˆ dui dui-eu aˇ bawˇ bi bawˇ laˇ-eu duˬ ciˇ-ahˇ duˇ-eu meh.

Dawˬmehˬ 30:17

Ehˇ kʼawꞈ, nawˇ maˬ naˇ haˬ geuꞈ-ehˇ, miˬyehˇ nui deuˬ-euˬ mehˬ nah caw teh-awˇ uˬ duˬ tahˬ naˇ,

Dawˬmehˬ 31:20

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ uˇ gʼeh ma. Kʼoeˇ gaˇ, aˬ yawꞈ maꞈ kʼaˇ dzaˬ mawꞈ-eu jeˬ tiˬ byah ni jaˆ-awˇ, yaw saˇ saˇ-ehˇ ya dehꞈ ya jawˇ tehꞈ-a. Ehˇ kʼawꞈ, aˬ yawꞈ maꞈ mehˬ shiˬ yawˬ paw yawˬ ciˬ pyawˇ-awˇ, miˬyehˇ nui deuˬ-ahˇ uˬ duˬ tahˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, ngaˬ-euˬ dawˬ ma saˇ jaˇ-ahˇ puiˬ tehꞈ-a.

Dawˬmehˬ 4:23

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ dzaˬ taˬ-euˬ dawˬ ma saˇ jaˇ-ahˇ naw maꞈ maˬ ya ngehˇ ni yaw kʼaˆ kʼaˆ-ehˇ yahˇ-awˬ. Tahˬ pahˬ aˬ ma mawˇ kawˇ maˬ ya tehˆ-a lehˇ ehˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ naˇ haˬ geuꞈ-awˬ.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Dawˬmehˬ 5:7

“Ngaˬ-euˬ mehˬ shi miˬ yehˇ nui gʼaˬ nawˇ maˬ ya bi jawˇ-a.

Dawˬmehˬ 8:19

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-awˇ, miˬyehˇ nui deuˬ-ahˇ tiˬ jawˇ-iˬ uˬ duˬ taˬ tahˬ. Naw maꞈ kʼoeˇ loꞈ-ehˇ jahˇ naˇ, aˬ diˇ aˬ maˇ laˆ luˬ laˆ seˇ nehˬ-eu jeˬ-ahˇ ya daˬ tehꞈ-a lehˇ, iˬ nah ngaˇ naw maꞈ-ahˇ ehˇ-eu ma.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

HeˬByehˇ 3:12

Jah-eu tsawˇ haˬ deuˬ pyeuꞈ-eu gaˬ-eu cawˬ deuˬ-oˇ, dehꞈ luꞈ-eu Miˬyehˇ-ahˇ byehˇ dzeh gaˇ keuˆ ni haiˬ-eu, maˬ jah-eu nui ma pi luꞈ-eu tsawˇ haˬ naw maꞈ laꞈ kʼoeˇ maˬ ya bi ahˇ ni yahˇ-awˬ.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

Yaˬkoˆ 1:26

Tsawˇ haˬ tiˬ gʼaˬ na uˬ duˬ tahˬ-eu zahˇ sahˇ kʼoꞈ-ahˇ yaw muiˬ paˬ-ehˇ caw teh luꞈ ma lehˇ noeˬ luꞈ ta loˇ. Yawˬ haˬ-euˬ kʼaˬ meh mehˬ boeˬ-ahˇ yawˬ ha maˬ gʼaˬ leˇ naˇ, aˬ yawꞈ-euˬ uˬ duˬ tahˬ-eu zahˇ sahˇ kʼoꞈ kʼoeˇ aˬ yawꞈ gʼaˇ duˬ gaˇ dahˇ maˬ tsoeˬ-eu uˬ taꞈ, yawˬ haˇ yawˬ ha jaˬ myawꞈ myawꞈ gaˇ duˇ-eu meh.

