Dawˬmehˬ 1:17 - Akha

¹⁷ Yaˇ kʼaˬ daˇ ngeh, myaˆ pyawˬ huiˬ nyiˇ taˬ tseˇ. Aˬ joˆ-ehˇ gʼeh-eu tsawˇ haˬ-ahˇ maˬ kaˬ, daˇ nehˬ-awˬ. Tsawˇ haˬ tiˬ gʼaˬ-ahˇ-iˬ taˬ guˆ. Aˬ jeˬ miˇ neh ehˇ naˇ, naw maꞈ neh yaˇ kʼaˬ daˇ-euˬ kʼoeˇ-aˬ, Miˬyehˇ neh daˇ-euˬ jeˬ pyeuꞈ-eu meh. Naw maꞈ gʼaˇ duˬ aˇ dzehˬ-ehˇ shaˬ-eu gaˇ doˆ laˇ naˇ, ngaˇ jawˇ gaˇ laˇ-awˬ. Ngaˇ jahˇ jiˇ nehˬ ma.

Dawˬmehˬ 1:17 ပူးပေါင်းရင်းမြစ်များ

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

2 Saˬmeuˬlaˆ 14:14

Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

2 Laˬsaˬbaˬ 19:5

Yuˇdaˆ miˇ kʼahˬ-ahˇ jaˆ-eu ziꞈ dah ni tsoˆ taˬ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu deuˬ aˬ yawꞈ tseˇ doˆ-awˇ, yaˇ kʼaˬ bi daˇ-euˬ meh.

2 Laˬsaˬbaˬ 19:6

Yaˇ kʼaˬ daˇ-eu deuˬ-ahˇ aˬ yawꞈ heu loꞈ-ehˇ mehˬ nehˬ tsoˆ nehˬ-euˬ meh. “Naw maꞈ yaˇ kʼaˬ daˇ ngeh yaw muiˬ paˬ-ehˇ shaˇ noeˬ -awˇ daˇ-awˬ. Aˬ jeˬ miˇ neh ehˇ naˇ, tsawˇ haˬ zaˬ-euˬ baoˬ-ahˇ gʼoe-awˇ naw maꞈ yaˇ kʼaˬ daˇ-eu maˬ ngeuˇ-a. Sahˬpaˬ Miˬyehˇ-euˬ baoˬ-ahˇ gʼoe-awˇ daˇ-eu meh. Naw maꞈ yaˇ kʼaˬ daˇ ngeh, aˬ yawꞈ naw maꞈ nehˬ-ehˇ jawˇ-eu meh.

Yawˇbaˆ 31:34

Aˬ cawˬ ngaˬ-ahˇ ehˇ laˇ gaˇ ngaˇ maˬ guˆ-ehˇ, aˬ cawˬ ja doeˇ gaˇ maˬ gaˬ peuˬ-eu miˇ neh iˇ kahˇ laꞈ kʼoeˇ ciˬ cuˇ ni jawˇ byoˆ-euˬ maˬ jaˆ haw-aˬ.

Jaceuq 82:2

“Naw maꞈ maˬ tsaˬ maˬ dawˇ-euˬ laꞈ kʼoeˇ yaˇ kʼaˬ daˇ-eu jeˬ taˬ paˇ mˇ. Haiˬ-euˬ tsawˇ haˬ deuˬ-euˬ myaˆ pyawˬ-ahˇ taˬ paˇ haw.

Doˆ-iˇ 18:18

“Nawˇ mˇ-eu maˬ tsaˬ nga siˬ. Heu loꞈ-ehˇ mˇ naˇ, nawˬ-euˬ gʼaˇ duˬ maˬ ehˇ, nawˬ-euˬ tsawˇ haˬ deuˬ gʼaˇ duˬ maˬ ehˇ, yaw shaˬ tehꞈ-a. Gaˇ heu hmˬ-aˬ, nawˇ tiˬ gʼaˬ tehꞈ-ehˇ mˇ gʼaˬ coeˇ-eu gaˇ maˬ ngeuˇ nga.

