Dawˬmehˬ 10:19 - Akha

¹⁹ Kʼoeˇ miˇ neh, boeˇ miˬ siˬ kʼaˬ deuˬ-ahˇ gaˬ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Dawˬmehˬ 10:19 ပူးပေါင်းရင်းမြစ်များ

Doˆ-iˇ 22:21

“Boeˇ miˬ siˬ kʼaˬ-ahˇ yehˬ bawˬ sehˇ lu-ehˇ maˬ ya jahˇ-a. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Yeˬsaˬgeˬlaˇ 47:22

Kʼoeˇ-aˬ, mˬ maˬ maˬ byaˆ zaˇ ziˇ naw maꞈ-ahˇ oꞈ-eu jeˬ biˇ meh. Naw maꞈ miˇ tsaˬ biˇ ngeh, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ hawˇ-eu, heu gaˇ dehꞈ le-euˬ tsawˇ haˬ deuˬ-ahˇ kʼawꞈ ya biˇ oꞈ nehˬ meh. Aˬ yawꞈ maꞈ-ahˇ Iˇsaˬleˬlaˆ miˇ kʼahˬ zaˬ lehˇ ya sawˇ-awˇ, shehˆ tsaˬ tsaˬ-eu laꞈ kʼoeˇ miˇ tsaˬ biˇ geuꞈ ngeh, aˬ yawꞈ maꞈ-ahˇ kʼawꞈ ya bi oꞈ leˇ meh.

Yeˬsaˬgeˬlaˇ 47:23

Aˬ cawˬ tsawˇ jeuˬ yawˬ gʼaˬ na luꞈ, aˬ yawꞈ kʼaˇ jawˇ taꞈ-eu Iˇsaˬleˬlaˆ tsawˇ jeuˬ tiˬ jeuˬ-ahˇ oꞈ-eu miˇ tsaˬ laꞈ kʼoeˇ, aˬ yawꞈ gʼaˇ duˬ miˇ tsaˬ jaˆ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Luˇkaꞈ 17:18

Aˬ cawˬ tsawˇ jeuˬ heu gʼaˬ maˬ ngeuˇ naˇ, gʼoꞈ dmˇ dzeh laˇ-awˇ, Miˬyehˇ-euˬ guiˬ lahˬ-ahˇ ja ceuˬ-eu maˬ siˬ nya ta loˇ.”

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Dawˬmehˬ 23:7

“Eˬdoˬ tsawˇ jeuˬ-ahˇ taˬ taˬ nyiˇ. Aˬ yawꞈ maꞈ-aˬ, nawˬ-euˬ aˬ yuiꞈ aˬ nyiˇ pyeuꞈ-eu meh. Iˇjiˇtuˆ tsawˇ haˬ-ahˇ kʼawꞈ taˬ taˬ nyiˇ. Aˬ yawꞈ maꞈ-euˬ miˇ kʼahˬ laꞈ kʼoeˇ nawˇ ya jawˇ haw-euˬ meh.

Dawˬmehˬ 23:8

Smˬ ziˇ dehꞈ dzeuˇ laꞈ ngeh, aˬ yawꞈ maꞈ-euˬ zaˬ deuˬ uˆ deuˬ-ahˇ, Sahˬpaˬ Miˬyehˇ-euˬ tsawˇ haˬ aˇ maꞈ laꞈ kʼoeˇ bi uˇ laˇ nya meh.