1 Yoˇhaˬ 5:21

Ngaˇ gaˬ dui dui-eu zaˬ deuˬ-oˇ, maˬ ngeuˇ-eu miˬ yehˇ deuˬ jawˇ paw maˬ ya pyawˇ-iˇ ni, yawˬ haˇ yawˬ ha yahˇ dui dui-awˬ.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Panmaeq 13:14

Jeˬ zaˬ yaw beh mawˇ-euˬ mehˬ shi zahˬ leˇ paˬ-ehˇ gʼeh-eu gʼawˬ mya jeˬ mˇ mehˬ-eu aˬ kawˬ-aˬ za taˬ-euˬ gaˇ gʼoe-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ-ahˇ aˬ yawꞈ sheuˬ bahˬ gʼeh-euˬ meh. Mi cehˇ neh bi deuˆ naˇ-awˇ, maˬ shiˇ-ehˇ dehꞈ luꞈ-eu jeˬ zaˬ kʼoeˇ mawˇ-ahˇ taˬ huiˬ taˬ mahˇ-eu laꞈ kʼoeˇ tahˬ pahˬ aˬ ma mawˇ kawˇ tehˆ-awˇ ka tuˇ-eu gʼaˇ duˬ, tsawˇ haˬ kʼoeˇ deuˬ-ahˇ aˬ yawꞈ dawˬ biꞈ-euˬ meh.

Panmaeq 20:4

Kʼoeˇ naˇ, dzoeˬ dzaˬ nuiˇ mahˬ tiˬ deuˬ-ahˇ ngaˇ ya mawˇ-euˬ ma. Kʼoeˇ gaˇ nuiˇ luꞈ-eu tsawˇ haˬ deuˬ-ahˇ yaˇ kʼaˬ daˇ-eu baoˬ biꞈ taˬ-euˬ meh. Yeˬsuˇ neh pah mehˬ-euˬ yaw tsaˬ yaw dawˇ gaˇ kawˆ hawˇ-eu Miˬyehˇ dawˬ kawˬ gaˇ kawˆ mehˬ-euˬ baˬ da neh bi sehꞈ-euˬ tsawˇ haˬ deuˬ-euˬ saꞈ laˇ deuˬ-ahˇ kʼawꞈ ya mawˇ-euˬ ma. Aˬ yawꞈ maꞈ-aˬ, jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ maˬ tahˬ-ehˇ, aˬ yawꞈ maꞈ-euˬ naˇ kʼawˇ hawˇ-eu aˬ laꞈ-ahˇ aˬ yawꞈ-euˬ jmˬ maˬ diˬ taˬ-aˬ. Aˬ yawꞈ maꞈ gʼoꞈ dehꞈ laˇ-awˇ, Ka li nehˬ-ehˇ sahˬ paˬ geuꞈ-awˇ tiˬ heˇ kʼoꞈ uˆ lahˇ-euˬ meh.

1 Saˬmeuˬlaˆ 12:20

Saˬmeuˬlaˆ ehˇ-eu, “Naw maꞈ taˬ guˆ. Heu loꞈ-ehˇ gʼeh-eu yaw lehˬ jeˬ naw maꞈ mˇ gʼaˬ-euˬ kʼawꞈ, Sahˬpaˬ Miˬyehˇ-ahˇ naw maꞈ maˬ paˇ byehˇ dzeh ni, naw maꞈ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ gaˇ mˇ-awˬ.

1 Saˬmeuˬlaˆ 12:21

Maˬ ngeuˇ-eu miˬ yehˇ deuˬ-euˬ mehˬ nah naw maꞈ taˬ caw teh. Kʼoeˇ deuˬ-aˬ, gaˇ dahˇ maˬ tsoeˬ-eu miˬyehˇ deuˬ pyeuꞈ-awˇ, naw maꞈ-ahˇ maˬ caw ba nehˬ nya, maˬ ka kʼoꞈ nehˬ nya-a.