Doˆ-iˇ 18:22

Aˬ yawꞈ maꞈ-ahˇ, Iˇsaˬleˬlaˆ tsawˇ haˬ deuˬ kʼoeˇ taˆ aˬ myah luꞈ yaˇ kʼaˬ daˇ nehˬ-eu yaˇ kʼaˬ daˇ-eu tsawˇ haˬ deuˬ bi geuꞈ-awˬ. Huiˬ dui dui-eu gaˇ deuˬ-aˬ, nawˇ jawˇ gaˇ aˬ yawꞈ maꞈ ya yuˇ laꞈ meh. Ehˇ kʼawꞈ, gaˇ yaw nyiˇ deuˬ-ahˇ, aˬ yawꞈ maꞈ yawˬ haˇ yawˬ ha jahˇ jiˇ nya tehꞈ-a. Kʼoeˇ loꞈ-ehˇ jahˇ-awˇ, nawˬ-euˬ kʼaˆ behˆ aˬ yawꞈ maꞈ caw pi naˇ, nawˇ gaˇ mˇ-eu awˬ dzehˬ laˇ tehꞈ-a.

Doˆ-iˇ 18:26

Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ kʼoeˇ taˆ, aˬ myah luꞈ yaˇ kʼaˬ daˇ nehˬ-eu yaˇ kʼaˬ daˇ-eu tsawˇ haˬ deuˬ geuꞈ-awˇ, huiˬ-eu gaˇ deuˬ tehꞈ-ehˇ Moˇseˬ jawˇ gaˇ bi keuˆ leˇ-awˇ, nyiˇ-eu gaˇ deuˬ-ahˇ yawˬ haˇ yawˬ ha jahˇ jiˇ-euˬ meh.

Dawqdaq 18:5

Haiˬ-eu tsawˇ haˬ-euˬ myaˆ pyawˬ-ahˇ haw-awˇ, tsaˬ-eu tsawˇ haˬ-ahˇ guiˇ oꞈ tiꞈ-eu maˬ muiˬ-a.

Dawqdaq 24:23

Zaˬ siˬ tsawˇ gahˇ ahˇ-eu tsawˇ haˬ deuˬ neh heu loꞈ-ehˇ daˬ taˬ yaꞈ-euˬ dawˬ daˬ deuˬ kʼawꞈ jaˆ-eu meh. Yaˇ kʼaˬ daˇ-eu tsawˇ haˬ myaˆ pyawˬ huiˬ nyiˇ tseˇ-eu maˬ tsaˬ-a.

Dawqdaq 28:21

Myaˆ pyawˬ huiˬ nyiˇ tseˇ-eu jeˬ yawˬ lehˬ meh. Ehˇ kʼawꞈ, yaˇ kʼaˬ daˇ-eu tsawˇ haˬ tiˬ paˆ na deuˬ-aˬ, laꞈ nmꞈ ui cuiˆ nmꞈ nehˬ gaˇ noeˬ muiˬ-awˇ, huiˬ-eu yaw lehˬ mˇ nya-eu meh.

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

Yeˬlaˬmiˇ 1:17

Yeˬlaˬmiˇ-oˇ, lehˬ hmˬ-awˬ. Ngaˬ neh kʼaˇ bi ehˇ-euˬ yawˬ jeˬ na luꞈ, aˬ yawꞈ maꞈ-ahˇ ehˇ nehˬ-iˇ-awˬ. Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˇ guˆ naˇ, aˬ yawꞈ maꞈ-euˬ mehˬ shi kʼoeˇ naˆ maˬ tseˇ nawˬ-ahˇ ngaˇ paˇ laˆ guˆ nehˬ ma.

Uˬ duˬ 19:15

“Naw maꞈ yaˇ kʼaˬ daˇ ngeh, yaw sui yaw dawˇ laꞈ kʼoeˇ, yaw tsaˬ yaw dawˇ dawˇ-ehˇ daˇ-awˬ. Yaw shaˬ zaˬ paw gʼaˬ baꞈ baꞈ-eu maˬ ehˇ, smˇ muiˬ smˇ baw-ahˇ guˆ-eu maˬ ehˇ, taˬ bi pyeuꞈ.

Maˬlaˬkiˇ 2:9

Kʼoeˇ miˇ neh, Iˇsaˬleˬlaˆ tsawˇ haˬ deuˬ naw maꞈ-ahˇ bye-awˇ taˬ nyiˇ ni ngaˇ naw maꞈ-ahˇ jahˇ poˆ nehˬ ma. Aˬ jeˬ miˇ neh ehˇ naˇ, naw maꞈ ngaˇ nui ma tsaˬ-eu jeˬ maˬ mˇ ni, ngaˬ-euˬ tsawˇ haˬ deuˬ-ahˇ naw maꞈ mehˬ ngeh tsoˆ ngeh myaˆ pyawˬ huiˬ nyiˇ tseˇ-eu meh.”

