Dawˬmehˬ 1:28 - Akha

²⁸ Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.

Dawˬmehˬ 1:28 ပူးပေါင်းရင်းမြစ်များ

Aˇ dahˬ 11:4

“Aˬ dui maꞈ maˬ ya gʼawˬ maˬ ya gʼehˇ-iˇ-eu gʼaˇ duˬ maˬ ehˇ, tsawˇ myahˇ doˆ-awˇ kʼahˬ sehˇ jaˆ-eu tsawˇ haˬ deuˬ pyeuꞈ laˇ-eu gʼaˇ duˬ maˬ ehˇ, meuˬ tiˬ meuˬ teˬ-awˇ, mˬ-ahˇ tuˆ-eu nymˇ nymˇ ma tiˬ nymˇ gawˬ kaˇ-euˇ” lehˇ, aˬ yawꞈ maꞈ ehˇ-eu meh.

Doˆ-iˇ 15:15

Eˬdoˬ tsawˇ jeuˬ aˬ yuiꞈ aˬ tsu deuˬ tsawˬ guˆ-iˇ-euˬ meh. Mawˇ baˆ tsawˇ haˬ baoˬ ahˇ-eu deuˬ yaw dzuˬ dzuˬ meh. Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ guˆ-eu nui ma ahˇ laˇ-euˬ meh.

Iˇsaˬyaˇ 13:7

Kʼoeˇ miˇ neh tsawˇ haˬ dawˬ tawˆ luꞈ laꞈ shiˇ shiˇ-awˇ, nui ma ga ka jiˇ tehꞈ-a.

Yeˬsaˬgeˬlaˇ 21:7

Aˬ jeˬ miˇ neh teu loꞈ-ehˇ mahˇ te lehˇ aˬ yawꞈ maꞈ nawˬ-ahˇ naˇ haˬ laˇ naˇ, gaˇ kawˆ gaˬ le-eu maˬ muiˬ-eu miˇ neh mahˇ-eu ma lehˇ ehˇ nehˬ-awˬ. Aˇ yamˬ kʼoeˇ keuˆ le ngeh, nui ma ga ka jiˇ-awˇ, aˬ laꞈ laꞈ shiˇ shiˇ jiˇ-eu uˬ taꞈ, nui ma cawˆ dui dui-awˇ pawˬ tsuiꞈ gʼaˬ maˬ ahˇ ni pyeuꞈ-iˇ tehꞈ-a. Aˇ yamˬ kʼoeˇ keuˆ le luꞈ meh. Aˬ diˇ aˬ maˇ keuˆ le meh lehˇ ehˇ nehˬ-awˬ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh,

Dawˬmehˬ 1:29

“Ehˇ kʼawꞈ, ngaˇ heu loꞈ-ehˇ ehˇ-euˬ ma.

Dawˬmehˬ 2:10

(Aˇlaˆ meuˬ laꞈ kʼoeˇ, gʼaˬ kʼaˆ-awˇ, huiˬ-eu goˇ-eu Eˇmiˬ lehˇ kuˇ-eu tsawˇ haˬ deuˬ jawˇ-eu meh. Aˬ yawꞈ maꞈ-aˬ, huiˬ dui goˇ dui dui-eu tsawˇ jeuˬ pyeuꞈ-eu Aˬnaˬkaˆ tsawˇ haˬ deuˬ naˆ ni goˇ-eu meh.

Dawˬmehˬ 20:20

Aˇ siˬ aˇ bawˇ maˬ ngeuˇ-eu aˇ bawˇ nui deuˬ tuˇ-awˇ, guiˇ deuˆ gaˇ zmˬ nya meh.

Dawˬmehˬ 20:8

“Kʼoeˇ naˇ, guiˇ maꞈ-ahˇ uˆ lahˇ-eu yaw huiˬ geuꞈ-eu deuˬ heu loꞈ-ehˇ paˇ ya ehˇ meh. ‘Guˆ nya-eu tsawˇ haˬ keuˬ te loˇ. Keuˬ naˇ, gʼoꞈ-iˇ-awˬ. Maˬ ngeuˇ naˇ, aˬ yawꞈ baˬ da neh nui deuˬ gʼaˬ baˬ laˇ tehꞈ-a’ lehˇ paˇ ya ehˇ meh.

Dawˬmehˬ 7:17

“Tsawˇ haˬ heu deuˬ naw maꞈ myaˆ maˬ tseˇ myaˬ dzehˬ-eu miˇ neh maˬ teh doˆ nya luꞈ-a lehˇ naw maꞈ yawˬ haˇ yawˬ ha taˬ ehˇ.

