Dawˬmehˬ 1:26 - Akha

²⁶ “Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ naw maꞈ puiˬ-awˇ, miˇ kʼahˬ kʼoeˇ kʼahˬ-ahˇ naw maꞈ maˬ uˇ leˇni jawˇ-euˬ meh.

Dawˬmehˬ 1:26 ပူးပေါင်းရင်းမြစ်များ

Neˬhaˬmiˇ 9:16

Ehˇ kʼawꞈ nga maꞈ-euˬ poeˬ piˬ deuˬ nui ma gʼahˇ-awˇ, nawˬ-euˬ dawˬ-ahˇ maˬ naˇ haˬ-a.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Dawˬmehˬ 1:25

Kʼoeˇ gaˇ siˬ-eu aˇ siˬ aˇ lu tiˬ paˆ na deuˬ aˬ yawꞈ maꞈ yuˇ kʼoꞈ leꞈ-awˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ biꞈ-eu lehˇ gʼeh-eu miˇ kʼahˬ-aˬ, miˇ tsaˬ miˇ muiˬ muiˬ dui dui-eu miˇ kʼahˬ pyeuꞈ-eu gaˇ kawˆ tsaꞈ gaˬ le-euˬ meh.

Dawˬmehˬ 1:43

Sahˬpaˬ Miˬyehˇ neh kʼaˇ ehˇ-euˬ loꞈ-ehˇ, naw maꞈ-ahˇ ngaˇ dzawˇ nehˬ-euˬ kʼawꞈ, naw maꞈ maˬ naˇ haˬ geuꞈ-a. Naw maꞈ Sahˬpaˬ Miˬyehˇ-euˬ ehˇ dawˬ-ahˇ puiˬ-awˇ, nui ma huiˬ-eu laꞈ kʼoeˇ, gawˬ jawˬ gawˬ duˇ-ahˇ guiˇ deuˆ leˇ-eu lehˇ le-euˬ meh.

Dawˬmehˬ 9:23

Kʼoeˇ naˇ, aˬ yawꞈ neh naw maꞈ-ahˇ biꞈ-euˬ miˇ kʼahˬ-ahˇ jawˇ leˇ-awˬ lehˇ, Kaˬdeˬshaˇ Baˬneˬ lehˇ kuˇ-eu jawˇ duˬ-ahˇ neh naw maꞈ-ahˇ bi le ngeh kʼawꞈ, naw maꞈ aˬ yawꞈ-ahˇ puiˬ-euˬ meh.