Maꞈtehˬ 22:16

Aˬ yawꞈ maꞈ-euˬ zaˬ lahˇ tiˬ paˆ na deuˬ hawˇ-eu, Heˬloˆ aˇ muˇ -ahˇ uˇ-eu tsawˇ haˬ tiˬ paˆ na deuˬ-ahˇ, Yeˬsuˇ jawˇ gaˇ aˬ yawꞈ maꞈ pyehˬ gʼeh-euˬ meh. Aˬ yawꞈ maꞈ ehˇ-eu, “Saˬ laˬ-oˇ, nawˇ-aˬ, dawˇ coe ni ehˇ-eu tsawˇ haˬ meh lehˇ nga maꞈ siˬ nya ma. Tsawˇ haˬ zaˬ-euˬ myaˆ pyawˬ-ahˇ nawˇ maˬ haw-eu uˬ taꞈ, aˬ cawˬ noeˬ doeˇ laˇ gaˇ nawˇ maˬ yahˇ ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ, dawˇ coe ni mehˬ-eu meh.

Maˬkuˆ 12:14

Aˬ yawꞈ maꞈ Yeˬsuˇ jawˇ gaˇ oe-awˇ ehˇ-eu, “Saˬ laˬ-oˇ, nawˇ-aˬ, tsawˇ haˬ zaˬ deuˬ noeˬ doeˇ laˇ gaˇ maˬ guˆ ni dawˇ coe ni ngehˬ-eu tmˇ-eu tsawˇ haˬ meh lehˇ nga maꞈ siˬ nya ma. Nawˇ tsawˇ haˬ-euˬ myaˆ pyawˬ naˇ mehˇ-ahˇ maˬ haw ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ dawˇ coe ni mehˬ-eu meh. Loˇmaˆ Sahˬ pahˬ-ahˇ kawˬ doˆ nehˬ-eu aˬ dui-euˬ Zahˇ dawˬ kʼoꞈ dawˬ-ahˇ bahˬ meh loˇ, maˬ bahˬ-a loˇ lehˇ tiˬ poˆ ehˇ nehˬ laꞈ sheˇ.

Luˇkaꞈ 20:21

Aˬ yawꞈ maꞈ Yeˬsuˇ-ahˇ ehˇ-eu, “Saˬ laˬ-oˇ, nawˇ dawˇ coe ni ngehˬ-awˇ tmˇ-awˇ, dawˇ coe ni mehˬ-eu tsoˆ-eu tsawˇ haˬ meh lehˇ nga maꞈ siˬ nya ma. Nawˇ tsawˇ haˬ zaˬ-euˬ myaˆ pyawˬ-ahˇ maˬ haw ni, Miˬyehˇ-euˬ nui kʼahˇ dawˇ coe ni mehˬ-eu meh.

Lormav 2:11

Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ tehꞈ-a.

Eˇpeˇsu 6:9

Baw leˬ deuˬ-oˇ, kʼoeˇ loꞈ-ehˇ duˇ ni, naw maꞈ kʼawꞈ zaˬ kʼaˆ deuˬ gʼaˇ duˬ shaˇ noeˬ nehˬ-awˬ. Aˬ yawꞈ maꞈ-ahˇ guˆ tsiˬ taˬ nyehꞈ. Naw maꞈ maˬ ehˇ, naw maꞈ-euˬ zaˬ kʼaˆ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ mˬ kʼoeˇ taˆ jawˇ-eu Baw leˬ kʼoeˇ gʼaˬ-euˬ zaˬ kʼaˆ pyeuꞈ-eu ma lehˇ siˬ nya-awˬ. Aˬ yawꞈ-aˬ, yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ-ehˇ tiˬ kawˆ di ni yaˇ kʼaˬ daˇ-eu meh.

Dawˬmehˬ 10:17

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, miˬ yehˇ dawˬ tawˆ luꞈ hawˇ-eu baoˬ dawˬ tawˆ luꞈ kʼoeˇ taˆ huiˬ dzehˬ-eu meh. Aˬ yawꞈ-aˬ, baoˬ huiˬ dui dui -awˇ, guˆ laˇ paˬ-ehˇ gʼeh-eu meh. Aˬ yawꞈ-aˬ, myaˆ pyawˬ huiˬ nyiˇ maˬ tseˇ-ehˇ, laꞈ nmꞈ nmꞈ-eu jeˬ-ahˇ kʼawꞈ, maˬ ha geuꞈ-a.