Yawˇshuˆ 11:22

Iˇsaˬleˬlaˆ miˇ kʼahˬ laꞈ kʼoeˇ Aˬnaˬkaˆ tsawˇ jeuˬ tiˬ gʼaˬ-iˬ maˬ jawˇ ni pyeuꞈ-iˇ-euˬ meh. Ehˇ kʼawꞈ, Gaˬzaˬ meuˬ, Gaˬdaˇ meuˬ hawˇ-eu, Aˬshaˬdoˇ meuˬ-ahˇ ui cuiˆ na dzeˇ yaꞈ-euˬ meh.

Yawˇshuˆ 14:8

Ngaˬ nehˬ-ehˇ tiˬ kawˆ loꞈ-ehˇ kʼoeˬ sho haw laˇ-euˬ tsawˇ haˬ deuˬ-aˬ, aˬ dui-euˬ tsawˇ haˬ deuˬ guˆ ni, ja guˆ-euˬ meh. Ehˇ kʼawꞈ, ngaˇ gʼaˬ-aˬ, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ-ahˇ saˇ jaˇ ziꞈ-awˇ, aˬ yawꞈ-euˬ dawˬ-ahˇ naˇ haˬ geuꞈ-euˬ ma.

Yawˇshuˆ 15:14

Aˬnaˬkaˆ-euˬ zaˬ deuˬ uˆ deuˬ pyeuꞈ-eu Sheˬshaiˇ aˇ jeuˬ, Aˬhiˇmaˬ aˇ jeuˬ hawˇ-eu Taˬlaˬmehˇ aˇ jeuˬ-ahˇ Gaˬlehˆ teh doˆ-euˬ meh.

Yawˇshuˆ 2:11

Gaˇ kawˆ kʼoeˇ ya gaˬ-euˬ nehˬ-ehˇ nga maꞈ guˆ guˆ-ehˇ jawˇ-euˬ ma. Naw maꞈ baˬ da neh nga maꞈ nui ma gʼaˬ baˬ dui dui luꞈ-eu ma. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, uˆ lahˇ-eu Miˬyehˇ pyeuꞈ-eu meh.

Yawˇshuˆ 2:24

Aˬ yawꞈ nyaꞈ ehˇ-eu, “Miˇ kʼahˬ kʼoeˇ kʼahˬ kʼahˬ lah ni Sahˬpaˬ Miˬyehˇ aˬ dui-ahˇ biꞈ laꞈ-eu yaw duˬ baw meh. Kʼoeˇ gaˇ jawˇ-eu tsawˇ haˬ dawˬ tawˆ luꞈ aˬ dui-ahˇ guˆ dui dui luꞈ meh.”

Yawˇshuˆ 2:9

aˬ yawꞈ nyaꞈ-ahˇ heu loꞈ-ehˇ ehˇ nehˬ-euˬ meh. “Miˇ kʼahˬ heu kʼahˬ Sahˬpaˬ Miˬyehˇ neh naw maꞈ-ahˇ biꞈ gʼaˬ-euˬ meh lehˇ ngaˇ siˬ nya ma. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ naw maꞈ-ahˇ guˆ dui dui meh.

Yaˇ kʼaˬ daˇ 1:10

Giˇliˇyaˆaˬbaˬ meuˬ lehˇ kuˇ-eu Heˬbyoˬ meuˬ-ahˇ jawˇ-eu Kaˬnaˬ tsawˇ haˬ deuˬ jawˇ gaˇ aˬ yawꞈ maꞈ le-awˇ, guiˇ deuˆ leˇ-euˬ meh. Sheˬshaiˇ aˇ jeuˬ, Aˬhiˇmaˬ aˇ jeuˬ hawˇ-eu, Taˬlaˬmehˇ aˇ jeuˬ-ahˇ, kʼoeˇ gaˇ aˬ yawꞈ maꞈ deuˆ gʼaˬ-euˬ meh.

Yaˇ kʼaˬ daˇ 1:20

Moˇseˬ neh dawˬ biꞈ taˬ-euˬ loꞈ-ehˇ, Gaˬlehˆ-ahˇ Heˬbyoˬ meuˬ biꞈ-euˬ meh. Meuˬ kʼoeˇ meuˬ laꞈ kʼoeˇ jawˇ-eu Aˬnaˬkaˆ-euˬ zaˬ deuˬ uˆ deuˬ pyeuꞈ-eu aˇ jeuˬ smˇ jeuˬ-ahˇ aˬ yawꞈ teh doˆ-euˬ meh.