Bawˇtsahˬ 9:15 - Akha

¹⁵ Sahˬpaˬ Miˬyehˇ jawˇ-eu Sehˬ gʼawˆ gʼoˆ tsoꞈ gʼaˬ ngeh nah, mˬ dmˇ zaꞈ le-awˇ, kʼoeˇ gaˇ dehˬ kaˬ le-euˬ meh. Uˬ ciꞈ ciꞈ le ngeh neh aˇ dahˬ beh -awˇ, uˬ bya bya laˇ ngeh yamˬ-ahˇ keuˆ ni, mˬ dmˇ kʼoeˇ miˬ dzaˬ-ahˇ duˇ-eu meh.

Bawˇtsahˬ 9:15 ပူးပေါင်းရင်းမြစ်များ

Neˬhaˬmiˇ 9:12

Nah gʼahˇ paw mˬ dmˇ neh gaˇ ma mehˬ-awˇ, uˬ ciꞈ paw miˬ dzaˬ bya nehˬ-eu laꞈ kʼoeˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Neˬhaˬmiˇ 9:19

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh-ahˇ, aˬ yawꞈ maꞈ-ahˇ nawˇ maˬ byehˇ dzeh-aˬ. Uˬ ciꞈ hawˇ-eu nah gʼahˇ aˬ yawꞈ maꞈ-ahˇ gaˇ ma mehˬ luꞈ-eu, miˬ dzaˬ hawˇ-eu mˬ dmˇ nawˇ maˬ yuˇ dzeh nehˬ-aˬ.

Jaceuq 105:39

Aˬ yawꞈ-euˬ tsawˇ haˬ deuˬ-ahˇ mˬ dmˇ joe shmˇ nehˬ-awˇ, uˬ ciꞈ paw miˬ dzaˬ yaw shehꞈ bya nehˬ-euˬ meh.

Jaceuq 78:14

Nah gʼahˇ paw mˬ dmˇ neh bi sheuˬ gʼeh-euˬ meh.

Doˆ-iˇ 13:21

Uˬ ciꞈ nah gʼahˇ maˬ-ehˇ, aˬ yawꞈ maꞈ gaˇ ma doˆ-iˇ nya ni, nah gʼahˇ paw aˬ yawꞈ maꞈ-ahˇ gaˇ ma mehˬ-eu gʼaˇ duˬ, mˬ dmˇ kʼawˇ zeuˇ laꞈ kʼoeˇ, Sahˬpaˬ Miˬyehˇ aˬ yawꞈ maꞈ-euˬ mehˬ hu iˇ-awˇ, uˬ ciꞈ paw miˬ dzaˬ kʼawˇ zeuˇ laꞈ kʼoeˇ aˬ yawꞈ maꞈ-euˬ meh hu aˬ yawꞈ iˇ-eu laꞈ kʼoeˇ, aˬ yawꞈ maꞈ-ahˇ yaw shehꞈ bya nehˬ-euˬ meh.

Doˆ-iˇ 13:22

Iˇsaˬleˬlaˆ tsawˇ haˬ deuˬ mehˬ shi, nah gʼahˇ paw mˬ dmˇ kʼawˇ zeuˇ aˬ myah luꞈ jaˆ-awˇ, uˬ ciꞈ paw miˬ dzaˬ kʼawˇ zeuˇ aˬ myah luꞈ jaˆ-euˬ meh.

Doˆ-iˇ 14:24

Sahˬpaˬ Miˬyehˇ-aˬ, uˬ bya maˬ bya shawˇ laˇ mi naˆ-ehˇ, mˬ dmˇ kʼawˇ zeuˇ hawˇ-eu miˬ dzaˬ kʼawˇ zeuˇ jaˆ gaˇ neh Iˇjiˇtuˆ guiˇ maꞈ jawˇ gaˇ haw ka gʼeh-awˇ, laˆ bahˬ laˆ baˆ nehˬ-awˇ bi shaˬ-euˬ meh.

Doˆ-iˇ 40:2

“Ba la yaw beh siˬ yaw beh nah-ahˇ, Sahˬpaˬ Miˬyehˇ jawˇ-eu Sehˬ gʼawˆ tsoˆ-awˬ.

Doˆ-iˇ 40:34

Kʼoeˇ naˇ, Sehˬ gʼawˆ-ahˇ mˬ dmˇ dehˬ kaˬ le-awˇ, Sahˬpaˬ Miˬyehˇ zaꞈ uˇ le-euˬ miˇ neh, aˬ yawꞈ-euˬ yaw shehꞈ kʼahˬ sehˇ Sehˬ gʼawˆ tiˬ byah ni jaˆ luꞈ-eu meh.

Doˆ-iˇ 40:35

Kʼoeˇ miˇ neh, Sehˬ gʼawˆ laꞈ kʼoeˇ Moˇseˬ maˬ uˇ leˇ nya-a.

