Dawˬmehˬ 1:33 - Akha

³³ Naw maꞈ bi jawˇ naˬ-eu gʼaˇ duˬ jawˇ zaˇ shaˇ-eu lehˇ, naw maꞈ-euˬ mehˬ hu, aˬ myah luꞈ aˬ yawꞈ iˇ luꞈ-eu kʼawꞈ, aˬ yawꞈ-ahˇ naw maꞈ maˬ jah-a. Naw maꞈ-ahˇ gaˇ ma mehˬ-eu gʼaˇ duˬ, uˬ ciꞈ paw miˬ dzaˬ kʼawˇ zeuˇ laꞈ kʼoeˇ maˬ ehˇ, nah gʼahˇ paw mˬ dmˇ kʼawˇ zeuˇ laꞈ kʼoeˇ maˬ ehˇ, naw maꞈ-euˬ mehˬ shi aˬ yawꞈ iˇ luꞈ-eu meh.

Dawˬmehˬ 1:33 ပူးပေါင်းရင်းမြစ်များ

Neˬhaˬmiˇ 9:12

Nah gʼahˇ paw mˬ dmˇ neh gaˇ ma mehˬ-awˇ, uˬ ciꞈ paw miˬ dzaˬ bya nehˬ-eu laꞈ kʼoeˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Jaceuq 105:39

Aˬ yawꞈ-euˬ tsawˇ haˬ deuˬ-ahˇ mˬ dmˇ joe shmˇ nehˬ-awˇ, uˬ ciꞈ paw miˬ dzaˬ yaw shehꞈ bya nehˬ-euˬ meh.

Jaceuq 77:20

Moˇseˬ hawˇ-eu Aˬloˬ-ahˇ nawˇ gʼoe-awˇ, yawˇ bo-eu yaw sahˇ loꞈ-ehˇ, nawˬ-euˬ tsawˇ haˬ deuˬ-ahˇ nawˇ sheuˬ gʼeh-euˬ meh.

Jaceuq 78:14

Nah gʼahˇ paw mˬ dmˇ neh bi sheuˬ gʼeh-euˬ meh.

Doˆ-iˇ 14:24

Sahˬpaˬ Miˬyehˇ-aˬ, uˬ bya maˬ bya shawˇ laˇ mi naˆ-ehˇ, mˬ dmˇ kʼawˇ zeuˇ hawˇ-eu miˬ dzaˬ kʼawˇ zeuˇ jaˆ gaˇ neh Iˇjiˇtuˆ guiˇ maꞈ jawˇ gaˇ haw ka gʼeh-awˇ, laˆ bahˬ laˆ baˆ nehˬ-awˇ bi shaˬ-euˬ meh.

Yeˬlaˬmiˇ 31:2

Sahˬpaˬ Miˬyehˇ heu loꞈ-ehˇ ehˇ-eu meh. “Mi zaˬ mi cehˇ uˬ moˆ dzeuˇ-iˇ-euˬ deuˬ, bawˇ tsahˬ bawˇ dahˇ laꞈ kʼoeˇ ngaˇ gʼawˬ shaˬ gaˬ nehˬ ma. Iˇsaˬleˬlaˆ tsawˇ haˬ deuˬ-ahˇ nui saˇ oꞈ-eu jeˬ biꞈ le ma.”

Yeˬsaˬgeˬlaˇ 20:6

Kʼoeˇ ngeh jawˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-awˇ, aˬ yawꞈ maꞈ gʼaˇ duˬ ngaˬ neh tseˇ doˆ taˬ-euˬ miˇ kʼahˬ-ahˇ sheuˬ gʼeh nehˬ ma lehˇ, ngaˇ saˇ jaˇ dzaˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ, baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Zaˬkaˬliˇ 2:5

Sahˬpaˬ Miˬyehˇ-euˬ mawˇ do miˬ dzaˬ kaˇ pyawˇ loꞈ-ehˇ meuˬ-ahˇ haw piˇ-eu uˬ taꞈ, aˬ yawꞈ-euˬ yaw shehꞈ kʼahˬ sehˇ dawˬ tawˆ luꞈ pi-awˇ kʼoeˇ gaˇ jawˇ ma lehˇ, Sahˬpaˬ Miˬyehˇ saˇ jaˇ dzaˬ taˬ-euˬ meh lehˇ ehˇ nehˬ-awˬ.”

Bawˇtsahˬ 10:33

Iˇsaˬleˬlaˆ tsawˇ haˬ deuˬ muiˬ-eu shawˇ-eu gawˬ jawˬ pyeuꞈ-eu Siˇnaˆ gawˬ jawˬ-ahˇ neh doˆ-iˇ ngeh, smˬ nah gaˇ ma iˇ gʼeh-euˬ meh. Aˬ yawꞈ maꞈ jawˇ naˬ-eu jawˇ duˬ mawˇ nya-eu gʼaˇ duˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ aˬ myah luꞈ aˬ yawꞈ maꞈ-euˬ mehˬ hu paw tehꞈ-ehˇ iˇ luꞈ-eu meh.

Bawˇtsahˬ 14:14

miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ kʼoeˇ deuˬ-ahˇ, gaˇ kawˆ kʼoeˇ aˬ yawꞈ maꞈ dzawˇ nehˬ tehꞈ-a. Sahˬpaˬ Miˬyehˇ nawˇ nga maꞈ nehˬ-ehˇ jawˇ-eu gaˇ kawˆ maˬ ehˇ, nawˬ-euˬ mˬ dmˇ nga maꞈ kʼoeˇ taˆ naˬ le ngeh nawˬ-ahˇ bya cehˆ ni ya mawˇ-euˬ gaˇ kawˆ maˬ ehˇ, nah gʼahˇ paw mˬ dmˇ kʼawˇ zeuˇ neh nga maꞈ-ahˇ nawˇ sheuˬ gʼeh-euˬ gaˇ kawˆ maˬ ehˇ, uˬ ciꞈ paw miˬ dzaˬ kʼawˇ zeuˇ neh sheuˬ gʼeh-euˬ gaˇ kawˆ maˬ ehˇ, tsawˇ haˬ kʼoeˇ deuˬ ya siˬ ya mawˇ gʼaˬ-euˬ meh.