Bawˇtsahˬ 9:19 - Akha

¹⁹ Mˬ dmˇ kʼoeˇ Sehˬ gʼawˆ kʼoeˇ taˆ aˇ yamˬ gʼawˬ myahˇ ni jaˆ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ dawˬ biꞈ taˬ-euˬ gaˇ naˇ haˬ geuꞈ-eu laꞈ kʼoeˇ, maˬ luˆ-iˇ ni gʼawˬ myahˇ ni jawˇ-eu meh.

Bawˇtsahˬ 9:19 ပူးပေါင်းရင်းမြစ်များ

Doˆ-iˇ 40:37

Mˬ dmˇ kʼoeˇ Sehˬ gʼawˆ kʼoeˇ taˆ kʼaˇ jaˆ kʼoeˇ keuˆ ni, aˬ yawꞈ maꞈ maˬ luˆ-iˇ-a.

Uˬ duˬ 8:35

Uˬ ciꞈ nah gʼahˇ maˬ ehˇ, Sahˬpaˬ Miˬyehˇ neh ehˇ taˬ-euˬ gaˇ deuˬ ahˇ mˇ mˇ-ehˇ, shiꞈ nah keuˆ ni sehˬ gʼawˆ gʼoˆ kʼehˬ-ahˇ naw maꞈ ya jawˇ meh. Kʼoeˇ loꞈ-ehˇ maˬ mˇ naˇ, naw maꞈ ya shiˇ tehꞈ-a. Sahˬpaˬ Miˬyehˇ neh heu loꞈ-ehˇ dawˬ biꞈ taˬ-euˬ meh.”

Zaˬkaˬliˇ 3:7

“Baoˬ huiˬ-eu Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. Ngaˬ-euˬ zahˇ dawˬ kʼoꞈ dawˬ mehˬ nah nawˇ caw teh-awˇ, ngaˬ neh bi mˇ-euˬ gaˇ deuˬ- ahˇ nawˇ mˇ naˇ, ngaˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ-euˬ lahˇ laꞈ kʼoeˇ jaˆ-eu muiˬ-eu gaˇ deuˬ-ahˇ nawˇ ya haw ya pyaˆ-awˇ, ngaˬ-euˬ mehˬ shi jawˇ-eu mˬ taˆ gʼaˬ kʼehˇ deuˬ-euˬ shaˇ dawˬ-ahˇ ngaˇ naˇ haˬ nehˬ-euˬ loꞈ-ehˇ, nawˬ-euˬ shaˇ dawˬ-ahˇ kʼawꞈ ngaˇ naˇ haˬ nehˬ ma.

Bawˇtsahˬ 3:8

Sehˬ gʼawˆ laꞈ kʼoeˇ jaˆ-eu keu ka dawˬ tawˆ luꞈ-ahˇ aˬ yawꞈ maꞈ ya haw ya pyaˆ-awˇ, Iˇsaˬleˬlaˆ tsawˇ haˬ deuˬ gʼaˇ duˬ mˇ paˬ-ehˇ gʼeh-eu jeˬ ya mˇ meh.

Bawˇtsahˬ 9:18

Sahˬpaˬ Miˬyehˇ dawˬ biꞈ-awˇ kʼaˇ bi luˆ-iˇ ngeh Iˇsaˬleˬlaˆ tsawˇ haˬ deuˬ luˆ-iˇ-awˇ, aˬ yawꞈ dawˬ biꞈ-awˇ kʼaˇ bi naˬ ngeh aˬ yawꞈ maꞈ naˬ-euˬ meh. Mˬ dmˇ kʼoeˇ Sehˬ gʼawˆ kʼoeˇ taˆ kʼaˇ jaˆ kʼoeˇ keuˆ ni, aˬ yawꞈ maꞈ sehˬ gʼawˆ gʼawˆ-awˇ kʼaˇ jawˇ naˬ luꞈ-eu tsahˇ-ahˇ ya jawˇ tawˬ-eu meh.

Bawˇtsahˬ 9:20

Tiˬ poˆ na, mˬ dmˇ kʼoeˇ Sehˬ gʼawˆ kʼoeˇ taˆ tiˬ nah nyiˬ nah tehꞈ-ehˇ naˬ-eu meh. Aˬ joˆ-ehˇ pyeuꞈ laˇ-eu kʼawꞈ, Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ yawꞈ maꞈ naˬ-awˇ, Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ yawꞈ maꞈ luˆ-iˇ-euˬ meh.