Dawˬmehˬ 16:19

Aˬ yawꞈ maꞈ yaˇ kʼaˬ daˇ ngeh, maˬ tsaˬ maˬ dawˇ-eu jeˬ hawˇ-eu myaˆ pyawˬ huiˬ nyiˇ tseˇ-eu jeˬ maˬ ya mˇ-a. Laꞈ nmꞈ nmꞈ-eu jeˬ-ahˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmꞈ-eu jeˬ-aˬ, dawˇ coe ni mˇ-eu tsawˇ haˬ deuˬ hawˇ-eu zaˬ siˬ tsawˇ gahˇ ahˇ-eu tsawˇ haˬ deuˬ-ahˇ myaˆ behꞈ bi behꞈ-iˇ-awˇ, yaˇ kʼaˬ daˇ-eu jeˬ-ahˇ bi lehˬ-iˇ nya-eu meh.

Dawˬmehˬ 24:17

“Boeˇ miˬ siˬ kʼaˬ deuˬ hawˇ-eu muˇ coe aˬ nmˇ deuˬ-ahˇ, maˬ tsaˬ maˬ dawˇ-eu laꞈ kʼoeˇ yaˇ kʼaˬ maˬ ya ja gʼaˬ-a. Miˬ coeˬ miˬ ma-ahˇ pyuˇ paˇ nehˬ ngeh, aˬ yawꞈ-euˬ pehˇ kʼahˬ maˬ ya bi biꞈ daˇ-a.

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.

Gawˇlawˇsehˇ 3:25

Maˬ muiˬ-eu jeˬ mˇ-eu tsawˇ haˬ-aˬ, yawˬ ha neh kʼaˇ mˇ-euˬ loꞈ-ehˇ kʼehˬ nehˬ kʼaˆ nehˬ gaˇ ya daˬ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬzaˬ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ-eu meh.

1 Teˇsaˬloˇni 2:4

Miˬyehˇ neh bi ngehˬ bi tmˇ laꞈ-euˬ jeˬ-ahˇ tehꞈ-ehˇ nga maꞈ ngehˬ-eu tmˇ-eu ma. Aˬ jeˬ miˇ neh ehˇ naˇ, nga maꞈ Laˬ kʼaˬ cehˇ-eu Guiˬ lahˬ dawˬ mehˬ geuˇ meh lehˇ, Miˬyehˇ neh daˇ tsehˆ taˬ-euˬ jeˬ pyeuꞈ-eu meh. Tsawˇ haˬ zaˬ nui kʼahˇ shiˇ ni nga maꞈ mˇ luꞈ-eu maˬ ngeuˇ. Nga maꞈ-euˬ nui ma-ahˇ lawˬ haw-eu gʼaˬ pyeuꞈ-eu Miˬyehˇ nui kʼahˇ shiˇ ni mˇ luꞈ-eu ma.

Yaˬkoˆ 2:9

Ehˇ kʼawꞈ, naw maꞈ kʼoeˇ taˆ paw tehꞈ-ehˇ haw-awˇ myaˆ pyawˬ huiˬ nyiˇ tseˇ naˇ, ‘Iˬ baˇ mˇ-eu jeˬ pyeuꞈ-awˇ, zahˇ dawˬ kʼoꞈ dawˬ-ahˇ bahˬ-eu tsawˇ haˬ pyeuꞈ-eu meh’ lehˇ, Zahˇ dawꞈ kʼoꞈ dawˬ laꞈ kʼoeˇ pah mehˬ taˬ-euˬ meh.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.

1 Saˬmeuˬlaˆ 16:7

Ehˇ kʼawꞈ, aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ aˇ gahˬ aˇ goˇ muiˬ-awˇ aˇ gʼehˇ muiˬ gaˇ taˬ haw. Aˬ yawꞈ-ahˇ ngaˇ tseˇ doˆ-euˬ maˬ ngeuˇ. Aˬ jeˬ miˇ neh ehˇ naˇ, tsawˇ haˬ zaˬ haw mawˇ-eu hawˇ-eu ngaˇ haw mawˇ-eu maˬ duˇ leˇ-a. Tsawˇ haˬ zaˬ-aˬ, laꞈ nyiˇ aˇ gʼehˇ-ahˇ tehꞈ-ehˇ haw-eu meh. Ehˇ kʼawꞈ, ngaˇ-aˬ nui ma-ahˇ haw-eu ma.”

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.