Bawˇtsahˬ 9:20 - Akha

²⁰ Tiˬ poˆ na, mˬ dmˇ kʼoeˇ Sehˬ gʼawˆ kʼoeˇ taˆ tiˬ nah nyiˬ nah tehꞈ-ehˇ naˬ-eu meh. Aˬ joˆ-ehˇ pyeuꞈ laˇ-eu kʼawꞈ, Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ yawꞈ maꞈ naˬ-awˇ, Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ yawꞈ maꞈ luˆ-iˇ-euˬ meh.

Bawˇtsahˬ 9:20 ပူးပေါင်းရင်းမြစ်များ

Jaceuq 48:14

Miˬyehˇ heu gʼaˬ mˬ maˬ maˬ byaˆ zaˇ ziˇ aˬ dui-euˬ Miˬyehˇ pyeuꞈ-eu meh. Aˬ yawꞈ aˬ dui-ahˇ mˬ maˬ maˬ byaˆ zaˇ ziˇ sheuˬ gʼeh tehꞈ-a lehˇ mehˬ nehˬ yaꞈ-awˬ.

Dawqdaq 3:5

Nawˬ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ gʼoe-awˬ. Yawˬ ha bym-eu byehˆ-eu jeˬ-ahˇ taˬ gʼoe.

Dawqdaq 3:6

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ-ahˇ noeˬ keuˆ-awˬ. Nawˬ-ahˇ yaw tsaˬ yaw dawˇ gaˇ ma mehˬ laꞈ tehꞈ-a.

Bawˇtsahˬ 10:13

Moˇseˬ-ahˇ gʼoe-awˇ Sahˬpaˬ Miˬyehˇ dawˬ biꞈ ngeh, aˬ yawꞈ maꞈ aˇ dahˬ beh-awˇ doˆ-iˇ-eu meh.

Bawˇtsahˬ 9:18

Sahˬpaˬ Miˬyehˇ dawˬ biꞈ-awˇ kʼaˇ bi luˆ-iˇ ngeh Iˇsaˬleˬlaˆ tsawˇ haˬ deuˬ luˆ-iˇ-awˇ, aˬ yawꞈ dawˬ biꞈ-awˇ kʼaˇ bi naˬ ngeh aˬ yawꞈ maꞈ naˬ-euˬ meh. Mˬ dmˇ kʼoeˇ Sehˬ gʼawˆ kʼoeˇ taˆ kʼaˇ jaˆ kʼoeˇ keuˆ ni, aˬ yawꞈ maꞈ sehˬ gʼawˆ gʼawˆ-awˇ kʼaˇ jawˇ naˬ luꞈ-eu tsahˇ-ahˇ ya jawˇ tawˬ-eu meh.

Bawˇtsahˬ 9:19

Mˬ dmˇ kʼoeˇ Sehˬ gʼawˆ kʼoeˇ taˆ aˇ yamˬ gʼawˬ myahˇ ni jaˆ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ dawˬ biꞈ taˬ-euˬ gaˇ naˇ haˬ geuꞈ-eu laꞈ kʼoeˇ, maˬ luˆ-iˇ ni gʼawˬ myahˇ ni jawˇ-eu meh.

Bawˇtsahˬ 9:21

Tiˬ poˆ na, uˬ ciꞈ uˬ taw paw aˇ dahˬ beh-awˇ, uˬ shawˬ paw keuˆ ni tehꞈ-ehˇ mˬ dmˇ kʼoeˇ naˬ-eu meh. Mˬ dmˇ kʼoeˇ daˆ leˇ-eu nehˬ-ehˇ aˬ yawꞈ maꞈ kʼawꞈ ya luˆ-iˇ-eu meh. Mˬ dmˇ kʼoeˇ kʼaˇ daˆ leˇ ngeh aˬ yawꞈ maꞈ ya luˆ-iˇ-eu meh.

Dawˬmehˬ 7:21

Kʼoeˇ miˇ neh, tsawˇ haˬ kʼoeˇ deuˬ-ahˇ naw maꞈ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ meh. Aˬ yawꞈ-aˬ, huiˬ dui dui-eu Miˬyehˇ pyeuꞈ-awˇ, guˆ laˇ paˬ-ehˇ gʼeh-eu meh.