Dawˬmehˬ 1:43 - Akha

⁴³ Sahˬpaˬ Miˬyehˇ neh kʼaˇ ehˇ-euˬ loꞈ-ehˇ, naw maꞈ-ahˇ ngaˇ dzawˇ nehˬ-euˬ kʼawꞈ, naw maꞈ maˬ naˇ haˬ geuꞈ-a. Naw maꞈ Sahˬpaˬ Miˬyehˇ-euˬ ehˇ dawˬ-ahˇ puiˬ-awˇ, nui ma huiˬ-eu laꞈ kʼoeˇ, gawˬ jawˬ gawˬ duˇ-ahˇ guiˇ deuˆ leˇ-eu lehˇ le-euˬ meh.

Dawˬmehˬ 1:43 ပူးပေါင်းရင်းမြစ်များ

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Bawˇtsahˬ 14:40

Yawˬ nah yawˬ uˬ shawˬ yaw naꞈ-ehˇ, aˬ yawꞈ maꞈ ehˇ-eu, “Sahˬpaˬ Miˬyehˇ neh saˇ jaˇ dzaˬ taˬ-euˬ jawˇ duˬ-ahˇ, nymˬ-mˇ nga maꞈ le-eu lehˇ gʼeh-eu ma. Nga maꞈ-aˬ, aˬ diˇ aˬ maˇ iˬ baˇ mˇ gʼaˬ-euˬ tsawˇ haˬ pyeuꞈ-eu ma lehˇ ehˇ-awˇ, gawˬ jawˬ gawˬ duˇ jaˆ-eu miˇ kʼahˬ-ahˇ le-eu lehˇ doˆ le luꞈ-eu meh.”

Bawˇtsahˬ 14:44

Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ hawˇ-eu Moˇseˬ-euˬ gʼawˇ mawˇ maˬ luˆ-iˇ ni jawˇ luꞈ-eu kʼawꞈ, aˬ yawꞈ maꞈ maˬ guˆ ni, gawˬ jawˬ gawˬ duˇ jaˆ-eu miˇ kʼahˬ-ahˇ le-euˬ meh.

Bawˇtsahˬ 15:30

Ehˇ kʼawꞈ, Iˇsaˬleˬlaˆ tsawˇ haˬ tiˬ gʼaˬ na maˬ ehˇ, boeˇ miˬ siˬ kʼaˬ tiˬ gʼaˬ na maˬ ehˇ, maˇ maˇ ni iˬ baˇ mˇ ma lehˇ noeˬ-awˇ mˇ naˇ, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-eu iˬ baˇ naꞈ-eu miˇ neh, sehꞈ gaˇ ya daˬ tehꞈ-a.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Dawˬmehˬ 1:26

“Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ naw maꞈ puiˬ-awˇ, miˇ kʼahˬ kʼoeˇ kʼahˬ-ahˇ naw maꞈ maˬ uˇ leˇni jawˇ-euˬ meh.

Dawˬmehˬ 17:12

Yaˇ kʼaˬ daˇ-eu deuˬ-euˬ dawˬ-ahˇ maˬ ehˇ, kʼoeˇ gaˇ piˇ ma geuꞈ luꞈ-eu gʼaˬ-euˬ dawˬ-ahˇ maˬ ehˇ, maˬ naˇ haˬ geuꞈ-eu tsawˇ haˬ-ahˇ ya sehꞈ meh. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ laꞈ kʼoeˇ maˬ muiˬ maˬ jaˬ-eu jeˬ maˬ bi jaˆ ni naw maꞈ yuˇ dzeh-awˬ.