Dawˬmehˬ 1:45 - Akha

⁴⁵ Kʼoeˇ ngeh, ‘Caw ba nehˬ laꞈ-awˬ’ lehˇ Sahˬpaˬ Miˬyehˇ-ahˇ naw maꞈ guˇ-awˇ shaˇ-euˬ meh. Ehˇ kʼawꞈ, naw maꞈ guˇ gaˇ aˬ yawꞈ maˬ naˇ haˬ ni, maˬ gaˬ-euˬ geuꞈ-awˇ jawˇ-euˬ meh.

Dawˬmehˬ 1:45 ပူးပေါင်းရင်းမြစ်များ

Yawˇbaˆ 27:8

Aˬ yawꞈ maꞈ-euˬ saꞈ laˇ-ahˇ Miˬyehˇ yuˇ kʼoꞈ ngeh, Miˬyehˇ maˬ baw-eu tsawˇ haˬ deuˬ aˬ gaˇ noeˬ tmˬ kʼaˇ paˇ za ta.

Yawˇbaˆ 27:9

Shaˬ-eu zahˬ-eu jeˬ puˬ le ngeh, aˬ yawꞈ maꞈ guˇ-eu teˇ saˇ-ahˇ Miˬyehˇ naˇ haˬ nehˬ tehꞈ-a loˇ.

Jaceuq 66:18

Ngaˬ-euˬ nui ma laꞈ kʼoeˇ iˬ baˇ-ahˇ gaˬ law nmˇ-aˬ, ngaˬ-euˬ dawˬ-ahˇ Sahˬpaˬ Miˬyehˇ maˬ naˇ haˬ-aˇ.

Jaceuq 78:34

Aˬ yawꞈ maꞈ laꞈ kʼoeˇ tiˬ paˆ na deuˬ-ahˇ kʼaˇ bi shiˇ ngeh, dzeˇ-eu deuˬ aˬ yawꞈ jawˇ paw gʼoꞈ kʼoꞈ laˇ-awˇ, aˬ yawꞈ maꞈ nui ma noeˬ poˆ-eu laꞈ kʼoeˇ, nui ma laꞈ kʼoeˇ keuˆ ni guiˬ lahˬ shaˇ-eu meh.

Dawqdaq 1:25

ngaˬ neh ja sawˇ nehˬ-euˬ dawˬ-ahˇ maˬ geuꞈ-ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ naˇ haˬ geuꞈ-eu miˇ neh,

Dawqdaq 1:28

Kʼoeˇ ngeh naw maꞈ ngaˬ-ahˇ kuˇ kʼawꞈ, ngaˇ maˬ naˇ haˬ. Naw maꞈ ngaˬ-ahˇ poˆ sehꞈ leꞈ kʼawꞈ, maˬ poˆ mawˇ nya-aˇ.

Luˇkaꞈ 24:27

Kʼoeˇ naˇ, aˬ yawꞈ nyaꞈ-ahˇ Yeˬsuˇ ja shaw nehˬ-euˬ meh. Jaˇliꞈ laꞈ kʼoeˇ aˬ yawꞈ-euˬ gaˇ kawˆ kʼaˇ ehˇ taˬ-euˬ yawˬ jeˬ na luꞈ, Moˇseˬ neh boꞈ-euˬ sahˬ boꞈ deuˬ-ahˇ neh dahˬ beh-awˇ, Miˬyehˇ gʼaˇ duˬ ngeh dah-eu deuˬ neh boꞈ-euˬ sahˬ boꞈ deuˬ-ahˇ keuˆ ni, aˬ yawꞈ nyaꞈ gʼoˆ shaw nya ni Yeˬsuˇ ja mehˬ nehˬ-euˬ meh.

Yoˇhaˬ 9:31

Iˬ baˇ zaˬ-euˬ shaˇ dawˬ-ahˇ Miˬyehˇ maˬ naˇ haˬ-a lehˇ aˬ dui siˬ nya ma. Ehˇ kʼawꞈ, aˬ yawꞈ-ahˇ yaw zeu baw-awˇ, aˬ yawꞈ-euˬ nui kʼahˇ mˇ-eu deuˬ-euˬ shaˇ dawˬ-ahˇ naˇ haˬ nehˬ meh.

HeˬByehˇ 12:17

Aˇ nah hawˇ-eu aˬ da neh dawˬ ngehˬ gʼeh nehˬ-euˬ guiˬ lahˬ-ahˇ Iˇsawˇ geuꞈ mawꞈ-eu gaˇ kawˆ naw maꞈ siˬ nya meh. Ehˇ kʼawꞈ, aˬ yawꞈ-ahˇ byehˇ dzeh nehˬ gaˇ ya daˬ-euˬ meh. Aˬ jeˬ miˇ neh ehˇ naˇ, aˬ yawꞈ myaˆ biˇ doˆ doˆ-ehˇ aˇ naˆ ni leh jeh-euˬ kʼawꞈ, aˬ yawꞈ neh mˇ dzeuˇ-euˬ jeˬ-ahˇ maˬ paˇ laˆ paˇ nya meh.