Dawˬmehˬ 1:35 - Akha

³⁵ ‘Maˬ muiˬ maˬ jaˬ-eu ziˇ heu ziˇ laꞈ kʼoeˇ kʼaˇ dehꞈ luꞈ-eu naw maꞈ deuˬ, naw maꞈ-euˬ aˬ poeˬ aˬ bawˇ deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ, miˇ tsaˬ miˇ muiˬ muiˬ dui dui-awˇ bawˬ le za le-eu miˇ kʼahˬ kʼoeˇ kʼahˬ laꞈ kʼoeˇ, tiˬ gʼaˬ-iˬ maˬ ya le uˇ-a.

Dawˬmehˬ 1:35 ပူးပေါင်းရင်းမြစ်များ

Jaceuq 106:26

Kʼoeˇ miˇ neh, aˬ yawꞈ maꞈ-ahˇ aˬ yawꞈ yaw kʼaˆ-ehˇ mehˬ nehˬ-awˇ, kʼaˇ shuiꞈ deh-ahˇ bi shiˇ jiˇ ma lehˇ ehˇ nehˬ-euˬ meh.

Jaceuq 95:11

Ngaˇ nui ma pehˇ-awˇ heu loꞈ-ehˇ ehˇ tsehˆ nehˬ-euˬ ma. Naw maꞈ gʼaˬ naˬ bi naˬ-eu lehˇ, ngaˬ neh lehˬ hmˬ taˬ-euˬ miˇ kʼahˬ-ahˇ, naw maꞈ maˬ ya uˇ leˇ-aˇ’ lehˇ ehˇ tsehˆ nehˬ-euˬ ma.”

Yeˬsaˬgeˬlaˇ 20:15

Kʼoeˇ miˇ neh, ngaˬ neh aˬ yawꞈ maꞈ-ahˇ biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ sheuˬ gʼeh nehˬ lehˇ, bawˇ tsahˬ bawˇ dahˇ laꞈ kʼoeˇ ngaˇ ehˇ tsehˆ nehˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

1 Gawˇliˬtu 10:5

Ehˇ kʼawꞈ, aˬ yawꞈ maꞈ myaˬ ni tiˬ paˆ-ahˇ Miˬyehˇ nui ma maˬ tsaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh yaˇ-ahˇ bi shiˇ dzeh-euˬ meh.

Dawˬmehˬ 1:8

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

Dawˬmehˬ 2:14

Kʼoeˇ ngeh, Kaˬdeˬshaˇbaˬneˬ-ahˇ neh aˬ dui maꞈ doˆ laˇ-euˬ smˬ tseˇ yehꞈ kʼoꞈ byah laˇ-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, kʼoeˇ ziˇ laꞈ kʼoeˇ guiˇ kʼaˇ deuˆ-eu tsawˇ haˬ deuˬ shiˇ dzeuˇ jiˇ-euˬ meh.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

HeˬByehˇ 3:16

Miˬyehˇ-euˬ dawˬ ya gaˬ-awˇ Miˬyehˇ-ahˇ puiˬ-euˬ tsawˇ haˬ deuˬ aˬ suˇ gʼaˬ-a. Iˇjiˇtuˆ miˇ kʼahˬ laꞈ kʼoeˇ Moˇseˬ neh sheuˬ doˆ nehˬ-euˬ tsawˇ haˬ kʼoeˇ deuˬ dawˬ tawˆ luꞈ maˬ ngeuˇ-a loˇ.