Doˆ-iˇ 40:38

Aˬ yawꞈ maꞈ doe doe-ehˇ jawˇ jawˇ-ehˇ cah-euˬ aˇ nah aˇ yamˬ laꞈ kʼoeˇ, Sahˬpaˬ Miˬyehˇ jawˇ-eu saˇ kiˇ pyeuꞈ-eu mˬ dmˇ kʼoeˇ, nah gʼahˇ paw Sehˬ gʼawˆ kʼoeˇ taˆ jaˆ-awˇ, uˬ ciꞈ paw mˬ dmˇ laꞈ kʼoeˇ miˬ dzaˬ doꞈ luꞈ-eu meh.

Iˇsaˬyaˇ 4:5

Kʼoeˇ naˇ, Ziˇoˬ gawˬ jawˬ hawˇ-eu kʼoeˇ gaˇ kʼaˇ uiˬ leˇ taˬ-euˬ tsawˇ haˬ deuˬ kʼoeˇ taˆ, nah gʼahˇ paw Sahˬpaˬ Miˬyehˇ mˬ dmˇ pyehˬ gʼeh leꞈ-awˇ, uˬ ciꞈ paw miˬ dzaˬ miˬ lmˇ hawˇ-eu uˬ kʼoeˬ pyehˬ gʼeh leꞈ tehꞈ-a. Meuˬ meuˬ lah ni kʼoeˇ taˆ Miˬyehˇ-euˬ yaw shehꞈ kʼahˬ sehˇ uˆ tehˬ-awˇ, haw piˇ nehˬ tehꞈ-a.

Bawˇtsahˬ 10:34

Aˬ yawꞈ poˆ yawꞈ aˬ yawꞈ maꞈ kʼaˇ luˆ-iˇ ngeh, nah gʼahˇ paw Sahˬpaˬ Miˬyehˇ-euˬ mˬ dmˇ aˬ yawꞈ maꞈ kʼoeˇ taˆ jaˆ-eu meh.

Bawˇtsahˬ 14:14

miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ kʼoeˇ deuˬ-ahˇ, gaˇ kawˆ kʼoeˇ aˬ yawꞈ maꞈ dzawˇ nehˬ tehꞈ-a. Sahˬpaˬ Miˬyehˇ nawˇ nga maꞈ nehˬ-ehˇ jawˇ-eu gaˇ kawˆ maˬ ehˇ, nawˬ-euˬ mˬ dmˇ nga maꞈ kʼoeˇ taˆ naˬ le ngeh nawˬ-ahˇ bya cehˆ ni ya mawˇ-euˬ gaˇ kawˆ maˬ ehˇ, nah gʼahˇ paw mˬ dmˇ kʼawˇ zeuˇ neh nga maꞈ-ahˇ nawˇ sheuˬ gʼeh-euˬ gaˇ kawˆ maˬ ehˇ, uˬ ciꞈ paw miˬ dzaˬ kʼawˇ zeuˇ neh sheuˬ gʼeh-euˬ gaˇ kawˆ maˬ ehˇ, tsawˇ haˬ kʼoeˇ deuˬ ya siˬ ya mawˇ gʼaˬ-euˬ meh.

Bawˇtsahˬ 17:7

Sehˬ gʼawˆ laꞈ kʼoeˇ jaˆ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi, gawˬ yoeˬ kʼoeˇ deuˬ Moˇseˬ yuˇ taˬ-euˬ meh.

1 Gawˇliˬtu 10:1

Aˬ yuiꞈ aˬ nyiˇ Ka li zaˬ deuˬ-oˇ, Moˇseˬ-euˬ mehˬ nah caw teh-euˬ aˬ dui-euˬ aˬ poeˬ aˬ bawˇ deuˬ aˬ joˆ-ehˇ pyeuꞈ yaꞈ-euˬ gaˇ kawˆ naw maꞈ bi noeˬ mawˇ mawꞈ miˇ-a. Aˬ yawꞈ maꞈ dawˬ tawˆ luꞈ-ahˇ mˬ dmˇ dehˬ kaˬ nehˬ-awˇ, Iˬ ma laˆ shaˆ Yaw neˇ-ahˇ bi tsehˆ doˆ-euˬ meh.

Dawˬmehˬ 1:33

Naw maꞈ bi jawˇ naˬ-eu gʼaˇ duˬ jawˇ zaˇ shaˇ-eu lehˇ, naw maꞈ-euˬ mehˬ hu, aˬ myah luꞈ aˬ yawꞈ iˇ luꞈ-eu kʼawꞈ, aˬ yawꞈ-ahˇ naw maꞈ maˬ jah-a. Naw maꞈ-ahˇ gaˇ ma mehˬ-eu gʼaˇ duˬ, uˬ ciꞈ paw miˬ dzaˬ kʼawˇ zeuˇ laꞈ kʼoeˇ maˬ ehˇ, nah gʼahˇ paw mˬ dmˇ kʼawˇ zeuˇ laꞈ kʼoeˇ maˬ ehˇ, naw maꞈ-euˬ mehˬ shi aˬ yawꞈ iˇ luꞈ-eu meh.